Wildlife Protection News

చిత్తూరు జిల్లా మంగళంపేట అటవీ ప్రాంత పరిధిలోని పాపిరెడ్డిగారిపల్లె వద్ద ఓ మామిడి తోటలో ప్రమాదవశాత్తు విద్యుత్ షాక్‌కు గురై మగ ఏనుగు మృతి చెందిన విషయం తెలిసిందే. ఈ ఘటనపై ఆంధ్రప్రదేశ్ ఉప ముఖ్యమంత్రి పవన్ కల్యాణ్ విచారం వ్యక్తం చేశారు. అమరావతి, సెప్టెంబర్ 1 (ఆంధ్రజ్యోతి): చిత్తూరు జిల్లా మంగళంపేట అటవీ ప్రాంత పరిధిలోని పాపిరెడ్డిగారిపల్లె వద్ద ఓ మామిడి తోటలో ప్రమాదవశాత్తు విద్యుత్ షాక్‌కు గురై మగ ఏనుగు మృతి చెందిన విషయం తెలిసిందే. ఈ ఘటనపై ఆంధ్రప్రదేశ్ ఉప ముఖ్యమంత్రి, అటవీ, పర్యావరణ శాఖల మంత్రి పవన్ కల్యాణ్ (AP Deputy CM Pawan Kalyan) విచారం వ్యక్తం చేశారు. ఈ ఘటనపై అటవీ శాఖ ఉన్నతాధికారుల ద్వారా వివరాలు అడిగి తెలుసుకున్నారు. బోర్‌వెల్ మోటార్‌కు అనుసంధానించిన తక్కువ ఎత్తులో ఉన్న విద్యుత్ తీగ ఏనుగుకు తగలడం, ఆ సమయంలో విద్యుత్ సరఫరా ఉండటంతో ఈ ప్రమాదం జరిగి ఉండవచ్చనేది ప్రాథమికంగా అంచనా వేశామని అధికారులు చెప్పారని అన్నారు. ఈ మేరకు ఎక్స్(X)లో పవన్ కల్యాణ్ పోస్టు పెట్టారు. విద్యుత్ తీగలు తగినంత ఎత్తులో ఉండేలా చర్యలు తీసుకోవాలి.. ఏనుగు మృతి ఘటనపై విచారణ చేపట్టి, నివేదికను సమర్పించాలని పవన్ కల్యాణ్ ఆదేశించారు. వన్యప్రాణి నిబంధనలు, నిర్దేశిత ప్రోటోకాల్ ప్రకారం పోస్టుమార్టం నిర్వహించిన అనంతరం ఏనుగును ఖననం చేయాలని సూచించారు. వన్యప్రాణులు సంచరించే ప్రాంతాల్లో విద్యుత్ తీగలు తగినంత ఎత్తులో ఉండేలా సంబంధిత అధికారులు చర్యలు తీసుకోవాలని ఆదేశించారు. విద్యుత్ శాఖతో సమన్వయం చేసుకుని భవిష్యత్తులో ఇలాంటి ప్రమాదాలు పునరావృతం కాకుండా అవసరమైన ముందస్తు జాగ్రత్తలు చేపట్టాలని డిప్యూటీ సీఎం పవన్ కల్యాణ్ సూచించారు. జగన్ హయాంలో వెలిగొండ ప్రాజెక్ట్‌కు గ్రహణం పట్టింది: సీఎం చంద్రబాబు పవన్ కల్యాణ్ ఆదేశాలు.. ఏపీలో పర్యావరణ పరిరక్షణకు స్పెషల్ డ్రైవ్ రోశయ్య స్ఫూర్తితో యువత రాజకీయాల్లోకి రావాలి: మంత్రి లోకేశ్

శ్రీశైలం వెళ్ళే భక్తులు తప్పక తెలుసుకోవాల్సిన వార్త. నల్లమల అటవీ సౌందర్యం, వన్య ప్రాణుల సంరక్షణ కోసం అటవీ శాఖ కీలక నిర్ణయం తీసుకుంది. జులై 1వ తేదీ నుండి సెప్టెంబర్ 30 వ తేదీవరకు మూడు నెలల పాటు నల్లమల అటవీ ప్రాంతంలో అటవీ అధికారులు పర్యాటకులకు నిషేధం విధించారు. కనుక నల్లమల అటవీ ప్రాంతంలో సాధారణ ప్రజలు, పర్యాటకులు, శ్రీశైలం వెళ్ళే భక్తులకు కీలక అలెర్ట్ ఇచ్చారు అటవీ అధికారులు.