Renukaswamy Murder Case News

కన్నడ చిత్ర పరిశ్రమలో తీవ్ర సంచలనం సృష్టించిన రేణుకాస్వామి హత్య కేసులో ఎ1 నిందితురాలిగా బెంగుళూరు పరప్పన అగ్రహార జైలులో కస్టడీలో ఉన్న నటి పవిత్ర గౌడ జీవితంలో మరొక విషాదకర అధ్యాయం చోటుచేసుకుంది. ఆమె మొదటి భర్త సంజయ్ సింగ్ కన్నుమూసినట్లు సంచలన వార్త బయటకు వచ్చింది. అయితే, ఈ ఘోర విషాదం ఇటీవల జరిగింది కాదు. సుమారు 7 నుండి 8 నెలల క్రితమే రాజస్థాన్‌లో తుదిశ్వాస విడిచారనే వార్త ఆలస్యంగా వెలుగులోకి వచ్చి పరిశ్రమ వర్గాలని, ప్రజలని తీవ్ర దిగ్భ్రాంతికి గురిచేస్తోంది. సంజయ్ సింగ్, పవిత్ర గౌడల బంధం వెనుక పెద్ద కథే ఉంది. వీరిద్దరి ప్రయాణం 2007-2008 కాలంలో ఒకరినొకరు ప్రేమించుకోవడంతో ప్రారంభమైంది. ఆ ప్రేమ కాస్తా పెళ్లి పీటల దాకా వెళ్లి ఇద్దరూ దంపతులుగా కొత్త జీవితాన్ని ప్రారంభించారు. వీరికి ఖుషీ గౌడ అనే కుమార్తె కూడా జన్మించింది. అయితే, మనస్పర్థలు మరియు వ్యక్తిగత విబేధాల కారణంగా వీరి వైవాహిక బంధం ఎక్కువ కాలం నిలవలేదు. పరస్పర అంగీకారంతో 2013లో వీరు అధికారికంగా విడాకులు తీసుకుని వేర్వేరు మార్గాల్లో పయనించడం ప్రారంభించారు. విడాకుల తర్వాత సంజయ్ సింగ్ తీవ్ర మానసిక కుంగుబాటుకు గురయ్యారని సమాచారం. విడాకుల అనంతరం ఆయన మద్యపానానికి తీవ్రంగా బానిసయ్యారాని మీడియా వర్గాలు వెల్లడించాయి. విపరీతమైన ఆల్కహాల్ అలవాటు వల్ల ఆయన కాలేయ సంబంధిత వ్యాధులకు (లవర్ కాంప్లికేషన్స్) గురయ్యారు. బెంగళూరు వదిలి రాజస్థాన్‌కు వెళ్లిన ఆయన అక్కడ కొన్ని నెలల పాటు తీవ్ర అనారోగ్యంతో బాధపడ్డారు. చికిత్స ఫలించక 7 నుంచి 8 నెలల కిందటే తన స్వస్థలంలో మరణించారు. రేణుకాస్వామి హత్య కేసు విచారణ సమయంలోనే సంజయ్ సింగ్ పేరు తొలిసారిగా మీడియా ముందుకు వచ్చింది. ఆ సమయంలో పవిత్రతో తన గతాన్ని, 2013 నాటి విడాకుల వివరాలను ఆయన బహిరంగంగానే పంచుకున్నారు. ఆ తర్వాత సైలెంట్‌గా ఉండిపోయిన ఆయన మరణవార్త

రేణుకాస్వామి హత్య కేసులో ఏ4 నిందితుడు ప్రదోశ్ అప్రూవర్‌గా మారేందుకు పిటిషన్ దాఖలు చేశారు. దర్శన్‌పై పలు తీవ్రమైన ఆరోపణలు చేశారు. కర్ణాటకలో సంచలనం సృష్టించిన చిత్రదుర్గ రేణుకాస్వామి (Renukaswamy) హత్య కేసులో కీలక పరిణామం చోటుచేసుకుంది. ఈ కేసులో ఏ4 నిందితుడిగా ఉన్న ప్రదోశ్ (Pradosh) అప్రూవర్‌గా