Road Safety India News

ద్విచక్ర వాహనం నడిపేటప్పుడు హెల్మెట్ ధరించడం చట్టబద్ధమైన నిబంధన మాత్రమే కాదు.. ప్రాణాలను కాపాడే అత్యంత ముఖ్యమైన రక్షణ సాధనం కూడా. చాలా మంది చిన్న దూరమే కదా, ఏమవుతుందిలే అనే నిర్లక్ష్యంతో హెల్మెట్ లేకుండా ప్రయాణిస్తుంటారు. అయితే ప్రమాదం ఎప్పుడు, ఏ రూపంలో వస్తుందో ఎవరూ ఊహించలేరు. రోడ్డు ప్రమాదం మాత్రమే కాదు.. చెట్టు కొమ్మ విరిగి పడటం వంటి ఊహించని ఘటనల్లో కూడా హెల్మెట్ ప్రాణాలను కాపాడగలదు. బెంగళూరులో తాజాగా జరిగిన ఘటన దీనికి ప్రత్యక్ష ఉదాహరణగా నిలిచింది.చెట్టు కొమ్మ విరిగి బైక్‌పై వెళ్తున్న ఉద్యోగిపై పడిందిబెంగళూరులోని రాజాజీనగర్ రామ్ మందిర్ రోడ్డులో బుధవారం సాయంత్రం సుమారు 5 గంటల సమయంలో ఈ ఘటన జరిగింది. మల్లేశ్వరంలోని ఓ ప్రైవేట్ ఫైనాన్స్ కంపెనీలో ఫీల్డ్ ఎగ్జిక్యూటివ్‌గా పనిచేస్తున్న 53 ఏళ్ల సురేష్ రుణాల వసూళ్ల కోసం మోటార్‌సైకిల్‌పై వెళ్తున్నారు. అదే సమయంలో రోడ్డుపక్కన ఉన్న ఎండిపోయిన భారీ చెట్టు కొమ్మ ఒక్కసారిగా విరిగి ఆయన తలపై బలంగా పడింది.సీసీటీవీలో నమోదైన షాకింగ్ దృశ్యాలుఈ ప్రమాదం అక్కడ ఏర్పాటు చేసిన సీసీటీవీ కెమెరాల్లో రికార్డైంది. వీడియోలో సురేష్ హెల్మెట్ లేకుండానే ప్రయాణిస్తున్నట్లు కనిపించింది. భారీ కొమ్మ తలకు తగలడంతో ఆయన బైక్‌పై నియంత్రణ కోల్పోయి రోడ్డుపై బలంగా పడిపోయారు.తీవ్ర తలకు గాయమై అక్కడికక్కడే అపస్మారక స్థితిలోకి వెళ్లిపోయారు.స్థానికులు వెంటనే స్పందించి ఆయనను సమీపంలోని ఆస్పత్రికి తరలించారు. ప్రస్తుతం ఆయన పరిస్థితి విషమంగా ఉన్నట్లు సమాచారం.చైనాలో భారీ ప్రమాదం.. అత్యంత ఎత్తైన స్కైస్క్రాపర్‌ను ఢీకొట్టిన చిన్న విమానం !!అధికారుల నిర్లక్ష్యమే కారణమా?ఘటనపై రాజాజీనగర్ పోలీస్ స్టేషన్‌లో ఎన్సీఆర్ నమోదు చేసి ప్రాథమిక విచారణ ప్రారంభించారు. అటవీ శాఖ అధికారులు కూడా ప్రమాద స్థలాన్ని పరిశీలించారు.అయితే ఈ ప్రాంతంలో ఎండిపోయిన చెట్ల కొమ్మలు ప్రమాదకరంగా ఉన్నాయని తాము పలుమార్లు అధికారులకు ఫిర్యాదు చేసినప్పటికీ ఎలాంటి చర్యలు తీసుకోలేదని స్థానికులు ఆరోపిస్తున్నారు. సమయానికి చెట్ల కొమ్మలను తొలగించి

