Ram Pothineni Latest News News

టాలీవుడ్ హీరో రామ్ పోతినేని తన అభిమాని పట్ల గొప్ప మనసు చాటుకున్నారు. అరుదైన జన్యుపరమైన వ్యాధితో బాధపడుతున్న ఓ యువతికి భరోసా కల్పించి మానవత్వాన్ని చాటుకున్నారు. ఆమెతో వీడియో కాల్ ద్వారా మాట్లాడి ధైర్యం చెప్పారు. అంతేకాదు ఇది ఆమె ఆరోగ్యం మెరుగుపడటానికి అవసరమైన వైద్య ఖర్చులన్నీ తానే భరిస్తానని హామీ ఇచ్చారు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.ఆంధ్రప్రదేశ్ తూర్పుగోదావరి జిల్లా, అనపర్తి మండలంలోని దుప్పలపూడి గ్రామానికి చెందిన శశి భవ్యత(18) గత కొంతకాలంగా అనారోగ్యంతో బాధపడుతోంది. లఫోరా మయోక్లోనిక్ ఎపిలెప్సీ అనే అరుదైన జన్యులోప వ్యాధితో ఇబ్బందులు పడుతోంది. తరచూ ఫిట్స్ రావడం, నాడీ వ్యవస్థ దెబ్బతినడంతో మంచానికే పరిమితమైంది. శశిభవ్యత మతిస్థిమితం సరిగా లేనప్పటికీ, హీరో రామ్ పోతినేని పేరు చెబితే చాలు ఎంతో ఉత్సాహంగా స్పందిస్తుంటుంది. దీంతో తల్లిదండ్రులు ఆమెకు అన్నం తినిపించాలన్నా, మందులు వేయాలన్నా రామ్‌ ఫోటోలు, వీడియోలు చూపిస్తుంటారు.రామ్ ఫోటోలు చూపించి శశి భవ్యత తల్లి అన్నం తినిపించిన వీడియో ఇటీవల సోషల్ మీడియాలో వైరల్ అయింది. ఈ విషయం రామ్ వరకూ చేయడంతో ఆయన స్పందించారు. బుధవారం శశిభవ్యతతో వీడియో కాల్‌లో మాట్లాడారు. ఆమె తల్లిదండ్రులకు ధైర్యం చెప్పారు. శశిభవ్యత మెడికల్ రిపోర్టులు తనకు అందాయన్నారు. ఇకపై ఆమె మందులు, ఇతర వైద్య అవసరాలకు అయ్యే ఖర్చులన్నీ తానే చూసుకుంటానని భరోసా ఇచ్చారు. ఆమెను ఎప్పుడూ సంతోషంగా ఉంచాలని, మందులు సమయానికి అందించాలని తల్లిదండ్రులకు సూచించారు రామ్.రామ్ మాట్లాతుండగా.. ‘ఎప్పుడు వస్తావ్ సార్’ అని శశి భవ్యత ప్రేమగా అడిగింది. “వస్తాను. నేను రావాలంటే నువ్వు బాగా తిని, మందులు వేసుకొని బలంగా తయారవ్వాలి. ఇక నుంచి ఫుడ్, మందులు నేనే పంపిస్తాను. టైముకి తిని మందులు వేసుకుంటే నువ్వు బలంగా అవుతావు. అప్పుడు నువ్వు హైదరాబాద్ రావాలి. మనం కలవాలి. నాకు నిన్ను కలవాలని ఉంది” అని