Push News

మాట్లాడితే ప్యాన్ ఇండియా, ప్యాన్ వరల్డ్ అంటూ జబ్బలు చరుచుకుంటాం.. 1000 కోట్లు పరిచయం చేసింది మేమేనంటాం.. కానీ పర్ఫార్మెన్స్ అలా లేదు. కాస్త కఠువుగానే ఉంటుంది మరి.. ఓ పక్క సింగిల్ లాంగ్వేజ్ సినిమా 1000 కోట్లు కొడుతుంటే.. 2025 నుంచి మనోళ్లు సాధించేందేంటి..? బడ్జెట్స్‌పై పెడుతున్న ఫోకస్.. ఔట్ పుట్‌లో కనబడట్లేదెందుకు..? మన సినిమాలకు ఏమైంది..? ఇదే ఇవాల్టి ఎక్స్‌క్లూజివ్ స్టోరీ..! 2022లో RRR 1200 కోట్లు.. 2024లో పుష్ప 2 సినిమా 1800 కోట్లు, కల్కి 2కు 1200 కోట్లకు పైగా వచ్చాయి. 2023లో సలార్ 500 కోట్ల క్లబ్బులో చేరింది.. 2024లో దేవర 500 కోట్ల వరకు వసూలు చేసింది. 2025లో మాత్రం కేవలం మాటలే కానీ చేతలేం లేవు. వచ్చిన స్టార్స్ తోక ముడిచారు. 1000 కోట్లని కలలు గన్న గేమ్ ఛేంజర్, వార్ 2, రాజా సాబ్ దారుణంగా నిరాశ పరిచాయి. 2026లోనూ పరిస్థితులు మారలేదు. 2026 వచ్చి 8 నెలలైపోయింది.. ఈ ఏడాది ప్యాన్ ఇండియా సినిమాలకు కలిసొచ్చిందేం లేదు. అల్లు అర్జున్, మహేష్ లాంటి హీరోలు 2025 నుంచి అసలు కనబడట్లేదు. అది కూడా టాలీవుడ్‌కు మైనస్సే. దాంతో 2026లోనూ 500 కోట్లు కూడా రాబట్టలేకపోయింది టాలీవుడ్. మన శంకరవరప్రసాద్ గారు, పెద్ది సినిమాలు మాత్రమే 300 కోట్ల క్లబ్బులో చేరాయి. పుష్ప 2 తర్వాత సౌత్‌లో అసలు 1000 కోట్లు కొట్టిన సినిమానే లేదు. మరోవైపు ధురంధర్ సింగిల్ లాంగ్వేజ్‌లోనే ఫస్ట్ పార్ట్‌తో 1400 కోట్లు, సెకండ్ పార్ట్‌తో 1800 కోట్లు వసూలు చేసింది. 2025-26లో 1000 కోట్లు దాటిన ఇండియన్ సినిమా ఇదొక్కటే. కన్నడలో కాంతార ఛాప్టర్ 1 మాత్రమే 850 కోట్లకు పైగా వసూలు చేసింది. దాని తర్వాత కూలీ తెచ్చిన 518 కోట్లే సౌత్‌లో హైయ్యస్ట్. ఈ లిస్టులో తెలుగు సినిమా ఒక్కటీ లేదు. మాట్లాడితే మనమే

సినిమా అంటే రెండున్నర గంటలే ఉండాలా..? కథ బాగుంటే మూడు కాదు మూడున్నర గంటలైనా చూస్తారు మన ఆడియన్స్ అంటున్నారు దర్శకులు. టాలీవుడ్‌తో పాటు బాలీవుడ్‌లో ఇది ఆల్రెడీ ప్రూవ్ అయింది. మెల్లగా దీన్నే సక్సెస్ ఫార్ములాగా మార్చేస్తున్నారు మన హీరోలు. తాజాగా మరో హీరో మూడు గంటలకు పైగా బొమ్మ చూపించబోతున్నారు. పెరిగిన ఈ లెంత్‌పైనే ఇవాల్టి ఎక్స్‌క్లూజివ్ స్టోరీ.. మామూలుగా అయితే సినిమాలకి రెండున్నర గంటలు ఐడియల్ రన్ టైమ్ అంటారు. కానీ దాన్నిప్పుడు మార్చేస్తున్నారు మేకర్స్. 2.30 కాదు 3.30 గంటలు తీస్తామంటున్నారు. ఆ మధ్య పుష్ప 2 రీలోడెడ్ వర్షన్ 3.44 హవర్స్ వచ్చింది.. దానికి ముందు డైరెక్ట్ రిలీజ్‌లోనూ 3.24 గంటలతో వచ్చారు సుకుమార్. యానిమల్ సైతం 3.21 గంటల నిడివితో వచ్చింది. మామూలుగా మూడు గంటల సినిమా అంటేనే మన దగ్గర బాగా అరుదు. అంత పెద్ద సినిమా చూడాలంటే అందులో విషయం చాలా ఉండాలి.. యాదృశ్చికమో ఏమో కానీ 3 గంటల నిడివి దాటిన సినిమాలు ఈ మధ్య కాసుల వర్షం కురిపించాయి. అది పుష్ప 2, యానిమల్ మాత్రమే కాదు.. ట్రిపుల్ ఆర్, కుబేరా కూడా. వీటి రన్ టైమ్ 3 గంటలకు పైగానే. గతేడాది లెంత్ మీద అన్ని అనుమానాలను పూర్తిగా తుడిచేసిన సినిమా రణ్‌వీర్ సింగ్ ధురంధర్. ఈ సినిమా ఫస్ట్ పార్ట్ ఏకంగా 3.32 గంటల నిడివితో వచ్చి 1400 కోట్లు వసూలు చేసింది.. సెకండ్ పార్ట్ 3.49 గంటలతో వచ్చి ఏకంగా 1800 కోట్లు కలెక్ట్ చేసింది. ఈ రెండు సినిమాల విజయాలు చూసాక.. సినిమాకు లెంతీ రన్ టైమ్ అనేది అస్సలు మ్యాటరే కాదని ఫిక్సైపోయారు మేకర్స్. తాజాగా టాక్సిక్ రన్ టైమ్‌పై చర్చ మొదలైంది. గీతూ మోహన్ దాస్ తెరకెక్కిస్తున్న ఈ చిత్రం 3.14 గంటలకుపై నిడివితో రాబోతుంది. పైగా A సర్టిఫికెట్ చిత్రమిది

బాలీవుడ్ స్టార్ డైరెక్టర్ సిద్ధార్థ్‌ ఆనంద్ తీరు మారలేదు. తెలుగు సినిమాపై మరోసారి తన అక్కసును సోషల్ మీడియా వేదికగా వెల్లడించాడు. తెలుగు సినిమాలు జాతీయ, అంతర్జాతీయ స్థాయిలో జయకేతనం ఎగరవేస్తుంటే... ఉత్తరాది దర్శకులకు కంటగింపుగా ఉంది. ఏదోరకంగా తెలుగు సినిమాలను చిన్న చూపు చూసే భావన ఈ మధ్య కాలంలో ఎక్కువైంది. 'బాహుబలి, పుష్ప, ఆర్.ఆర్.ఆర్.' వంటి సినిమాలు జాతీయ స్థాయిలో ఘన విజయం సాధించడం వారికి నచ్చడం లేదు. దాంతో ఏదో ఒంకను తెలుగు సినిమాను చులకన చేయడానికి పరోక్షంగా ప్రయత్నిస్తున్నారు. ఆ మధ్య రణబీర్ కపూర్ 'యానిమల్' ప్రీ-రిలీజ్ ఈవెంట్ హైదరాబాద్‌లో జరిగినప్పుడు ఎడ్యుకేషనలిస్ట్, పొలిటీషియన్ మల్లారెడ్డి తెలుగు సినిమా ఖ్యాతిని గురించి చెబుతూ, భవిష్యత్తులో రణబీర్ కపూర్ సైతం హైదరాబాద్‌లో స్థిరపడాలనే ఆకాంక్షను వ్యక్తం చేశారు. ఇలాంటి వ్యాఖ్యలు బాలీవుడ్ సినిమా దర్శక నిర్మాతలను మరీ ఇబ్బంది పెడుతున్నట్టు అనిపిస్తోంది. సమయంకోసం వేచిచూసి, ఏదో రకంగా తెలుగు సినిమాను తగ్గించే పనికి వారు పూనుకుంటున్నారు. తాజాగా గతంలో మల్లారెడ్డి చేసిన వ్యాఖ్యలకు సంబంధించిన వీడియోను ఓ నెటిజన్ సోషల్ మీడియాలో షేర్ చేశాడు. తెలుగు సినిమా జాతీయ స్థాయిలో గుర్తింపు తెచ్చుకుంటోందని మల్లారెడ్డి చేసిన వ్యాఖ్యలపై మరో నెటిజన్ స్పందిస్తూ, 'మరి దేవర, ఓజీ, రాజా సాబ్ చిత్రాల పరిస్థితి ఏమిటీ?' అని ప్రశ్నించాడు. దీనికి సమాధానంగా బాలీవుడ్ స్టార్ డైరెక్టర్, 'పఠాన్' ఫేమ్ సిద్ధార్థ్‌ ఆనంద్ 'ఊఫ్స్' అంటూ రియాక్షన్ ఇచ్చారు. అంటే పరోక్షంగా అయ్యో అంటూ తన సానుభూతిని ఈ చిత్రాలకు ఆయన తెలియచేశాడని భావించాలి. దీనిని తెలుగు సినిమా రంగంలోని వారు కాస్తంత సీరియస్ గా తీసుకుంటున్నారు. పేరున్న బాలీవుడ్ దర్శకుడు ఇలా బాధ్యతను మార్చి స్పందించడం కరెక్ట్ కాదని భావిస్తున్నారు. ఇలా తెలుగు సినిమా మీద వ్యతిరేక భావన పెంచుకుంటూ పోతే నష్టపోయేది ఉత్తరాది వారే అని అంటున్నారు. గతంలో దక్షిణాది ఫిల్మ్

మెగాస్టార్ చిరంజీవి కెరీర్ పీక్ స్టేజ్‌లో ఉన్నప్పుడు ప్లాన్ చేసిన హాలీవుడ్ ప్రాజెక్ట్ ‘అబు – థీఫ్ ఆఫ్ బాగ్దాద్’ గురించి ఆసక్తికర విషయాలు బయటకు వచ్చాయి. కోలీవుడ్ ప్రముఖ దర్శకులు పుష్కర్ మరియు గాయత్రి ఒక ఇంటర్వ్యూలో ఈ భారీ ప్రాజెక్ట్ వివరాలను వెల్లడించారు. 