నల్లమలలో ఆంక్షల వెనుక ముఖ్య ఉద్దేశం ఇదేనాగార్జున సాగర్-శ్రీశైలం పులి అభయారణ్యం భారతదేశంలోని ముఖ్యమైన పులి సంరక్షణ కేంద్రాల్లో ఒకటి. గతేడాది ఇక్కడ 90 పులులు నమోదయ్యాయి. ఇందులో 32 మగ, 40 ఆడ పులులు ఉన్నాయి. జులై నుంచి సెప్టెంబర్ మధ్య కాలం పులుల పునరుత్పత్తికి అత్యంత అనుకూలమైన సమయం.పులుల సంతానోత్పత్తి కాలం కావడంతో వాటికి ఏకాంతం కల్పించడమే ఈ ఆంక్షల వెనుక ఉన్న ముఖ్య ఉద్దేశం.మూడు నెలల కాలంలో జంగిల్ సఫారీలు పూర్తిగా బంద్ ఈ కాలంలో మనుషుల రాకపోకల వల్ల పులులకు ఇబ్బంది కలగకుండా, వాటి సహజ ప్రవర్తనకు అంతరాయం ఏర్పడకుండా ఈ చర్యలు తీసుకున్నారు. అడవిలోకి ప్రవేశించినవారిపై పులులు దాడి చేసే అవకాశం ఉండటంతో కూడా ఈ నిర్ణయం తీసుకున్నట్టు సమాచారం. ఈ మూడు నెలల కాలంలో జంగిల్ సఫారీలు పూర్తిగా నిలిపివేశారు. మార్కాపురం, ఆత్మకూరు, నంద్యాల అటవీ డివిజన్లలోని సఫారీ సేవలు రద్దు చేశారు.ఈ రూట్లలో భక్తులు జాగ్రత్త అలాగే అడవి ప్రాంతంలోని ఇష్టకామేశ్వరీ దేవి ఆలయం, రుద్రకోడూరు క్షేత్రం, గుండ్ల బ్రహ్మేశ్వర ఆలయం వంటి పుణ్యక్షేత్రాల సందర్శనకు కూడా అనుమతి ఉండదు. శ్రీశైలం ఆలయం వైపు వెళ్లే మార్గాల్లో భాగమైన నల్లమల జంగిల్ రూట్లలో భక్తులు జాగ్రత్తగా ఉండాలి. అయితే బఫర్ జోన్‌లలో ఉన్న ఎకో టూరిజం స్థలాల్లో కొంతవరకు విడిది సాధ్యమవుతుంది.వన్య ప్రాణుల కోసం ఈ నిర్ణయం అటవీ శాఖ అధికారులు

తమిళ సినీ నటుడు చియాన్ విక్రమ్ ఇటీవల ఇన్‌స్టాగ్రామ్‌లో పోస్ట్ చేసిన ఒక రీల్ సామాజిక మాధ్యమాల్లో తీవ్ర వివాదానికి దారితీసింది. అందులో ఆయన లార్ గిబ్బన్ అనే అరుదైన ప్రైమేట్‌తో సరదాగా సమయం గడుపుతూ కనిపిస్తారు. ఈ దృశ్యాలు బయటకు వచ్చిన వెంటనే వన్యప్రాణి రక్షణ చట్టాలపై అనేక అనుమానాలు వ్యక్తమయ్యాయి. ఫలితంగా తమిళనాడు అటవీ శాఖ అధికారులు దీనిపై సమగ్ర విచారణను ప్రారంభించారు. ఆగస్టు 9న విక్రమ్ ఈ వీడియోను సామాజిక మాధ్యమాల్లో పంచుకున్నారు. ఈ దృశ్యాలు చెన్నైలోని ఇంజంబాక్కం ప్రాంతంలో ఉన్న ఆయన బంధువుల నివాసంలో తీసినట్లు అధికారులు ప్రాథమికంగా గుర్తించారు. ఈ జీవి విక్రమ్ కుమార్తె మామ, ప్రముఖ వ్యాపారవేత్త సి.