<div style="margin-top: 0px; margin-bottom: 0px;" class="sharethis-inline-share-buttons" ></div> <p></p> <p><strong>ప్రపంచవ్యాప్తంగా గ్రీన్ఫీల్డ్ నగరాల అభివృద్ధి విషయంలో భిన్నమైన అనుభవాలున్నాయి. అభివృద్ధి విషయంలోనే భిన్న పాఠాలున్నాయి.</strong> ఆంధ్రప్రదేశ్లోనే చూస్తే విజయవాడ వంటి నగరాలను తోసిరాజని విశాఖపట్నం దూసుకుపోయిన తీరు అందుకు ఓ కొలమానం. దేశవ్యాప్తంగా గాంధీనగర్, నవా రాయ్పూర్ అనుభవాలున్న సమయంలోనే నోయిడా లాంటివి కూడా మనకి కనిపిస్తాయి. ఇలాంటి అనేక నగరాలను పరిశీలిస్తే అర్థమవుతున్న అంశం ఒక్కటే. ఉపాధి కల్పన, సామాన్యులకు నివాసయోగ్యంగా ఉండే ప్రాంతాలు మాత్రమే అభివృద్ది అయ్యాయి. మిగిలిన ప్రాజెక్టులన్నీ కునారిల్లిపోతున్నాయి.</p> <p>హైదరాబాద్ కి తోడుగా సైబరాబాద్, ఇప్పటి ఏపీలో వైజాగ్ అభివృద్ధి వెనుక ఇండస్ట్రీస్ పాత్ర అత్యంత కీలకం. అది విస్మరించి ఎన్ని వాదనలు చేసినా ఒట్టి విన్యాసాలుగానే మిగులుతాయి. ఐటీ విస్తృతమవుతున్న దశలో హైదరాబాద్ నగరానికి ఉన్న ప్రత్యేక వాతావరణం, భౌగోళిక పరిస్థితులు వంటివి అనుకూలాంశాలుగా కలిసివచ్చి సైబరాబాద్ వేగంగా విస్తరించింది. వైజాగ్ లో 1980 దశకం తర్వాత స్టీల్ ప్లాంట్ అందుబాటులోకి రావడం ఆ నగరాన్ని ఆమూలాగ్రం మార్చేసింది. ఇప్పుడు హైదరాబాద్, విశాఖ మహానగరాలుగా మారడంలో కీలకపాత్ర పోషించిన రెండు రకాల పెట్టుబడులు మన కళ్లెదురుగా కనిపిస్తున్నాయి. వాటికి అనుబంధంగా వచ్చిన పరిశ్రమలతో కళకళలాడుతున్న తీరు కొట్టొచ్చినట్టు చాటుతోంది. అందుకు తోడుగా అత్యంత సామాన్యులకు సైతం ఆయా నగరాలు నివాసయోగ్యత కల్పించాయి. అదే అభివృద్దికి ఆలవాలమయ్యింది.</p> <p>ఇలాంటి పరిస్థితుల్లోనే నవా రాయ్పూర్, అమరావతి నగరాలను కూడా పరిశీలించాల్సి ఉంటుంది. రెండు నగరాల మధ్య ఉన్న పోలికలను గమనించాల్సి ఉంటుంది. అభివృద్ధికి ఉన్న అవకాశాలు, అవరోధాలు అవగతం చేసుకోవాల్సి ఉంటుంది.</p> <figure class="wp-block-image size-large"><img decoding="async" width="1024" height="576" src="https://teluguheadlines.com/wp-content/uploads/2026/04/DJI_20260404100451_0040_D.JPG-1024x576.jpeg" alt="" class="wp-image-1889" srcset="https://teluguheadlines.com/wp-content/uploads/2026/04/DJI_20260404100451_0040_D.JPG-1024x576.jpeg 1024w, https://teluguheadlines.com/wp-content/uploads/2026/04/DJI_20260404100451_0040_D.JPG-300x169.jpeg 300w, https://teluguheadlines.com/wp-content/uploads/2026/04/DJI_20260404100451_0040_D.JPG-768x432.jpeg 768w, https://teluguheadlines.com/wp-content/uploads/2026/04/DJI_20260404100451_0040_D.JPG-1536x864.jpeg 1536w, https://teluguheadlines.com/wp-content/uploads/2026/04/DJI_20260404100451_0040_D.JPG-2048x1152.