మారేందుకు కోర్టులో పిటిషన్ దాఖలు చేసిన విషయం తెలిసిందే. తాజాగా ఆ పిటిషన్‌లో నటుడు దర్శన్ (Darshan) కు వ్యతిరేకంగా పలు తీవ్రమైన ఆరోపణలను పిటిషన్ ద్వారా కోర్టుకు సమర్పించారు. ఈ కేసుకు సంబంధించిన పూర్తి వివరాలను బ‌హిరంగంగా వెల్లడించేందుకు తాను సిద్ధంగా ఉన్నట్టు, తాను ఈ కేసులో ఇరుక్కోవడానికి దర్శన్ ఒత్తిడే కారణమని ఆయన ఇటీవల కోర్టుకు సమర్పించిన పిటిషన్‌లో పేర్కొన్నారు. పిటిషన్‌లో పేర్కొన్న వివరాల ప్రకారం.. హీరో దర్శన్ మొదట రేణుకాస్వామిని దూషించి ఆ తర్వాత కొట్టారని అంతేగాక చెప్పుతో కొట్టాలని పవిత్రగౌడకు దర్శన్ సూచించినట్లు ప్రదోశ్ ఆరోపించారు. అయితే రేణుకా స్వామిని హత్య చేయాలనే ఉద్దేశం తనకు లేదని, అక్కడ ఉన్న కొందరు రేణుకాస్వామిని చంపాలని నిర్ణయించుకున్నారని, దాడిని ఆపేందుకు తాను ప్రయత్నించినా ఎవరూ తన మాట వినలేదని పిటిషన్‌లో పేర్కొన్నారు. సంఘటన సమయంలో రేణుకాస్వామికి భోజనం, నీరు ఇచ్చింది తానేనని.. అనంతరం రేణుకాస్వామి మొబైల్ ఫోన్‌ను తీసుకుని పరిశీలించగా మరిన్ని వివరాలు బయటపడ్డాయని ప్ర‌దోశ్ త‌న పిటిషన్‌లో పేర్కొన్నారు. అయితే.. ఈ కేసులో ప్రదోశ్‌తో పాటు మరో ఇద్దరు నిందితులు కూడా అప్రూవర్లుగా మారేందుకు సిద్ధమైనట్లు సమాచారం. అయితే వీరి అభ్యర్థనలను కోర్టు అంగీకరించాల్సి ఉంది. కోర్టు అనుమతి లభిస్తే కేసుకు సంబంధించిన మరిన్ని వివరాలు అధికారికంగా వెలుగులోకి వచ్చే అవకాశం ఉంది. ప్రదోశ్ పిటిషన్‌లో చేసిన ఆరోపణలు నిజమని కోర్టు ఇంకా నిర్ధారించలేదు. ఈ నేపథ్యంలో ఆయన వాంగ్మూలం, పిటిషన్‌లోని అంశాలు కేసు దర్యాప్తు, తదుపరి న్యాయ ప్రక్రియలో ఎంతవరకు ప్రభావం చూపుతాయనేది ఆసక్తికరంగా మారింది. తాజా

ఇంటర్నెట్‌ డెస్క్: రేణుకాస్వామి హత్య కేసులో కీలక పరిణామం చోటుచేసుకుంది. ఈ కేసులో 14వ నిందితుడిగా ఉన్న నటుడు దర్శన్ (Darshan) అనుచరుడు ప్రదోష్ అప్రూవర్‌గా మారి సంచలన విషయాలు బయటపెట్టారు. ఘటన జరిగిన రోజు నుంచి సాక్ష్యాలను తారుమారు చేసే వరకు జరిగిన ప్రతీ అంశాన్నీ ఆయన తన పిటిషన్‌లో పేర్కొన్నారు. ప్రదోష్‌ పిటిషన్‌ ప్రకారం.. ‘‘పవిత్ర గౌడకు సందేశాలు పంపిన విషయంలో రేణుకాస్వామిని దర్శన్‌ నిలదీశారు. ఆ సమయంలో ఆయన తీవ్ర పదజాలంతో దూషిస్తూ దాడికి దిగారు. దాడి తీవ్రతకు రేణుకాస్వామి