కె. రంగనాథన్‌కు చెందినదిగా సమాచారం వెలువడింది. అయితే చట్టపరమైన ప్రశ్నలు తలెత్తడంతో విక్రమ్ 24 గంటల వ్యవధిలోనే ఆ వీడియోను సామాజిక మాధ్యమాల నుంచి తొలగించారు. చెన్నై వన్యప్రాణి వార్డెన్ కులాల్ యోగేష్ విలాస్, చీఫ్ వైల్డ్‌లైఫ్ వార్డెన్ రాకేష్ కుమార్ డోగ్రా ఈ వ్యవహారంపై దృష్టి సారించారు. అధికారులు రంగనాథన్ నివాసానికి వెళ్లి సదరు జీవికి సంబంధించిన ఆధారాలను సేకరించినట్లు వార్తలు వచ్చాయి. దీంతో ఈ అరుదైన జీవి నివాసం మరియు దాని నిర్వహణపై పూర్తి వివరాలు సేకరించే ప్రక్రియ వేగవంతమైంది. ఫలితంగా, ఈ లార్ గిబ్బన్ జూన్ 2026లో మణిపూర్ నుండి ఈరోడ్‌కు చేరుకుందని నివేదికలు స్పష్టం చేస్తున్నాయి. ఆ తర్వాత ఆగస్టు 5న ఈరోడ్‌కు చెందిన ఒక వ్యక్తి నుంచి రంగనాథన్‌కు బదిలీ అయినట్లు ఫారమ్-I లో నమోదైంది. ఈ నేపథ్యంలో, బదిలీకి సంబంధించిన దరఖాస్తులు తమిళనాడు చీఫ్ వైల్డ్‌లైఫ్ వార్డెన్ వద్ద ఇంకా ఆమోదం కోసం పెండింగ్‌లోనే ఉన్నాయి. లార్ గిబ్బన్ ఆగ్నేయాసియా ప్రాంతానికి చెందిన అరుదైన జీవి కావడం వల్ల దీనికి అంతర్జాతీయంగా సీట్లు అపెండిక్స్-I కింద అత్యధిక రక్షణ ఉంటుంది. భారతదేశంలో దీనిని వన్యప్రాణి సంరక్షణ చట్టం 1972కింద

తమిళ స్టార్ హీరో విక్రమ్ చిక్కుల్లో ప‍డ్డారు. ఓ అరుదైన విదేశీ జాతి కోతితో కలిసి చేసిన వీడియోనే దీనికి కారణం. విమర్శలు రావడంతో సోషల్ మీడియాలో ఈ వీడియో పోస్ట్ చేసిన 24 గంటల్లోనే విక్రమ్ దానిని డిలీట్ చేశాడు. ఇంతకీ అసలేమైంది? ఏంటి వివాదం? (ఇదీ చదవండి: కలలో శివుడు.. ఇది సాధారణంగా అనిపించలేదు: పూరీ కూతురు) ఆదివారం హీరో విక్రమ్.. అరుదైన జాతికి చెందిన లార్ గిబ్బన్ కోతితో ఆడుకుంటున్న ఓ వీడియోని ఇన్ స్టాలో పోస్ట్ చేశాడు. ఇందులో సదరు కోతిని అనుకరిస్తూ విక్రమ్ ఎక్స్‌ప్రెషన్స్ ఇచ్చాడు. కొందరు దీన్ని చూసి లైక్ కొట్టగా మరికొందరు మాత్రం వన్యప్రాణి సంరక్షణ అధికారులకు ఫిర్యాదు చేశారు. అరుదైన జాతి కోతి.. విక్రమ్ దగ్గరకు ఎలా వచ్చింది? దీనిని పెంపుడు జంతువులా పెంచుకోవచ్చా అని పలు సందేహాలు రేకెత్తించారు.దీంతో విక్రమ్ తన వీడియోని డిలీట్ చేశాడు. విక్రమ్ తన వియ్యంకుడు(కూతురి మామ), ప్రముఖ బిజినెస్‌మ్యాన్ సీకే రంగనాథన్ ఇంటికి వెళ్లినప్పుడు ఈ కోతితో కలిసి వీడియో చేసినట్లు తెలుస్తోంది. ఈ వీడియో ఆధారంగా అటవీశాఖ అధికారులు విచారణ మొదలుపెట్టినట్లు సమాచారం. సదరు కోతిని రంగనాథన్ ఎక్కడ కొనుగోలు చేశారు? వన్యప్రాణుల అక్రమ రవాణా ముఠా హస్తం