Tamil Actress News

Sowcar Janaki on Ventilator: తమిళ చిత్ర పరిశ్రమకు చెందిన సీనియర్ నటి ‘షావుకారు’ జానకి తీవ్ర అస్వస్థతకు గురయ్యారు. శ్వాసకోశ సంబంధిత సమస్యలతో బాధపడుతున్న ఆమెను వారం రోజుల క్రితం చెన్నైలోని ఓ ప్రైవేట్ ఆస్పత్రిలో చేర్పించారు. ఆరోగ్య పరిస్థితి క్షీణించడంతో బుధవారం రాత్రి ఇంటెన్సివ్ కేర్ యూనిట్ (ఐసీయూ)కి తరలించారు. 95 ఏళ్ల షావుకారు జానకి ప్రస్తుతం వెంటిలేటర్‌పై చికిత్స పొందుతున్నారు. చెన్నైలోని ఆల్వార్‌పేటలో నివసిస్తున్న జానకి.. వయోభారంతో కొంతకాలంగా ఆరోగ్య సమస్యలతో బాధపడుతున్నారు. నిన్న రాత్రి ఆమె ఆరోగ్యం మరింత క్షీణించడంతో వైద్యులు ఐసీయూలో ఉంచి ప్రత్యేక వైద్య చికిత్స అందిస్తున్నారు. జానకి ఆరోగ్య పరిస్థితిపై కుటుంబ సభ్యులు, అభిమానుల్లో ఆందోళన నెలకొంది. ఆమె త్వరగా కోలుకోవాలని అందరూ కోరుకుంటున్నారు. షావుకారు జానకి 1931లో జన్మించారు. 1950లో విడుదలైన ‘షావుకారు’ సినిమాతో సినీ రంగంలోకి అడుగుపెట్టారు. తొలి సినిమానే ఆమెకు గుర్తింపును తీసుకురావడంతో.. అప్పటి నుంచి ‘షావుకారు జానకి’గా సినీ ప్రేక్షకులకు సుపరిచితమయ్యారు. షావుకారు సినిమా అనంతరం తెలుగు, తమిళం, కన్నడ, మలయాళ భాషల్లో అనేక చిత్రాల్లో నటించిన జానకి తనకంటూ ప్రత్యేక గుర్తింపు తెచ్చుకున్నారు. తన సుదీర్ఘ సినీ ప్రయాణంలో శివాజీ గణేశన్, ఎంజీఆర్, జెమినీ గణేశన్ వంటి పలువురు దిగ్గజ నటులతో కలిసి నటించారు. కథానాయికగా మాత్రమే కాకుండా.. క్యారెక్టర్ ఆర్టిస్ట్‌గా కూడా ఎన్నో వైవిధ్యమైన పాత్రలు పోషించారు. దాదాపు 400కు పైగా చిత్రాల్లో నటించిన జానకి దక్షిణ భారత సినీ పరిశ్రమలో తనదైన ముద్ర వేశారు. కళారంగానికి చేసిన విశేష సేవలను గుర్తించిన కేంద్ర ప్రభుత్వం 2022లో షావుకారు జానకిని పద్మశ్రీ పురస్కారంతో సత్కరించింది. ఆంధ్రప్రదేశ్‌కు చెందిన ఆమె తెలుగు సినీ ప్రేక్షకులకు కూడా ఎంతో సుపరిచితురాలు. ప్రస్తుతం ఆస్పత్రిలో వైద్యుల పర్యవేక్షణలో చికిత్స పొందుతున్న జానకి ఆరోగ్య పరిస్థితిపై అధికారికంగా మరిన్ని వివరాలు తెలియాల్సి ఉంది. సుదీర్ఘ సినీ ప్రస్థానంతో కోట్లాది మంది అభిమానులను

ప్రముఖ తమిళ నటి వినోదిని తన మంగళసూత్రం స్పా సెంటర్‌లో మాయమైందంటూ పోలీసులకు ఫిర్యాదు చేశారు. ప్రముఖ తమిళ నటి వినోదిని (Vinothini) తన మంగళసూత్రం స్పా సెంటర్‌లో మాయమైందంటూ పోలీసులకు ఫిర్యాదు చేశారు. దివంగత దర్శకుడు బాలుమహేంద్ర తెరకెక్కించిన ‘వణ్ణ వణ్ణ పూక్కల్‌’, ‘మరుబడియుం’ వంటి చిత్రాల్లో నటించిన వినోదిని.. ప్రస్తుతం క్యారెక్టర్ ఆర్టిస్టుగా కొనసాగుతున్నారు. తాజాగా తనకు ఎదురైన ఈ ఘటనను ఆమె సోషల్ మీడియా వేదికగా వెల్లడించారు. ‘మానసిక ఒత్తిడి నుంచి కొంత ఉపశమనం పొందాలని భావించి గత శుక్రవారం ఒక స్పా సెంటర్‌కు వెళ్లాను. మసాజ్ ప్రారంభించే ముందు నా మెడలో ఉన్న బంగారు మంగళసూత్రాన్ని తీసేయాలని అక్కడి సిబ్బంది సూచించారు. వారి మాట ప్రకారం తాళిని తీసి వారికి ఇవ్వగా, వారు దానిని ఒక టబ్‌లో ఉంచారు. మసాజ్ పూర్తయ్యాక నిద్రమత్తులో ఉండటంతో నా మంగళసూత్రాన్ని తీసుకోవడం మర్చిపోయి ఇంటికి వెళ్లిపోయాను. మరుసటి రోజు మా కుటుంబంలో ఒకరు మరణించడంతో ఆ కార్యక్రమాల్లో పూర్తిగా నిమగ్నమయ్యాను. దీంతో మంగళసూత్రం విషయం కూడా గుర్తుకు రాలేదు. ఆదివారం నా మెడలో మంగళసూత్రం లేదనే విషయం గుర్తుకు రావడంతో వెంటనే స్పా సెంటర్‌కు వెళ్లి సిబ్బందిని అడిగాను. అయితే, అది అక్కడ లేదని వారు చెప్పారు. దీంతో వెంటనే పోలీసులను ఆశ్రయించి ఫిర్యాదు చేశాను. ఈ విషయాన్ని చెబుతున్నాను అంటే.. స్పా సెంటర్లకు వెళ్లేటప్పుడు విలువైన ఆభరణాలు ధరించకుండా ఉండాలని అందరికీ సూచించాలనుకుంటున్నాను. చిన్న నిర్లక్ష్యం కూడా ఇలాంటి ఇబ్బందులకు కారణమవుతుంది. నా మంగళసూత్రం కేవలం ఒక బంగారు ఆభరణం మాత్రమే కాదు.. అది నాకు ఎంతో భావోద్వేగంతో కూడుకున్నది. పోలీసులు దీనిపై సమగ్రంగా దర్యాప్తు చేసి నా మంగళసూత్రాన్ని గుర్తించి తిరిగి అప్పగిస్తారనే నమ్మకం నాకు ఉందిఈ ఘటన నాకు ఒక పాఠం నేర్పింది. అందుకే నేను కూడా జాగ్రత్తగా ఉండాలని, ఇతరులు కూడా అప్రమత్తంగా ఉండాలని కోరుకుంటున్నాను.’’