1999 సమయంలోనే చిరంజీవి గ్లోబల్ స్థాయిలో తన ముద్ర వేసేందుకు ఈ ఇంగ్లీష్ సినిమాను అత్యంత ప్రతిష్టాత్మకంగా ప్లాన్ చేశారు. అప్పట్లోనే దాదాపు 40 కోట్ల రూపాయల భారీ బడ్జెట్‌తో ఈ ఫ్యాంటసీ అడ్వెంచర్ ప్రాజెక్ట్‌ను రూపకల్పన చేశారు. భారత్‌తో పాటు ఇంగ్లాండ్, ఆస్ట్రేలియా, అమెరికా దేశాల్లో షూటింగ్ జరిపేలా ప్రణాళికలు సిద్ధం చేశారు. భారతీయ దర్శకుడు సురేష్ కృష్ణతో పాటు ఒక అమెరికన్ డైరెక్టర్ కూడా ఈ సినిమాకు కలసి పనిచేయాల్సి ఉంది. ఈ ప్రాజెక్ట్‌లో పుష్కర్ కెమెరా విభాగంలో, గాయత్రి దర్శకత్వ విభాగంలో సాంకేతిక నిపుణులుగా బాధ్యతలు నిర్వహించారు. ఇదిలా ఉండగా ఈ సినిమాకు సంబంధించి విదేశీ నటీనటులను ఎంపిక చేయడంతో పాటు ఆస్కార్ విజేత ఏఆర్ రెహమాన్‌ను సంగీత దర్శకుడిగా నిర్ణయించారు. దీనికి సంబంధించి కొంత భాగం చిత్రీకరణ కూడా వేగంగా పూర్తి చేశారు. అయితే షూటింగ్ సమయంలో ఖురాన్ పేజీలకు సంబంధించిన వివాదాలు, మతపరమైన సున్నితమైన అంశాలు హఠాత్తుగా తెరపైకి వచ్చాయి. దీంతో అనూహ్య రీతిలో నిరసనలు వ్యక్తమై కోర్టు వివాదాలు చుట్టుముట్టడంతో ఈ ప్రతిష్టాత్మక ప్రాజెక్ట్ మధ్యలోనే ఆగిపోయింది. ఈ నేపథ్యంలో ఒకవేళ ఈ సినిమా పూర్తయి విడుదలై ఉంటే చిరంజీవి రేంజ్ అంతర్జాతీయ స్థాయిలో వేరేలా ఉండేదని సినీ విశ్లేషకులు భావిస్తున్నారు. ఫలితంగా ఆ రోజుల్లోనే పాన్-వరల్డ్ స్టార్‌గా ఆయన నిలిచే అవకాశాన్ని తృటిలో కోల్పోయారని అభిమానులు అభిప్రాయపడుతున్నారు. అప్పట్లో టాలీవుడ్‌లో తిరుగులేని ఆధిపత్యం చెలాయించిన చిరంజీవి, హాలీవుడ్‌లో కూడా తన జెండా పాతేందుకు తీవ్రంగా ప్రయత్నించారని ఈ ఘటన నిరూపిస్తోంది. ఈ భారీ ప్రాజెక్ట్ ఆగిపోయినప్పటికీ, ఆ

లోక్‌సభలో ప్రతిపక్ష నేత రాహుల్ గాంధీ బాధ్యతారహిత్యంగా ప్రధాని మోదీపై వ్యాఖ్యలు చేస్తున్నారని బీజేపీ జాతీయ అధ్యక్షులు నితిన్ నబిన్ మండిపడ్డారు. వాటిని ఖండించాలని పార్టీ శ్రేణులకు సూచించారు. విశాఖపట్నం, ఆగస్టు18: కార్యకర్త నుంచి జాతీయ నాయకుడిగా ఎదిగిన భారత మాజీ ఉపరాష్ట్రపతి ఎం. వెంకయ్యనాయుడు పోరాటాల స్ఫూర్తితో ముందుకు వెళ్లాలని బీజేపీ శ్రేణులకు ఆ పార్టీ జాతీయ అధ్యక్షుడు నితిన్ నబీన్ స్పష్టం చేశారు. మంగళవారం విశాఖపట్నంలో పార్టీ శ్రేణులతో ఆయన సమావేశమయ్యారు. ఈ సందర్భంగా బీజేపీ చీఫ్ నితిన్ నబిన్ మాట్లాడుతూ.. ప్రపంచంలోనే బీజేపీ అతి పెద్ద పార్టీగా ఉందని అన్నారు. దేశాన్ని మరింత శక్తిమంతంగా చేయడానికి సంకల్పం తీసుకోవాలని ప్రతి కార్యకర్తకు సూచించారు. ప్రధాని నరేంద్ర మోదీ నేతృత్వంలో దేశంలో మంచి పాలన అందుతుందని పేర్కొన్నారు. రాష్ట్రంలో కూటమికి మంచి విజయాన్ని అందించిన ప్రజలకు ఈ సందర్భంగా ఆయన ధన్యవాదాలు తెలిపారు. సీఎం చంద్రబాబు, ఉప ముఖ్యమంత్రి పవన్ కళ్యాణ్ ఆధ్వర్యంలో రాష్ట్రం అభివృద్ధి పథంలో ముందుకు వెళ్తుందని చెప్పారు. రాష్ట్ర ప్రజలకు అభివృద్ధి ఫలాలను అందించడానికి కూటమి ఏర్పాటైందని వివరించారు. ప్రధాని మోదీ నాయకత్వంలో అనేక ప్రాజెక్టులకు శంకుస్థాపనలు జరుగుతున్నాయని అన్నారు. అంధ్రప్రదేశ్‌పై ప్రధాన మోదీ ప్రత్యేక దృష్టి పెట్టారని గుర్తు చేశారు. తమ కలలను సాకారం చేసే పార్టీని ప్రజలు గుర్తిస్తున్నారని పేర్కొన్నారు. అనేక ప్రాజెక్టులు ద్వారా ఆంధ్రప్రదేశ్ అభివృద్ధికి డబల్ ఇంజిన్ సర్కార్ పని చేస్తుందని అన్నారు. దీనిని ప్రజల్లోకి తీసుకెళ్లాలని ఈ సందర్భంగా పార్టీ శ్రేణులకు ఆయన పిలుపునిచ్చారు. విపక్షం కాంగ్రెస్ పార్టీ అసాంఘిక శక్తులను ప్రోత్సహిస్తుందని మండిపడ్డారు. దీనిని తిప్పి కొట్టాలని బీజేపీ శ్రేణులకు సూచించారు. లోక్‌సభలో ప్రతిపక్ష నేత రాహుల్ గాంధీ బాధ్యతారహిత్యంగా ప్రధాని మోదీపై వ్యాఖ్యలు చేస్తున్నారని గుర్తు చేశారు. వాటిని ఖండించాలని పార్టీ శ్రేణులకు నేషనల్ బీజేపీ చీఫ్ స్పష్టం చేశారు. రాహుల్ గాంధీ వ్యాఖ్యల్లో నిరాశ కనపడుతోందని

ప్రఖ్యాత పుణ్యక్షేత్రం తిరుమలలో రద్దీ నెలకొంది. ఆదివారం నాడు ఏకంగా 97,014 మంది భక్తులు స్వామివారిని దర్శించుకున్నారు. వారిలో 37,108 మంది తలనీలాలు సమర్పించారు. తమ మొక్కులు తీర్చుకున్నారు. ఆ ఒక్క రోజే హుండీ ద్వారా 3.93 కోట్ల రూపాయల కానుకలు తిరుమల తిరుపతి దేవస్థానానికి అందాయి. వైకుంఠం క్యూ కాంప్లెక్స్‌లో అన్ని కంపార్టుమెంట్లు భక్తులతో నిండిపోయాయి. కృష్ణతేజ గెస్ట్ హౌస్ వరకు క్యూ లైన్ ఏర్పడింది.టోకెన్ లేని సర్వదర్శనం భక్తులకు స్వామివారి దర్శనానికి 18 నుంచి 20 గంటల సమయం పట్టింది. ఆ ఒక్క రోజే 4.61 లక్షల లడ్డూలు విక్రయం అయ్యాయి. అలాగే 4.22 లక్షల మంది అన్న ప్రసాదాన్ని స్వీకరించారు. వివిధ అనారోగ్య కారణాలతో మొత్తం 3,757 మంది శ్రీవారి వైద్య సేవను అందుకున్నారు. రద్దీ నేపథ్యంలో క్యూ కాంప్లెక్సులు, క్యూ లైన్లు, నారాయణగిరి షెడ్ల వద్ద టీటీడీ అధికారులు ప్రత్యేక ఏర్పాట్లు చేశారు.కాగా.. సెప్టెంబర్ లో ప్రారంభం కానున్న శ్రీవారి సాలకట్ల బ్రహ్మోత్సవాల కోసం టీటీడీ చురుగ్గా ఏర్పాట్లు చేస్తోంది. సెప్టెంబర్ 15వ తేదీ నుండి 23వ తేదీ వరకు అత్యంత వైభవంగా జరగనున్న ఈ ఉత్సవాలను పురస్కరించుకుని, స్వామివారి ఆలయం, పరిసరాల ఆధునీకరణపై అధికారులు ప్రత్యేక శ్రద్ధ పెట్టారు. ఇందులో భాగంగా తిరుమలలోని అత్యంత పవిత్రమైన శ్రీవారి పుష్కరిణి మరమ్మతు పనులను టీటీడీ అదనపు ఈవో సీహెచ్ వెంకయ్య చౌదరి క్షేత్రస్థాయిలో పరిశీలించారు.నా రాజీనామా నిర్ణయానికి కట్టుబడి ఉన్నా, వెనక్కి తీసుకోను: తేల్చి చెప్పిన బీజేపీ అధికార ప్రతినిధిఈ తనిఖీ సందర్భంగా శ్రీవారి పుష్కరిణి వద్ద చేపట్టాల్సిన భద్రతాపరమైన మార్పులపై అధికారులకు పలు కీలక సూచనలు చేశారు. పుష్కరిణిలో పవిత్ర స్నానాలు ఆచరించేందుకు వచ్చే భక్తులకు ఎటువంటి అసౌకర్యాలు లేదా ఇబ్బందులు కలగకుండా కట్టుదిట్టమైన చర్యలు తీసుకోవాలని ఆదేశించారు. భక్తులు ప్రమాదవశాత్తు లోతైన ప్రాంతాల్లోకి వెళ్లకుండా నిరోధించేందుకు తగిన రక్షణ గ్రిల్స్‌ను త్వరితగతిన ఏర్పాటు చేయాలని స్పష్టం

సంధ్య థియేటర్ (Sandhya Theater Stampede) తొక్కిసలాట ఘటన విచారణ కొనసాగుతోంది. ఇప్పటికే నిందితులందరికీ బెయిల్ మంజూరు కాగా, విచారణ మినిమం గ్యాప్స్ లో త్వరితగతిన సాగుతోంది. ఈరోజు జరిగిన విచారణకు వర్చువల్ గా హాజరయ్యాడు అల్లు అర్జున్ (Allu Arjun). ముంబయిలో షూటింగ్ లో ఉన్న బన్నీ జడ్జి ముందు వీడియో కాన్ఫరెన్స్ ద్వారా హాజరయ్యాడు. ఈ కేసుకు సంబంధించి ఇప్పటికే నిందితులందరికీ చార్జ్ షీటు కాపీలు అందించారు. ప్రత్యక్షంగా హాజరుకావాలంటూ జడ్జి ఆదేశించగా, బన్నీ ప్రత్యేక