ఉందా? అనే కోణంలోనూ దర్యాప్తు చేస్తున్నారు. విక్రమ్ వీడియోలో కనిపించిన కోతి పేరు లార్ గిబ్బన్ (Lar Gibbon). ఇది అంతరించిపోయే దశలో ఉన్న జంతు జాతుల్లో ఒకటి. ఈ జాతికి సిటెస్(CITES) నిబంధనలతో పాటు భారత వన్యప్రాణి సంరక్షణ చట్టం కింద కూడా రక్షణ ఉంది. అవసరమైన అనుమతులు, పత్రాలు లేకుండా లార్ గిబ్బన్‌ని పెంపుడు జంతువుగా ఉంచడం చట్టబద్ధమేనా? అని ఈ వీడియో వల్ల ప్రశ్నలు తలెత్తుతున్నాయి. (ఇదీ చదవండి: ఓటీటీలోకి రోజా రీఎంట్రీ సినిమా) కిరణ్ అబ్బవరం క్యూట్ ఫ్యామిలీ.. వెకేషన్ (ఫొటోలు) కొలంబియాను కుదిపేసిన రాకాసి భూకంపం..(ఫొటోలు) ‘అగధ’

Ladakh Pangong Lake Fine : కేంద్రపాలిత ప్రాంతమైన లడఖ్‌లోని పర్యాటక ప్రాంతాల్లో నిబంధనలను ఉల్లంఘిస్తూ.. పర్యావరణానికి హాని కలిగించేలా ప్రవర్తించిన పర్యాటకులపై అక్కడి యంత్రాంగం ఉక్కుపాదం మోపింది. పర్యావరణపరంగా అత్యంత సున్నితమైన లడఖ్ ప్రాంతంలో వన్యప్రాణుల రక్షణ చట్టాన్ని ఉల్లంఘించి, అక్రమంగా ఆఫ్ రోడింగ్ విన్యాసాలు చేసిన నలుగురు పర్యాటకులకు లడఖ్ వన్యప్రాణి విభాగం భారీ జరిమానా విధించింది. వేర్వేరు నాలుగు ఘటనల్లో ఒక్కో పర్యాటకుడికి రూ. 50,000 చొప్పున మొత్తం రూ. 2 లక్షల జరిమానా వేసింది. అంతేకాకుండా వారి వాహనాలను కూడా అధికారులు సీజ్ చేశారు. లడఖ్ చరిత్రలోనే పర్యాటకులపై ఇలాంటి అత్యంత కఠినమైన చర్యలు తీసుకోవడం ఇదే మొదటిసారి కావడం గమనార్హం.వన్యప్రాణుల జోన్లలో వాహనాలతో విన్యాసాలు..పోలీసులు, వన్యప్రాణి విభాగం తెలిపిన వివరాల ప్రకారం.. పర్యాటకులు తమ సొంత వాహనాలతో లడఖ్‌లోని ప్రపంచ ప్రసిద్ధ పాంగాంగ్ సరస్సు, చాంగ్‌థాంగ్, నుబ్రా లోయలోని రక్షిత వన్యప్రాణి జోన్లలోకి అక్రమంగా చొరబడ్డారు. హిమాచల్ ప్రదేశ్, చండీగఢ్, పంజాబ్, ఉత్తర ప్రదేశ్‌లకు చెందిన ఈ పర్యాటకులు కేవలం సోషల్ మీడియా రీల్స్, స్టంట్ల కోసం పర్యావరణాన్ని నాశనం చేయడానికి ప్రయత్నించారు. సాధారణ తనిఖీలు, సోషల్ మీడియా నిఘా ద్వారా ఈ ఉల్లంఘనలను గుర్తించిన అధికారులు జూన్ 26న ఈ భారీ పెనాల్టీలను ఖరారు చేశారు. జరిమానా పూర్తిగా చెల్లించిన తర్వాతే సీజ్ చేసిన వాహనాలను విడుదల చేశారు.రీల్స్ పిచ్చితో నది, సరస్సుల్లోకి దూసుకెళ్లిన తార్, క్రెటాజూన్ 23వ తేదీన పాంగాంగ్ సరస్సు తీరంలోని మేరక్ ప్రాంతంలో పంజాబ్ రిజిస్ట్రేషన్ గల ఒక మహీంద్రా థార్ వాహనాన్ని డ్రైవర్ ఉద్దేశ పూర్వకంగా సరస్సు నీటిలోకి పోనిచ్చి స్టంట్లు చేశాడు. దీనివల్ల సరస్సు నీరు కలుషితమవడమే కాకుండా అక్కడి జీవజాలానికి ముప్పు వాటిల్లింది. అలాగే జూన్ 21వ తేదీన చాంగ్‌థాంగ్ కోల్డ్ డెజర్ట్ వైల్డ్‌లైఫ్ శాంక్చురీ పరిధిలోని లుకుంగ్ వద్ద ఒక హ్యుండయ్ క్రెటా కారుతో ఆఫ్-రోడింగ్