మార్కాపురం జిల్లా కంభంలో ఘోర రోడ్డు ప్రమాదం జరిగిన సంగతి తెలిసిందే. ఇవాళ (శుక్రవారం) తెల్లవారుజామున ఓ పెళ్లి బృందం ప్రయాణిస్తున్న ఆటోపైకి లారీ దూసుకెళ్లి నలుగురు మృతిచెందగా, మరో 8 మంది తీవ్రంగా గాయపడ్డారు. ఈ ప్రమాదంపై ఆంధ్రప్రదేశ్ రవాణా శాఖ మంత్రి మండిపల్లి రాంప్రసాద్ రెడ్డి స్పందించారు. మార్కాపురం జిల్లా: కంభంలో ఘోర రోడ్డు ప్రమాదం జరిగిన సంగతి తెలిసిందే. ఇవాళ (శుక్రవారం) తెల్లవారుజామున ఓ పెళ్లి బృందం ప్రయాణిస్తున్న ఆటోపైకి లారీ దూసుకెళ్లి నలుగురు మృతిచెందగా, మరో 8 మంది తీవ్రంగా గాయపడ్డారు. ఈ ప్రమాదంపై ఆంధ్రప్రదేశ్ రవాణా శాఖ మంత్రి మండిపల్లి రాంప్రసాద్ రెడ్డి స్పందించారు. రోడ్డు ప్రమాద ఘటన అత్యంత విషాదకరమని ఆయన పేర్కొన్నారు. పెళ్లింట జరిగిన ఈ ప్రమాదం తన మనసును తీవ్రంగా కలచివేసిందని మంత్రి రాంప్రసాద్ రెడ్డి ఆవేదన వ్యక్తం చేశారు. మృతుల కుటుంబాలకు తన ప్రగాఢ సానుభూతి తెలిపారు. క్షతగాత్రులకు మెరుగైన వైద్యం అందించాలని సంబంధిత వైద్యాధికారులకు ఆయన ఆదేశాలు జారీ చేశారు. గాయపడిన వారంతా త్వరగా కోలుకోవాలని ఆకాంక్షించారు. బాధిత కుటుంబాలకు ప్రభుత్వం అండగా ఉంటుందని భరోసా ఇచ్చారు. ఇలాంటి విషాద ఘటనలు పునరావృతం కాకుండా ప్రయాణికులు నిత్యం అప్రమత్తంగా ఉండాలని మంత్రి రాంప్రసాద్ రెడ్డి సూచించారు. కాగా, గిద్దలూరుకు చెందిన ఆవుల వీరక్కకు, కంభంకు చెందిన పాములేటికి ఈరోజు ఉదయం 9:30 గంటలకు వివాహం జరగాల్సి ఉంది. అయితే, వివాహానికి ముందు వినాయకుడి ఆలయం వద్ద పెళ్లికూతురితో కొబ్బరికాయ కొట్టించేందుకు పెళ్లి బృందం ఆగింది. అదే సమయంలో వేగంగా దూసుకొచ్చిన లారీ.. ఆటోతో పాటు స్థానికులను ఢీకొట్టింది. ఈ ప్రమాదంలో ఆవుల అలకనంద (19), ఆవుల అంకాలు (20), ఆవుల నగేష్ (17), ఆవుల నాగేశ్వరి (1.5) మృతిచెందారు. పెళ్లికూతురితో పాటు మరో 8 మందికి తీవ్ర గాయాలయ్యాయి. బాధితులను పోలీసులు స్థానిక ప్రభుత్వ ఆస్పత్రికి తరలించి చికిత్స అందిస్తున్నారు

సోషల్ మీడియాలో వైరల్ అవుతున్న ఓ కొత్త ట్రెండ్ తీవ్ర ఆందోళన కలిగిస్తోంది. చైనాకు చెందిన ‘బీఏటీ-బీఎంఎస్‌’ అనే యాప్‌ను ఉపయోగించి ఈ-రిక్షాలు, ఎలక్ట్రిక్ స్కూటర్లను రోడ్డుపైనే అకస్మాత్తుగా ఆపేస్తున్న వీడియోలు పెద్దఎత్తున వైరల్ అవుతున్నాయి. దీంతో డ్రైవర్లు తీవ్ర ఇబ్బందులు పడటమే కాకుండా, ప్రమాదాల ముప్పు కూడా పెరుగుతోందని నిపుణులు హెచ్చరిస్తున్నారు. ఈ ట్రెండ్‌ను వెంటనే అరికట్టాలని నెటిజన్లు కోరుతున్నారు.వైరల్ వీడియోల్లో చూపిస్తున్న ప్రకారం.. కొందరు యువకులు బీఏటీ-బీఎంఎస్‌ యాప్ ద్వారా బ్లూటూత్ సాయంతో ఈ-రిక్షా ‘బ్యాటరీ మేనేజ్‌మెంట్ సిస్టమ్‌’(బీఎంఎస్‌)కు కనెక్ట్ అవుతున్నారు. అనంతరం ‘డిశ్చార్జ్’ స్విచ్‌ను ఆఫ్ చేయడంతో వాహనం ఒక్కసారిగా ఆగిపోతోంది. భారతదేశంలో తక్కువ ధరలో లభించే అనేక ఈ-రిక్షాలు, ఈ-స్కూటర్లలో చైనా తయారీ బ్యాటరీ మేనేజ్‌మెంట్ సిస్టమ్‌లు ఉండటం, వాటిలో భద్రతా ఫీచర్లు లేకపోవడమే దీనికి కారణమని తెలుస్తోంది. పాస్‌వర్డ్ లేకుండానే బ్లూటూత్ ద్వారా కనెక్ట్ అయ్యే అవకాశం ఉండటంతో ఈ లోపాన్ని కొందరు దుర్వినియోగం చేస్తున్నారు.బీఏటీ-బీఎంఎస్‌ అనేది వాస్తవానికి బ్యాటరీ పనితీరును పర్యవేక్షించేందుకు రూపొందించిన అధికారిక యాప్. బ్యాటరీ వోల్టేజ్, ఉష్ణోగ్రత, కరెంట్ వంటి వివరాలను రియల్‌టైమ్‌లో చూపించడంతో పాటు, బ్యాటరీని రిమోట్‌గా నియంత్రించే సౌకర్యం కూడా ఇందులో ఉంది. అయితే ప్రస్తుతం అదే ఫీచర్‌ను కొందరు ఈ-రిక్షాలను నిలిపివేయడానికి వినియోగిస్తున్నారు. ఈ యాప్ ఐఓఎస్‌ యాప్ స్టోర్‌లో అందుబాటులో లేదు. గూగుల్ ప్లే స్టోర్‌లో ఇంకా ఉన్నట్లు సమాచారం.ఈ ట్రెండ్‌పై సోషల్ మీడియాలో తీవ్ర విమర్శలు వ్యక్తమవుతున్నాయి. రోడ్డుమధ్యలో వాహనం ఆగిపోతే ప్రమాదాలు జరిగే అవకాశం ఉందని, డ్రైవర్ల