అనుమతి కోరాడు. ముంబయిలో షూటింగ్ కారణంగా, వీడియో కాల్ ద్వారా హాజరయ్యేందుకు అనుమతించాలని కోరాడు. అలా ఈ కేసు విచారణకు వర్చువల్ గా హాజరవుతున్నాడు అల్లు అర్జున్. ‘పుష్ప-2’ బెనిఫిట్ షో టైమ్ లో సంధ్యా థియేటర్ కు వెళ్లాడు అల్లు అర్జున్. ఆ టైమ్ లో జరిగిన తొక్కిసలాటలో ఓ మహిళ మృతి చెందగా, ఆమె కొడుకు ప్రాణాలతో బయటపడ్డాడు. అయితే అతడు ఇప్పటికీ పూర్తిస్థాయిలో కోలుకోలేదు. గాయపడినప్పట్నుంచి ఇప్పటివరకు అతడి ఆలనాపాలనతో పాటు, ఆ కుటుంబ బాధ్యత మొత్తాన్ని బన్నీ తీసుకున్నాడు. ఓవైపు ఆ కుర్రాడి ఆరోగ్యాన్ని చూసుకుంటూనే, మరోవైపు కోర్టు విచారణకు హాజరవుతున్నాడు. ఈ కేసులో ఎ-11గా కొనసాగుతున్నాడు బన్నీ

థియేటర్లు, ఓటీటీల్లో దివ్యాంగులకు ఆడియో డిస్క్రిప్షన్, సబ్‌టైటిల్స్, క్యాప్షనింగ్, సైగ భాష వంటి సౌకర్యాలు కల్పించేలా ఢిల్లీ హైకోర్టు కీలక ఆదేశాలు ఇచ్చింది. థియేటర్లలో దివ్యాంగులకు సౌకర్యాలు కల్పించేలా. చర్యలు చేపట్టాలని ఢిల్లీ హైకోర్టు (Delhi High Court) ఆదేశించింది. థియేటర్లు, ఓటీటీ ప్లాట్‌ఫామ్ (OTT Platforms) ల‌లో విడుదలయ్యే సినిమాల్లో ఈ సౌకర్యాలను అందుబాటులోకి తెచ్చేలా, రెండు వారాల్లో అందరికీ ఆమోదయోగ్యమైన పరిష్కారం కనుగొనాలని సూచించింది. ఈ మేరకు కేంద్ర సమాచార ప్రసార మంత్రిత్వ శాఖ, సెంట్రల్ బోర్డ్ ఆఫ్ ఫిల్మ్ సర్టిఫికేషన్ (సెన్సార్ బోర్డు), మైత్రి మూవీ మేకర్స్ సహా ఇతర భాగస్వామ్యులంతా చర్చించి, అమలు చేయదగ్గ నిర్ణయాన్ని తీసుకోవడం కోసం వారంలోగా ఉమ్మడి సమావేశం ఏర్పాటు చేయాలని జస్టిస్ స్వర్ణ కాంత శర్మ ఆదేశాలు జారీ చేశారు. తదుపరి విచారణను సెప్టెంబర్ 11కి వాయిదా వేశారు. థియేటర్లలో, ఓటీటీల్లో.. ఆడియో డిస్క్రిప్షన్, సబ్ టైటిల్స్, క్యాప్షనింగ్, సైగ భాష వంటి సౌకర్యాలను అందుబాటులో ఉంచాలని కోరుతూ పుష్ప 2 (Pushpa 2) సినిమా విడుదల సమయంలో దివ్యాంగ హక్కుల కార్యకర్త, న్యాయవాది రాహుల్ బజాజ్ (Rahul Bajaj) ఓ పిటిషన్ దాఖలు చేశారు. అయితే అది కేవలం 'పుష్ప 2' సినిమాకి మాత్రమే పరిమితం కాదని, దివ్యాంగుల సినిమా వీక్షణ సౌలభ్యానికి సంబంధించిందని పేర్కొన్నారు

ప్రముఖ డ్యాన్స్ కొరియోగ్రాఫర్ శ్రష్టి వర్మ (Shrasti Verma) రాజకీయాల్లోకి అడుగుపెట్టారు. ప్రముఖ డ్యాన్స్ కొరియోగ్రాఫర్ శ్రష్టి వర్మ (Shrasti Verma) రాజకీయాల్లోకి అడుగుపెట్టారు. సోమవారం హైదరాబాద్‌లోని బీజేపీ తెలంగాణ (Telangana BJP) రాష్ట్ర కార్యాలయంలో జరిగిన కార్యక్రమంలో ఆమె భారతీయ జనతా పార్టీలో చేరారు. పార్టీ రాష్ట్ర అధ్యక్షుడు రామచందర్‌రావు (N. Ramchander Rao) శ్రష్టి వర్మకు కండువా కప్పి పార్టీలోకి ఆహ్వానించారు. ఆమెతో పాటు పలువురు ఈ సందర్భంగా బీజేపీ సభ్యత్వం తీసుకున్నారు. ఈ సంద‌ర్భంగా రామచందర్‌రావు మాట్లాడుతూ.. యువత రాజకీయాల్లో చురుగ్గా పాల్గొనాల్సిన అవసరం ఉందని అన్నారు. దేశ ప్రయోజనాలకు విఘాతం కలిగించే శక్తులు ఒక్కటవుతున్న సమయంలో యువత రాజకీయాల్లోకి రావడం అభినందనీయమని పేర్కొన్నారు. ఉత్తరప్రదేశ్‌ ఇటావాలో జన్మించిన శ్రష్టి వర్మ ఇంట‌ర్ వ‌ర‌కు చ‌దివింది. చిన్న వయసులోనే