ఓ అడవి జింకకు ఆహారం తినిపించడంతో అటవీ శాఖ ఉద్యోగి సస్పెన్షన్‌కు గురయ్యాడు. ఈ ఘటన మధ్యప్రదేశ్‌లోని సత్పురా టైగర్ రిజర్వ్‌లో చోటుచేసుకుంది. విధుల పట్ల నిర్లక్ష్యం వహిస్తూ అడవి జంతువులకు ఆహారం పెట్టడంపై అటవీ శాఖ ఆగ్రహం వ్యక్తం చేసింది. మధ్యప్రదేశ్‌: ఓ అడవి జింకకు ఆహారం తినిపించడంతో అటవీ శాఖ ఉద్యోగి సస్పెన్షన్‌కు గురయ్యాడు. ఈ ఘటన మధ్యప్రదేశ్‌లోని సత్పురా టైగర్ రిజర్వ్‌లో చోటుచేసుకుంది. విధుల పట్ల నిర్లక్ష్యం వహిస్తూ అడవి జంతువులకు ఆహారం పెట్టడంపై అటవీ శాఖ ఆగ్రహించింది. వన్యప్రాణి (సంరక్షణ) చట్టాన్ని ఉల్లంఘించారంటూ ఉద్యోగిపై చర్యలు తీసుకుంది. ఉద్యోగి ఆహారం పెడుతున్న వీడియో సోషల్ మీడియాలో వైరల్ కావడంతో ఆయనను సస్పెండ్ చేశారు. సత్పురా టైగర్ రిజర్వ్‌లోని బోరి రేంజ్ ఇన్‌ఛార్జ్ సూపరింటెండెంట్‌గా వినోద్ వర్మ పనిచేస్తున్నారు. ఇటీవల ఆయన తన సోషల్ మీడియాలో ఓ వీడియోను పోస్టు చేశారు. ఆ వీడియో ప్రకారం.. చుర్నా అటవీ ప్రాంతంలో ఓ అడవి సాంబార్ జింకకు వినోద్ వర్మ పోహా తినిపిస్తూ కనిపించారు. ఆహారం పెడుతూ దానిని నిమురుతున్నారు. ఈ వీడియోపై వన్యప్రాణి సంరక్షణ కార్యకర్తలు, జంతు ప్రేమికులు తీవ్ర విమర్శలు గుప్పించారు. ఆయన వన్యప్రాణుల సంరక్షణ చట్టం నిబంధనలను ఉల్లంఘించారని ఆరోపించారు. సదరు అధికారిపై చర్యలు తీసుకోవాలని డిమాండ్ చేశారు. ఈ వీడియో సోషల్ మీడియాలో విస్తృతంగా వైరల్ కావడంతో విషయం ఉన్నతాధికారుల దృష్టికి వెళ్లింది. దీంతో నిబంధనలు ఉల్లంఘించిన వినోద్ వర్మను సస్పెండ్ చేస్తూ ఫీల్డ్ డైరెక్టర్ రాకేశ్ నందా ఆదేశాలు జారీ చేశారు. వినోద్ వర్మ విధి నిర్వహణలో తీవ్రమైన నిర్లక్ష్యం ప్రదర్శించారని, మధ్యప్రదేశ్ సివిల్ సర్వీసెస్ (ప్రవర్తన) నియమావళి-1965లోని నిబంధన 3ను ఉల్లంఘించారని ఉత్తర్వుల్లో పేర్కొన్నారు. అడవి జంతువులకు అనవసరంగా ఆహారం పెట్టడం, వాటిని తాకడం వంటివి చేయకూడదని వన్యప్రాణి నిపుణులు చెబుతున్నారు. ఇలా చేయడం వల్ల అవి మనుషులపై ఆధారపడటంతో పాటు మనపై