తల నుంచి రక్తం కారడం నేను చూశాను. ఆ ప్రాంతానికి పవిత్ర గౌడను పిలిపించి ఆమె చెప్పుతో కొట్టేలా చేశారు. ఆ తర్వాత కూడా విచక్షణారహితంగా దాడి చేశారు. లోదుస్తులు మాత్రమే ఉంచి టాటా ఏస్‌కు వేలాడదీసి.. నైలాన్‌ తాడుతో కొట్టారు’’ అని ప్రదోష్‌ తెలిపారు (Renukaswamy murder case). ‘‘ఇంత దారుణంగా దాడి చేస్తే రేణుకాస్వామి చనిపోతాడని నేను వారించాను. అయినా నా మాటలు ఎవరూ పట్టించుకోలేదు. అతడికి ఆహారం, నీళ్లు ఇచ్చిన తర్వాత కూడా దర్శన్‌ అతడి ఛాతీ, మెడపై కాలితో గట్టిగా తన్నారు. దాంతో రేణుకాస్వామి స్పృహతప్పి కిందపడిపోయారు. ఆ వెంటనే దర్శన్‌ తన రెండు కాళ్లతో బాధితుడి ఛాతీపై నిలబడి తొక్కేందుకు యత్నించగా.. నేను జోక్యం చేసుకుని ఆయన్ను పక్కకు లాగాను. రేణుకాస్వామి చనిపోయినట్లు గుర్తించిన తర్వాత, ఈ విషయాన్ని సద్దుమణిగేలా చేయకపోతే తుపాకీతో కాల్చుకుని ఆత్మహత్య చేసుకుంటానని దర్శన్‌ నన్ను బెదిరించారు. దాంతో అసలు విషయాన్ని దాచిపెట్టి కల్పిత కథను సృష్టించడానికి చర్చలు జరిగాయి’’ అని ప్రదోష్‌ పిటిషన్‌లో పేర్కొన్నారు. ఈ కేసుకు సంబంధించి తనకు తెలిసిన పూర్తి వివరాలు తెలిపానని.. తన రక్షణ కోసం జైలులో ఇతర నిందితులతో కాకుండా తనను ప్రత్యేక సెల్‌లో ఉంచాలని ప్రదోష్‌ విజ్ఞప్తి చేశారు. న్యాయస్థానం ఈ పిటిషన్‌పై విచారణ జరిపి తుది తీర్పు

అభిమాని హత్య కేసులో కన్నడ స్టార్‌ దర్శన్‌ జైలు శిక్ష అనుభవిస్తున్నాడు. గత రెండేళ్లుగా ఆయన జైల్లో ఉన్నారు. దర్శన్ జైలు నుంచి ఎప్పుడు బయటకు వస్తారా అని అభిమానులు ఎదురుచూస్తున్నారు. సుప్రీంకోర్టు తీర్పు ప్రకారం మరో ఏడాది పాటు ఆయనకు బెయిల్ రావడం కష్టమే. అయితే, కేసును వేగవంతం చేసి త్వరగా ముగించాలని కోర్టు సూచించింది. 'మీ ప్రేమపూర్వక ఆశీస్సులే నా తదుపరి అడుగులకు దారి చూపే వెలుగు. వీలైనంత త్వరగా మిమ్మల్ని కలవాలనే ఆత్రుత నాలోనూ ఉంది. మిమ్మల్ని అభిమానులుగా పొందినందుకు నేను ధన్యుడిని' అని ఆ వీడియోలో చెప్పారు. నిజానికి ఇది గత ఏడాది పుట్టినరోజు నాటి వీడియో, ఇప్పుడది మళ్లీ వైరల్ అవుతోంది. నిజానికి ఇది పాత వీడియో. గత ఏడాది తన పుట్టినరోజున అభిమానులు చూపిన ప్రేమకు కృతజ్ఞతగా దర్శన్ సోషల్ మీడియాలో ఇలాంటి పోస్టే పెట్టారు. ఇప్పుడు ఆ వీడియో మళ్లీ ట్రెండ్ అవుతోంది