డ్యాన్స్‌పై ఆసక్తితో ఈటీవీలో ప్రసారమైన ‘ఢీ’ డ్యాన్స్ షో ద్వారా బుల్లితెరపైకి వచ్చారు. తొలుత కో-డ్యాన్సర్‌గా కనిపించిన ఆమె.. ఆ తర్వాత ‘ఢీ జోడీ’లో తన ప్రతిభతో త‌న‌కంటూ ప్ర‌త్యేక గుర్తింపును సంపాదించుకుంది. ఆపై అసిస్టెంట్ కొరియోగ్రాఫర్‌గా సినీ పరిశ్రమలోకి అడుగుపెట్టిన శృష్టి వ‌ర్మ‌ క్రమంగా స్టార్ హీరోల సినిమాల్లో పాటలకు కొరియోగ్రఫీ చేసే స్థాయికి ఎదిగింది. ఈ క్ర‌మంలోనే.. శృష్టి వ‌ర్మ‌ ప్రముఖ కొరియోగ్రాఫర్ జానీ మాస్టర్‌పై చేసిన‌ లైంగిక ఆరోప‌ణ‌లు పెను సంచ‌ల‌నం సృష్టించ‌గా జాతీయ స్థాయిలో పెద్ద చ‌ర్చ జ‌రిగింది. అంతేగాక జానీ మాస్ట‌ర్ పోక్సో కేసులో జైలుకు కూడా వెళ్లారు. అదే స‌మ‌యంలో అల్లు అర్జున్ ‘పుష్ప 2’లోని ‘సూసేకి’ పాటకు కొరియోగ్రఫీ చేయడం ద్వారా శ్రష్టి వర్మ పేరు మారుమ్రోగింది. అంత‌కుముందు ర‌జనీకాంత్ ‘జైలర్’ సినిమాలోని ‘నువ్వు కావాలయ్యా’ పాటకు కూడా ఆమె నృత్యరీతులు సమకూర్చారు. ‘క్రాక్’, ‘బీస్ట్’, ‘అల వైకుంఠపురములో’, ‘గేమ్ ఛేంజర్’, ‘కిసీ కా భాయ్ కిసీ కీ జాన్’, ‘మనమే’ తదితర చిత్రాలకు ఆమె కొరియోగ్రాఫర్‌గా పనిచేశారు. ఆపై

ప్రముఖ డాన్స్ కొరియోగ్రాఫర్ శ్రష్టి వర్మ రాజకీయ రంగ ప్రవేశం చేశారు. సోమవారం ఆమె బీజేపీలో చేరారు. హైదరాబాద్‌లోని బీజేపీ రాష్ట్ర కార్యాలయంలో నిర్వహించిన ఈ కార్యక్రమంలో పార్టీ రాష్ట్ర అధ్యక్షుడు ఎన్. రామచందర్ రావు ఆమెకు పార్టీ కండువా కప్పి సాదరంగా ఆహ్వానించారు.ఈ సందర్భంగా రామచందర్ రావు మాట్లాడుతూ, దేశాన్ని విచ్ఛిన్నం చేసే శక్తులు ఏకమవుతున్న తరుణంలో, యువత రాజకీయాల్లోకి రావడం, ముఖ్యంగా బీజేపీలో చేరడం శుభపరిణామమని పేర్కొన్నారు. యువత ప్రాతినిధ్యంతో పార్టీ మరింత బలోపేతం అవుతుందని ఆయన అభిప్రాయపడ్డారు. శ్రష్టి వర్మతో పాటు పలువురు ఈ కార్యక్రమంలో బీజేపీ తీర్థం పుచ్చుకున్నారు.ఉత్తరప్రదేశ్‌కు చెందిన శ్రష్టి వర్మ, ఈటీవీలో ప్రసారమైన 'ఢీ', 'ఢీ జోడీ' వంటి డ్యాన్స్ రియాలిటీ షోల ద్వారా తెలుగు ప్రేక్షకులకు సుపరిచితురాలయ్యారు. అనంతరం ఆమె 'బిగ్‌బాస్ తెలుగు సీజన్ 9'లో కంటెస్టెంట్‌గా కూడా పాల్గొన్నారు. కొరియోగ్రాఫర్‌గా తెలుగు, తమిళ, హిందీ చిత్ర పరిశ్రమలలో మంచి గుర్తింపు తెచ్చుకున్న ఆమె, ఇటీవల విడుదలైన 'పుష్ప 2'లోని 'సూసేకి', రజినీకాంత్ 'జైలర్' చిత్రంలోని 'నువ్వు కావాలయ్యా' వంటి బ్లాక్‌బస్టర్ గీతాలకు నృత్య దర్శకత్వం వహించారు. వీటితో పాటు 'అల వైకుంఠపురములో', 'క్రాక్', 'బీస్ట్', 'గేమ్ ఛేంజర్' వంటి పలు విజయవంతమైన చిత్రాలకు ఆమె పనిచేశారు

కిరణ్ కుమార్ శర్మ తంజావూర్ జీ తెలుగు తెలుగు న్యూస్‌లో ఛీఫ్ సబ్ ఎడిటర్‌గా పనిచేస్తున్నారు. ఇక్కడ 2024 నుంచి వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాలు కూడా రాస్తుంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది. Lengthi Movies: అవును తెలుగు, హిందీ సహా అన్ని ఇండస్ట్రీ వాళ్లు ఇపుడు ఎక్కువ నిడివితో సినిమాలను తెరకెక్కిస్తున్నారు. అలాంటి సినిమాల్లో బిగువైన కథ, కథనాలు ఉంటేనే ప్రేక్షకులు ఆయా సినిమాలను చూస్తారు. నేల విడిచి 3 గంటలు