మలయాళ సూపర్ స్టార్, పద్మభూషణ్ మోహన్‌లాల్‌ను సుదీర్ఘకాలంగా వేధిస్తున్న ఏనుగు దంతాల అక్రమ నిల్వ కేసు కేరళ హైకోర్టులో సరికొత్త మలుపు తిరిగింది. గతంలో ఆయన ఆదాయపు పన్ను శాఖకు సమర్పించిన వాలంటరీ డిస్క్లోజర్ స్కీమ్ నివేదిక ఇప్పుడు న్యాయస్థానం ముందుకు వచ్చింది. ఆ పత్రాల ప్రకారం... మోహన్‌లాల్ వద్ద కేవలం నాలుగు మాత్రమే కాకుండా, మొత్తం 10 ఏనుగు దంతాలతో పాటు దంతాలతో చేసిన మరో 13 కళాఖండాలు (విగ్రహాలు) ఉన్నాయి. ఈ వివరాలను ఆయన స్వయంగా వెల్లడించారు.2011 జూన్ నెలలో మోహన్‌లాల్‌కు చెందిన ఇళ్లు, ఆఫీసులపై ఆదాయపు పన్ను శాఖ అధికారులు ఆకస్మిక తనిఖీలు చేపట్టారు. ఈ క్రమంలో కొచ్చిలోని ఆయన సొంత నివాసంలో నాలుగు ఏనుగు దంతాలు దొరికాయి. వన్యప్రాణి సంరక్షణ చట్టాల ప్రకారం ముందస్తు అనుమతులు లేకుండా ఇలాంటి నిషేధిత వస్తువులను దగ్గర ఉంచుకోవడం నేరం కావడంతో కేరళ అటవీ అధికారులు నాడు ఆయనపై కేసు నమోదు చేశారు. ఈ వ్యవహారం గత పదేళ్లుగా కోర్టు పరిధిలోనే నలుగుతోంది.మరోవైపు, మోహన్‌లాల్ ఎలాంటి చట్టవిరుద్ధ పనులకు పాల్పడలేదని ఆయన తరపు న్యాయవాదులు వాదిస్తున్నారు. ప్రభుత్వం గతంలో ప్రవేశపెట్టిన ప్రత్యేక 'ఐవరీ అమ్నెస్టీ' పథకం కింద ఈ సమాచారాన్ని ముందే డిక్లేర్ చేశామని కోర్టుకు వివరించారు. అయితే, ఐటీ శాఖకు వివరాలు అందజేసినప్పటికీ... అటవీ చట్టాల ప్రకారం ఈ దంతాలను కలిగి ఉండటానికి అవసరమైన అధికారిక యాజమాన్య ధ్రువీకరణ పత్రాన్ని మోహన్‌లాల్ సకాలంలో పొందారా? లేదా? అనే లీగల్ పాయింట్‌పైనే ప్రస్తుతం హైకోర్టులో ప్రధానంగా

దురిశెట్టి ధర్మరాజు జీ తెలుగు న్యూస్ (zee telugu news)లో సబ్ ఎడిటర్‌గా పనిచేస్తున్నారు. ఆయనకు దాదాపు జర్నలిజంలో నాలుగు సంవత్సరాల పాటు అనుభవం ఉంది. ఇక్కడ సోషల్, ఆస్ట్రాలజీ, టెక్నాలజీ, ఆటోమొబైల్స్‌, బిజినెస్, జాతీయం అంశాలకు సంబంధించిన తాజా వార్తలతో పాటు విశ్లేషణ పూరితమైన కథనాలను అందిస్తారు. అలాగే ఆయనకు వెబ్‌సైట్‌కు సంబంధించిన వీడియో కంటెంట్‌పై కూడా అవగాహన ఉంది.. Venomous Cobra Snake Belt Video: ఈ రోజుల్లో సోషల్ మీడియాలో రైతులతో పాటు వ్యూస్ కోసం కొందరు యువకులు ఎంతటి తెగింపుకైనా వెనకాడడం లేదు.. ప్రాణాలను పణంగా పెట్టి మరి ప్రమాదకరమైన స్టంట్లను చేస్తున్నారు. తాజాగా సోషల్ మీడియాను షేక్ చేస్తున్న ఒక వీడియో నెటిజన్లను తీవ్ర దిగ్భ్రాంతికి