Ys Jagan Restructuring News

ఆంధ్రప్రదేశ్ రాజకీయ ముఖచిత్రం ప్రస్తుతం ఆసక్తికరమైన మలుపు తిరుగుతోంది. ఎన్నికల అనంతర నిశ్శబ్దాన్ని వీడుతూ ప్రధాన ప్రతిపక్షం వైఎస్సార్ కాంగ్రెస్ పార్టీ (వైసీపీ) నెమ్మదిగా క్రియాశీలకం అవుతున్న సంకేతాలు స్పష్టంగా కనిపిస్తున్నాయి. ఈ అంశంపై సీనియర్ జర్నలిస్ట్ వి.వి.రావు మరో సీనియర్ జర్నలిస్ట్ భరద్వాజ మధ్య ఆసక్తికర సంభాషణ టోన్‌ నిర్వహించింది. ముఖ్యంగా వైసీపీ అధినేత వైఎస్ జగన్మోహన్ రెడ్డి తన రాజకీయ శైలిని, పార్టీ వ్యవస్థను పునర్నిర్మించుకునే (రీస్ట్రక్చర్) పనిలో పడ్డారు. గతంలో కేవలం తన నివాసానికే పరిమితమై, పరిమిత సమాచారంతో నిర్ణయాలు తీసుకునే వ్యూహం నుంచి బయటపడి, ఇప్పుడు నేరుగా పార్టీ కార్యాలయానికి వస్తూ క్యాడర్‌తో మమేకమవుతున్నారు. ఈ మార్పు రాబోయే వర్షాకాల అసెంబ్లీ సమావేశాలకు ఆయన హాజరవుతారనే బలమైన అంచనాలకు దారితీస్తోంది. ప్రస్తుత కూటమి ప్రభుత్వ వైఫల్యాలను ఎండగట్టేందుకు వైసీపీ కొన్ని ప్రయత్నాలు చేస్తోంది. డీఎస్సీ ఉపాధ్యాయ పోస్టుల భర్తీలో అవినీతి జరిగిందనే ఆరోపణలు, శాంతిభద్రతల సమస్యలు, అలాగే ప్రభుత్వ హామీల అమలుపై జగన్ ప్రెస్ మీట్ల ద్వారా విమర్శలు గుప్పిస్తున్నారు. అయితే, ఈ విమర్శలు కాంక్రీట్ ఆధారాలు లేకుండా, కేవలం రాజకీయ బురదజల్లే కార్యక్రమంగానే సాగుతున్నాయనే విశ్లేషణలు వస్తున్నాయి. కేవలం ప్రెస్ మీట్లకు, పార్టీ కార్యాలయాలకు పరిమితం కాకుండా ప్రజల్లోకి వెళ్లినప్పుడే ప్రతిపక్షంగా గుర్తింపు లభిస్తుంది. అన్నింటికంటే ముఖ్యంగా, జగన్మోహన్ రెడ్డి ప్రస్తుతం జాతీయ స్థాయిలో ఒక స్పష్టమైన రాజకీయ వైఖరిని (పొలిటికల్ స్టాండ్) తీసుకోలేక డోలాయమానంలో కొట్టుమిట్టాడుతున్నారు. ఒకవైపు ఎన్డీఏతో నేరుగా తలపడలేని పరిస్థితి, మరోవైపు ప్రజాక్షేత్రంలో నిలబడాలంటే యాంటీ ఎన్డీఏ స్టాండ్ తీసుకోవాల్సిన అవసరం ఆయనను అయోమయానికి గురిచేస్తున్నాయి. కేంద్ర విధానాలపై మాట్లాడేటప్పుడు ఆయన ప్రదర్శిస్తున్న తడబాటు దీనికి నిదర్శనం. క్యాడర్ నుంచి యాంటీ ఎన్డీఏ వైఖరి వైపు వెళ్లాలనే ఒత్తిడి పెరుగుతున్నప్పటికీ, దిల్లీ మరియు బెంగళూరు దిశల నుంచి వచ్చే రాజకీయ సంకేతాలు, వ్యక్తిగత ముందస్తు జాగ్రత్తలు ఆయన అడుగులను అడ్డుకుంటున్నాయి. రెండు పడవల