Us Iran Deal News

US-Iran Deal : అంతర్జాతీయ భౌగోళిక రాజకీయాల్లో అత్యంత ప్రాధాన్యత సంతరించుకున్న అమెరికా-ఇరాన్ దేశాల మధ్య జరుగుతున్న సరికొత్త చర్చలు మరియు ఒప్పందాలు (US-Iran Deal) భారత ఆర్థిక వ్యవస్థపై సానుకూల ప్రభావం చూపే అవకాశాలు కనిపిస్తున్నాయి. ప్రస్తుతం భారతదేశానికి అవసరమైన ముడిచమురు (Crude Oil) దిగుమతుల్లో సగానికి పైగా వాటా అత్యంత వ్యూహాత్మకమైన ‘హార్ముజ్ జలసంధి’ (Strait of Hormuz) గుండానే సాగుతోంది. అమెరికా ఆంక్షల సడలింపులో భాగంగా ఈ జలసంధి గుండా రవాణా మార్గాలు పూర్తిగా తెరుచుకుంటే.. అంతర్జాతీయ మార్కెట్లో ముడిచమురు, సహజ వాయువు (Gas), మరియు వ్యవసాయానికి కీలకమైన ఎరువుల (Fertilizers) సరఫరా లైన్లు సులువవుతాయి. దీనివల్ల రవాణా ఖర్చులు (Freight Costs) భారీగా తగ్గి, దేశీయంగా ఇంధన ధరలు అదుపులోకి రావడంతో పాటు ద్రవ్యోల్బణ భారం తగ్గుతుందని ఆర్థిక విశ్లేషకులు అంచనా వేస్తున్నారు. ఈ ఒప్పందం ద్వారా పశ్చిమాసియా (Middle East) ప్రాంతంలో ఉద్రిక్తతలు తగ్గి, వాణిజ్య మార్గాలకు పూర్తి భద్రత లభిస్తుంది. Read Also : ఇరాన్-అమెరికా ఒప్పందంతో తెరుచుకున్న హార్ముజ్ జలసంధి ఈ అంతర్జాతీయ డీల్ వల్ల కేవలం ముడిచమురు దిగుమతులే కాకుండా, పశ్చిమాసియా దేశాల్లో స్థిరపడిన దాదాపు కోటి మంది భారతీయ వలస కార్మికులు, ఉద్యోగుల ఉపాధి మరియు జీవన భద్రతకు బలమైన భరోసా లభించనుంది. గల్ఫ్ దేశాలలో శాంతియుత వాతావరణం ఏర్పడితే భారత్ నుంచి ఆయా దేశాలకు జరిగే ఎగుమతులు (Exports) ఎటువంటి ఆటంకాలు లేకుండా సాఫీగా సాగుతాయి. దీనితో పాటు, ఇరాన్‌లో భారతదేశం ప్రతిష్టాత్మకంగా నిర్మించి, పెట్టుబడులు పెట్టిన ‘చాబహార్ పోర్టు’ (Chabahar Port) ప్రాజెక్టుకు ఈ ఒప్పందం ద్వారా సరికొత్త జవసత్వాలు చేకూరనున్నాయి. ఆంక్షల నీడ తొలగిపోతే మధ్య ఆసియా మరియు ఐరోపా దేశాలతో చాబహార్ వేదికగా భారత్ జరిపే వాణిజ్యం ఊపందుకుంటుంది. తద్వారా గత కొన్నేళ్లుగా భారత్ పెట్టిన పెట్టుబడులకు లాభాల పంట మొదలవుతుందని వ్యూహాత్మక రంగానికి చెందిన

అమెరికా, ఇరాన్ దేశాల మధ్య కుదిరిన శాంతి ఒప్పందంపై ఇజ్రాయెల్ తీవ్ర అసంతృప్తి వ్యక్తం చేసింది. పశ్చిమ ఆసియాలో యుద్ధ వాతావరణాన్ని ముగించడానికి వాషింగ్టన్-టెహ్రాన్‌ల మధ్య కుదిరిన ఒప్పందాన్ని వ్యతిరేకిస్తూ.. ఇజ్రాయెల్ ప్రధాని బెంజమిన్ నెతన్యాహు తీవ్ర వ్యాఖ్యలు చేశారు. అమెరికా, ఇరాన్ మధ్య ఒప్పందం కుదరడం, కుదరకపోవడంతో సంబంధం లేకుండా.. ఇరాన్ అణ్వాయుధాన్ని సాధించడాన్ని ఇజ్రాయెల్ ఎప్పటికీ అంగీకరించదని తేల్చిచెప్పారు. జెనీవా వేదికగా అమెరికా-ఇరాన్ దేశాలు అధికారిక శాంతి పత్రాలపై ఈ నెల 20న సంతకాలు చేయడానికి సంతకాలు చేయడానికి సిద్ధమవుతున్న తరుణంలో నెతన్యాహు చేసిన ఈ వ్యాఖ్యలు కలకలం స‌ృష్టిస్తున్నాయి. ఈ ఒప్పందంలో తక్షణ కాల్పుల విరమణ, హర్మూజ్ జలసంధి పునఃప్రారంభంతో పాటు.. ఇరాన్ అణు పరిమితులపై రాబోయే 60 రోజుల్లో చర్చలు జరపాలని అమెరికా భావిస్తోంది. అయితే, ఇరాన్ అణు సామర్థ్యాలను పూర్తిగా నిర్వీర్యం చేయడంలో ఈ ఒప్పందం విఫలమైందని నెతన్యాహు అన్నారు. ఈ ఒప్పందంలోని కొన్ని నిబంధనల తాము అంగీకరించబోమని కుండబద్దలు కొట్టేశారు. దక్షిణ లెబనాన్ సరిహద్దుల్లో వ్యూహాత్మక స్థావరాల నుంచి తమసైన్యాన్ని వెనక్కి పిలిపించే ప్రసక్తే లేదని నెతన్యాహు స్పష్టం చేశారు. తమ దేశ సరిహద్దులను, పౌరులను రక్షించుకోవడానికి ఆ ప్రాంతంలో సెక్యూరిటీ జోన్లను' కొనసాగించడం ఇజ్రాయెల్‌కు అత్యంత అవసరమనిసపేర్కొన్నారు. ఇరాన్, అమెరికా మధ్య శాంతి ఒప్పందం కుదిరిందన్న ప్రకటన వెలువడిన గంటల వ్యవధిలోనే.. ఇజ్రాయెల్ ఆర్మీ.. దక్షిణ లెబనాన్‌లోని హిజ్బుల్లా ఉగ్రవాద స్థావరాలపై ఇజ్రాయెల్ ఆర్మీ దాడులకు దిగింది. అయితే నెతన్యాహు వైఖరి పట్ల ఇజ్రాయెల్లో వ్యతిరేకత వ్యక్తమౌతోంది. యుద్ధాన్ని ఆపడానికి అమెరికా ప్రయత్నిస్తుంటే, నెతన్యాహు మొండివైఖరి వల్ల ఇజ్రాయెల్ ఒంటరి అయ్యే ప్రమాదం ఉందన్న విమర్శలు వెల్లువెత్తుతున్నాయి. కుప్ప కూలిన అమెరికా బీ52 బాంబర్.. ఎనిమిది మంది మృతి!