గురిచేస్తుంది. సాధారణంగా పురుషులు ప్యాంట్లు జారిపోకుండా ఉండేందుకు రకరకాల లెదర్ బెల్ట్లను వాడుతూ ఉంటారు. కానీ ఇక్కడ ఒక యువకుడు ఏకంగా బ్రతికి ఉన్న ఒక ప్రమాదకరమైన నాగుపామును తన ప్యాంటుకు బెల్టుల చుట్టుకున్నాడు. విశ్వ సర్పం నడుము చుట్టూ కదులుతున్న.. ఆ యువకుడు మాత్రం భయం లేకుండా కెమెరాకు ఫోజులు ఇవ్వడం అందర్నీ ముక్కున వేలేసుకునేలా చేస్తోంది. ఇప్పుడు దీనికి సంబంధించిన వీడియోనే ఇంటర్నెట్ను షేక్ చేస్తుంది. అసలేం జరిగిందంటే..? వైరల్ అవుతున్న వీడియో వివరాల ప్రకారం.. ఒక యువకుడు రోడ్డు పక్కన నిలబడి ఉండడం మీరు చూడొచ్చు. అతడి ప్యాంటు నడుము భాగాన్ని గమనిస్తే.. ఎవరికైనా గుండె ఆగినంత పనవ్వాల్సిందే.. ఒక పెద్ద నాగుపామును అతడు బెల్టు లాగా నడుముకు చుట్టుకున్నాడు.. ఆ పాము తలభాగంతో పాటు తోక భాగం బయటకు కనిపిస్తూ కదులుతున్నాయి. ఆ నాగుపాము ఏ క్షణంలోనైనా కాటు వేసే ప్రమాదం ఉన్నప్పటికీ.. ఆ యువకుడు మాత్రం చాలా కూల్‌గా రోడ్డుపైనే నిలబడి ఉండిపోయాడు.. పక్కనే ఉన్న కొందరు ఈ దృశ్యాలని తమ మొబైల్ ఫోన్లో చిత్రీకరించి సోషల్ మీడియాలో పోస్ట్ చేయడంతో ఇది

దార్ల హరీశ్.. జీ తెలుగు న్యూస్‌లో సీనియర్ కంటెంట్ ఎడిటర్‌గా పనిచేస్తున్నాను. నా 8 ఏళ్ల అనుభవంలో ఈనాడు వంటి ప్రముఖ దినపత్రికతో పాటు ఈటీవీ భారత్‌‌లో పనిచేశాను. 2025 నుంచి ఎంటర్‌టైన్మెంట్, బిజినెస్, టెక్నాలజీ, హెల్త్, క్రీడలు, రాజకీయాలు వంటి వాటికి సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో పనిచేసిన అనుభవం కలదు. Monitor Lizard In Vizag: విశాఖపట్నం స్టీల్ ప్లాంట్ క్వార్టర్స్‌లో ఒళ్లు గగుర్పొడిచే ఘటన ఒకటి వెలుగుచూసింది. సెక్టార్-8లోని ఓ ఇంట్లో నివసిస్తున్న కుటుంబ సభ్యులకు హఠాత్తుగా బాత్రూమ్ నుంచి వింత శబ్దాలు వినిపించాయి. లోపలికి వెళ్లి వెతకగా, వాష్ రూమ్ కమోడ్‌లో ఏదో పెద్ద జీవి కదులుతూ కనిపించింది. తొలుత దాన్ని చూసి కొండచిలువ లేదా పెద్ద పాము అని భయాందోళనకు గురైన కుటుంబ సభ్యులు, వెంటనే తలుపు మూసివేసి స్నేక్ క్యాచర్‌కు సమాచారం అందించారు. పాము కాదు.. ఉడుము పట్టు! సమాచారం అందుకున్న వెంటనే వందలాది పాములను రెస్క్యూ చేసిన అనుభవం ఉన్న స్నేక్ క్యాచర్ కిరణ్ అక్కడికి చేరుకున్నారు. కమోడ్‌లోకి నిశితంగా పరిశీలించిన ఆయన ఒక్కసారిగా ఆశ్చర్యపోయారు. ఎందుకంటే అక్కడ ఉన్నది పాము కాదు.. ఒక