లెనిన్' మూవీ రివ్యూ.. అయ్యగారు నెంబర్ 1 అనిపించుకున్నారా

ఏం చేసాడు.. ఇవన్నీ తెలియాలంటే సినిమా చూడాల్సిందే..

అఖిల్ ఇప్పటివరకు ఒక్క కమర్షియల్ హిట్ కొట్టకపోవడంతో లెనిన్ పైనే అందరూ ఆశలు పెట్టుకున్నారు. 2000 బ్యాక్ డ్రాప్ లో ఈ కథ జరుగుతుంది. అనాథగా ఊళ్లోకి వచ్చి ఆ ఊరి పెద్ద కుటుంబంలో ఒకడిగా మారిన వ్యక్తి, అతని ప్రేమకథ, నమ్మినవాళ్ళే అతన్ని మోసం చేస్తే ఏం చేసాడు అనే కథాంశంతో ఈ సినిమా తెరకెక్కింది.

ఫస్ట్ హాఫ్ ఎన్టీఆర్ వాయిస్ ఓవర్ తో సినిమా మొదలవుతుంది. మహాభారతం, ద్రౌపది, పాండవుల గురించి చెప్పి ఆ ఊరి కథలోకి తీసుకు వెళ్తాడు. హీరో చిన్నప్పుడు ఎంట్రీ సీన్ బాగుంటుంది. సినిమా ఓపెనింగ్ జైలు నుంచి హీరో బయటకు రావడంతో అసలు ఏం జరిగింది అని ఆసక్తి నెలకొంటుంది. ఫస్ట్ హాఫ్ అంతా ఆల్మోస్ట్ లెనిన్, భారతి ప్రేమకథతో, మధ్యలో ఎమ్మెల్యే సీన్స్ తో సాగుతుంది. ప్రేమ కథ రొటీన్ విలేజ్ లవ్ స్టోరీ. భారతి అక్క వైదేహి విషయంలో ఇచ్చే ట్విస్ట్ ఊహించలేరు. దీంతో అక్కడ్నుంచి కథ ఆసక్తిగా సాగుతుంది. ఇంటర్వెల్ కి వసంత్ ని చంపడానికి కొంతమంది ప్లాన్ చేస్తారు. దీంతో ఎవరు ప్లాన్ చేసారు? లెనిన్ – భారతి పెళ్లి జరుగుతుందా అని సెకండ్ హాఫ్ పై ఆసక్తి నెలకొంటుంది.

సెకండ్ హాఫ్ ట్విస్టులతో, ఎమోషన్ తో సాగుతుంది. సెకండ్ హాఫ్ లో వచ్చే ట్విస్ట్ లు అన్ని ఊహించేయొచ్చు. మెయిన్ విలన్ ఎవరో ముందే పసిగట్టేయొచ్చు. కథ, ట్విస్టులు కొత్తవేమీ కావు. ఇలాంటి కథ, ట్విస్ట్ లు చాలా సినిమాల్లో ఉన్నవే. క్లైమాక్స్ లో వచ్చే ట్విస్ట్ మాత్రం ఎవరూ ఊహించలేరు. కానీ కథనం మహాభారతానికి లింక్ చేస్తూ మహాభారతంలోని పాత్రలు రివర్స్ అయితే ఎలా ఉంటుంది అని ఆసక్తికర కథనంతో చెప్పారు. అక్కినేని ఫ్యాన్స్ కి అయితే పండగే. సినిమా అంతా ఒక ప్రేమకథ, హీరోయిన్ పాత్ర చుట్టూ మిగిలిన పాత్రలు అన్ని ఏం చేసారు అని ట్విస్టులతో సాగుతుంది. ఒక మాస్ కమర్షియల్ విలేజ్ లవ్ స్టోరీగా ఈ సినిమాని తెరకెక్కించారు. కమర్షియల్ గా అయితే ఈ సినిమా సక్సెస్ అయ్యే అవకాశం ఉంది. బిసి సెంటర్స్ కి ఈ సినిమా బాగానే కనెక్ట్ అవ్వొచ్చు. మరి అఖిల్ ఏ రేంజ్ హిట్ కొడతాడో, ఎన్ని కలెక్షన్స్ వస్తాయో చూడాలి.

ఇన్నాళ్లు సో సోగా పర్వాలేదనిపించిన అఖిల్ మొదటిసారి నటించాడు అని చెప్పొచ్చు. సెకండ్ హాఫ్ లో, క్లైమాక్స్ లో అఖిల్ చాలా బాగా నటించాడు. ముఖ్యంగా క్లైమాక్స్ లో అయితే అఖిల్ అదరగొట్టేసాడు. భాగ్యశ్రీ భోర్సే కూడా చాలా బాగా నటించింది. భారతి పాత్రలో మెప్పిస్తుంది. కథ అంతా తన చుట్టే తిరుగుతుంది. శ్రీలీలని తీసేసి ఈ పాత్రకు భాగ్యశ్రీని తీసుకోవడం కరెక్ట్ అనిపిస్తుంది.

వసంత్ పాత్రలో కన్నడ నటుడు ప్రమోద్ పుంజు అదరగొట్టాడు. ఓ జాతర సీక్వెన్స్ లో అయితే చాలా బాగా నటించాడు. ఈ సినిమాతో ప్రమోద్ కి తెలుగులో మరిన్ని అవకాశాలు రావొచ్చు. ఈశ్వరరావు తల్లి పాత్రలో బాగానే మెప్పించింది. శివాజీ కూడా మరోసారి తన పర్ఫార్మెన్స్ తో మెప్పిస్తాడు. భాగ్యశ్రీ అక్క పాత్రలో చేసిన నటి కూడా బాగా నటించింది. రాంకీ, గెటప్ శ్రీను, బ్రహ్మాజీ, శత్రు, శరణ్య ప్రదీప్, ఎమ్మెల్యే పాత్ర చేసిన నటుడు..మిగిలిన నటీనటులంతా వారి పాత్రల్లో బాగానే మెప్పించారు.

సినిమాటోగ్రఫీ విజువల్స్ అయితే అదిరిపోయాయి. బ్యాక్ గ్రౌండ్ మ్యూజిక్ ఎలివేషన్ సీన్స్ లో బాగున్నా మిగిలిన చోట్ల యావరేజ్. ఒక్క పెళ్లి సాంగ్ మాత్రమే బాగుంది. మిగిలిన పాటలన్ని ఒకసారి వినడమే. ఎడిటింగ్ లో ఫస్ట్ హాఫ్ లో కొన్ని లవ్ సీన్స్, ల్యాగ్ సీన్స్ కట్ చేస్తే బెటర్. కథ, ట్విస్టులు పాతవి అయినా కథనం కొత్తగా రాసుకొని మహాభారతానికి లింక్ ఇస్తూ బాగానే తెరకెక్కించాడు దర్శకుడు. నిర్మాణ పరంగా ఈ సినిమాకు బాగానే ఖర్చుపెట్టినట్టు తెరపై కనిపిస్తుంది. విలేజ్ బ్యాక్ డ్రాప్, పీరియాడిక్ కావడంతో ఆర్ట్ డిపార్ట్మెంట్ కూడా బాగానే కష్టపడ్డారు.

మొత్తంగా ‘లెనిన్’ సినిమా ఓ ప్రేమకథ చుట్టూ ట్విస్టులతో సాగే సినిమా. ఈ సినిమాకు 3 రేటింగ్ ఇవ్వొచ్చు.

గమనిక : ఈ సినిమా రివ్యూ& రేటింగ్ కేవలం విశ్లేషకుడి వ్యక్తిగత అభిప్రాయం మాత్రమే.