సినిమా తెరకెక్కిస్తే చూస్తారనుకుంటే పొరపడినట్టే. సినిమాలో కథ ప్రేక్షకులను ఇన్వాల్వ్ చేయగలిగాలి. చూస్తున్నంత సేపు అరే అపుడే అయిపోయిందా అనిపించేలా ఉంటే ఆయా సినిమాలను నెత్తిన పెట్టుకొని హిట్ చేస్తున్నారు. తాజాగా యశ్ హీరోగా తెరకెక్కిన ‘టాక్సిక్’ సినిమా రన్ టైమ్ మరోసారి టాక్ ఆఫ్ ది ఇండస్ట్రీగా మారింది. కేజీఎఫ్ సిరీస్ తర్వాత యశ్ హీరోగా తెరకెక్కిన చిత్రం ‘టాక్సిక్’. లేడీ డైరెక్టర్ గీతూ మోహన్ దాస్ ఈ సినిమాను కన్నడతో పాటు ఇంగ్లీష్‌లో ఏకకాలంలో చిత్రీకరించింది. ఈ సినిమాను హిందీ, తెలుగు సహా మిగతా భాషల్లో డబ్ చేసి రిలీజ్ చేస్తున్నారు. ఓ రకంగా యశ్‌కు ఇది లిట్మస్ టెస్ట్ అని చెప్పాలి. ఈ సినిమాతో హిట్ కొడితే మాత్రం యశ్ ను ఆపడం ఎవరి తరం కాదు. ఒకవేళ ఫ్లాప్ అయితే మాత్రం సినిమా సెలెక్షన్స్ విషయంలో ఆచితూచి అడుగులు వేయాల్సిన పరిస్థితి ఏర్పడుతుంది. తాజాగా యశ్ ‘టాక్సిక్’ సినిమా 3 గంటల 14 నిమిషాలు ఉన్నట్టు తెలుస్తుంది. ఇప్పటికే సెన్సార్ వాళ్లు ఈ సినిమాకు ‘A’ సర్టిఫికేట్ జారీ చేశారు. అంతకు ముందు పుష్ప 2 రీ లోడెడ్ వెర్షన్ 3

ఉత్తరాఖండ్‌ చమోలి జిల్లా పిపల్‌కోటిలోని టీహెచ్‌డీసీ సొరంగంలో శుక్రవారం భారీ ప్రమాదం జరిగిన సంగతి తెలిసిందే. ఈ ఘటనలో మృతుల సంఖ్య ఎనిమిదికి చేరింది. శిథిలాలు, నీటిని తొలగించిన సహయక సిబ్బంది మరో మృతదేహాన్ని వెలకితీశారు. ఉత్తరాఖండ్‌: చమోలి జిల్లా పిపల్‌కోటిలోని టీహెచ్‌డీసీ సొరంగంలో నిన్న (శుక్రవారం) భారీ ప్రమాదం జరిగిన సంగతి తెలిసిందే. ఈ ఘటనలో మృతుల సంఖ్య ఎనిమిదికి చేరింది. ఎడతెరిపి లేకుండా కురుస్తున్న వర్షాలకు బిర్హి నది సమీపంలో కొండచరియలు విరిగిపడ్డాయి. దీంతో నిర్మాణంలో ఉన్న సొరంగంలోకి పెద్దఎత్తున వరదనీరు, శిథిలాలు వచ్చి చేరాయి. ఈ ప్రమాదంలో ఏడుగురు కార్మికులు ప్రాణాలు కోల్పోగా.. మరో ముగ్గురు శిథిలాల కింద చిక్కుకుపోయారు. వారి కోసం సహాయక బృందాలను అధికారులు రంగంలోకి దించారు. నిన్నటి నుంచి భారీగా చేరిన నీరు, శిథిలాలను తొలగిస్తూ.. నేడు మరో మృతదేహాన్ని వెలికితీశారు. దీంతో మృతుల సంఖ్య ఎనిమిదికి చేరింది. మరోవైపు, శిథిలాల కింద చిక్కుకుపోయిన మరో ఇద్దరి కోసం గాలింపు చర్యలు కొనసాగుతున్నాయి. ఈ ఘటనపై ఉత్తరాఖండ్ ముఖ్యమంత్రి పుష్కర్ సింగ్ ధామి ఈరోజు ఉదయం స్పందించారు. టీహెచ్‌డీసీ సొరంగంలోకి అకస్మాత్తుగా శిథిలాలు, నీరు చేరడంతో విధుల్లో ఉన్న కార్మికులు చిక్కుకుపోయారని తెలిపారు. ఈ ప్రమాదంలో ఏడుగురు మృతిచెందగా.. చిక్కుకుపోయిన కార్మికుల కోసం గాలింపు చర్యలు కొనసాగుతున్నాయని పేర్కొన్నారు. ఎన్‌డీఆర్‌ఎఫ్, ఎస్‌డీఆర్‌ఎఫ్, ఉత్తరాఖండ్ ప్రభుత్వ జిల్లా యంత్రాంగంతో సహా అన్ని ఏజెన్సీలు పరిస్థితిని నిరంతరం పర్యవేక్షిస్తున్నాయని ఆయన వెల్లడించారు. భవిష్యత్తులో ఇలాంటి సంఘటనలు పునరావృతం కాకుండా చర్యలు తీసుకుంటామన్నారు. అలాగే, ఈ ప్రమాదానికి కచ్చితమైన కారణాన్ని తెలుసుకునేందుకు సమగ్ర దర్యాప్తు జరుగుతోందని సీఎం పుష్కర్ సింగ్ ధామి చెప్పారు. ఏ నిర్మాణ ప్రాజెక్టులోనైనా పని చేసే సిబ్బంది భద్రతే తొలి ప్రాధాన్యంగా ఉండాలని ఆయన పేర్కొన్నారు. ఈ మేరకు శుక్రవారమే ఆదేశాలు జారీ చేసినట్లు ముఖ్యమంత్రి తెలిపారు. కాగా, సొరంగం లోపల భారీగా చేరిన నీరు