పెద్ద ఉడుము (Monitor Lizard). సాధారణంగా ఉడుములకు పట్టు ఎక్కువ. ఒకసారి ఎక్కడైనా గట్టిగా పట్టుకుంటే వాటిని విడిపించడం చాలా కష్టం. దాదాపు గంటపాటు చాకచక్యంగా, శ్రమించి ఆ ఉడుముకు ఎలాంటి గాయం కాకుండా కిరణ్ సురక్షితంగా రెస్క్యూ చేశారు. దీంతో ఆ కుటుంబంతో పాటు స్థానికులు కూడా ఊపిరి పీల్చుకున్నారు. 'బెంగాల్ మానిటర్ లిజర్డ్' గురించి తెలుసా? మనం సాధారణంగా గ్రామాల్లో, పొలాల గెట్ల వద్ద లేదంటే పెద్ద పెద్ద కొండరాళ్ల మధ్య చూసే ఈ ఉడుమును 'బెంగాల్ మానిటర్ లిజర్డ్' అని పిలుస్తారు. ఇది ప్రకృతి సమతౌల్యంలో కీలక పాత్ర పోషిస్తుంది. ఇది చాలా వేగంగా పరిగెత్తగలదు, చెట్లు ఎక్కగలడంతో అద్భుతంగా ఈదగలదు. ఈ ఉడుము ఆహారంగా ఎలుకలు, పురుగులు, చిన్న పాములు, పక్షుల గుడ్లను తీసుకుంటుంది. పంటలను నాశనం చేసే జీవులను తింటూ ఇది రైతులకు ఎంతో మేలు చేస్తుంది. వేసవి చివర్లో లేదా వర్షాకాలం ప్రారంభంలో ఇవి 10 నుండి 30 గుడ్లు పెడతాయి. ఉష్ణోగ్రత స్థిరంగా ఉండేలా చెదపురుగుల గుట్టల్లో లేదా నేలలో గుంతలు తవ్వి గుడ్లను దాచిపెడతాయి. 6 నుండి 9 నెలల తర్వాత పిల్లలు బయటకు వస్తాయి. ఉడుము నాలుక కూడా పాములాగే రెండుగా చీలి ఉండి.. వాసనను పసిగట్టడానికి సహాయపడుతుంది. ప్రమాదం పొంచి ఉందని భావిస్తే ఇది తన బలమైన తోకతో దాడి చేయగలదు. ఇవి సాధారణంగా మనుషులపై దాడి చేయవు, కానీ రెచ్చగొడితే మాత్రం ప్రమాదకరంగా మారుతాయి. ఉడుమును చంపితే జైలు శిక్షే! అనేక అపోహల కారణంగా చాలామంది ఉడుములను చంపుతుంటారు, కానీ వన్యప్రాణుల రక్షణలో ఇవి చాలా కీలకం. భారత ప్రభుత్వ చట్టంలో 'వన్యప్రాణి సంరక్షణ చట్టం 1972' ప్రకారం ఉడుములను రక్షిత జంతువుల జాబితాలో చేర్చారు. ఉడుములను వేటాడటం, చంపడం, వాటి గుడ్లను సేకరించడం లేదా మాంసం, చర్మం కోసం అక్రమ రవాణా చేయడం చట్టరీత్యా నేరం. ఈ నేరం నిరూపితమైతే 3 నుండి 7 సంవత్సరాల వరకు జైలు శిక్షతో పాటు భారీ జరిమానా విధిస్తారు. Also Read: తెలంగాణ ఏర్పాటుపై పవన్ కల్యాణ్ కీలక పోస్ట్..2009 నాటి వీడియో బయటపెట్టిన జనసేనాని! Also REad: ఏపీలో కొత్త పెన్షన్ల పండగ షురూ..దరఖాస్తు అప్పుడే..ఈ పత్రాలు రెడీ చేసుకోండి! స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి. ఆండ్రాయిడ్ లింక్ - https://bit.ly/3P3R74U సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter, Facebook