మన రోజువారి ఆహారంలో అన్నం ఒక ముఖ్యమైన భాగం. అయితే, నేటి కాలంలో మధుమేహం (డయాబెటిస్) బారిన పడుతున్న వారి సంఖ్య పెరుగుతుండటంతో అన్నం తినడంపై అనేక అనుమానాలు వ్యక్తమవుతున్నాయి. ముఖ్యంగా "వేడి వేడి అన్నం తింటే షుగర్ పెరుగుతుందని తినడమే మానేస్తున్నారు". నిజంగా వేడి అన్నం తింటే డయాబెటీస్ పెరుగుతుందా? చద్దన్నంతిని బ్లడ్ షుగర్ కంట్రోల్ చేసకోవచ్చా? శాస్త్రీయ దృక్కోణంలో వేడి అన్నం, చద్దన్నం , బ్లడ్ షుగర్ నియంత్రణకు సంబంధించిన ముఖ్య విషయాలను వివరంగా తెలుసుకుందాం. వండిన వెంటనే పొగలు కక్కే వేడి వేడి అన్నాన్ని తినడం వల్ల అందులోని పిండి పదార్థాలు (రైపిడ్లీ డైజెస్టిబుల్ స్టార్చ్) శరీరంలో చాలా వేగంగా జీర్ణమవుతాయి. ఫలితంగా రక్తంలోకి గ్లూకోజ్ ఒక్కసారిగా విడుదలవుతుంది. దీనివల్ల 'బ్లడ్ షుగర్ స్పైక్స్' (రక్తంలో చక్కెర స్థాయిలు హఠాత్తుగా పెరగడం) ఏర్పడతాయి. తరచూ ఇలా వేడి అన్నం అధిక పరిమాణంలో తీసుకోవడం వల్ల ఇన్సులిన్ నిరోధకత (Insulin Resistance) పెరిగి, డయాబెటిస్ నిర్వహణ కష్టతరం అవుతుంది. అన్నాన్ని వండిన తర్వాత చల్లార్చడం లేదా రాత్రంతా ఫ్రిడ్జ్ లో పెట్టి చద్దన్నంగా మార్చడం వల్ల ఒక అద్భుతమైన మార్పు జరుగుతుంది. ఈ ప్రక్రియలో అన్నంలోని సాధారణ స్టార్చ్ 'రెసిస్టెంట్ స్టార్చ్' (Resistant Starch) గా మారుతుంది. ఈ రెసిస్టెంట్ స్టార్చ్ చిన్నపేగులో త్వరగా జీర్ణం కాకుండా, నేరుగా పెద్దపేగుకు చేరుకుంటుంది. అక్కడి మంచి బ్యాక్టీరియా (ప్రోబయోటిక్స్) కు ఇది మంచి పోషకాహారంగా ఉపయోగపడుతుంది. 24 గంటలు ప్రిడ్జ్ లో చల్లారిన అన్నంలో గ్లైసెమిక్ ఇండెక్స్ తగ్గుతుంది. దీనివల్ల తిన్న తర్వాత బ్లడ్ షుగర్ వేగంగా పెరగదు. అయితే దీనికి తగినంత ఫైబర్ ను ఆడ్ చేసుకుని తినడం చాలామంచింది. పీచు పదార్ధాలు ఎక్కువగా ఉన్న కూరగాయలను దీనికి జత చేసి తింటే బ్లడ్ షుగర్ పెరగడం అనే మాట ఉండదు. అంతే కాదు ఈ రకంగా తినడం వల్ల రెసిస్టెంట్

దక్షిణ కోస్తా రైల్వే జోన్ పరిధిలో ప్రస్తుత ఆర్ధిక సంవత్సరంలో రూ.4,894 కోట్ల ఆదాయం వచ్చిందని జీఎం సందీప్ మాథుర్ వెల్లడించారు. 32 వేల మిలియన్ టన్నుల సరుకు రవాణా చేసి రూ.3,300 కోట్ల ఆదాయం పొందిందని వివరించారు. విశాఖపట్నం, ఆగస్టు15: దక్షిణ కోస్తా రైల్వే జోన్ పరిధిలో ప్రస్తుత ఆర్ధిక సంవత్సరంలో రూ.4,894 కోట్ల ఆదాయం వచ్చిందని జీఎం సందీప్ మాథుర్ వెల్లడించారు. 32 వేల మిలియన్ టన్నుల సరుకు రవాణా చేసి రూ.3,300 కోట్ల ఆదాయం పొందిందని వివరించారు. శనివారం 80వ స్వాతంత్ర్య వేడుకలు సందర్భంగా దక్షిణ కోస్తా రైల్వే జోన్‌ ప్రధాన కార్యాలయంలో ఆయన త్రివర్ణ పతాకాన్ని ఎగురవేశారు. ఈ సందర్భంగా జోన్ పరిధిలోని రైల్వే సిబ్బంది, అధికారులతోపాటు ప్రజలకు ఆయన శుభాకాంక్షలు తెలిపారు. అనంతరం జీఎం సందీప్ మాథుర్ మాట్లాడుతూ.. భారతీయ రైల్వేలో18వ జోనల్ హెడ్ క్వార్టర్‌గా 2026 జూన్ 1వ తేదీన ప్రారంభమైందని గుర్తు చేశారు. దీంతో ఈ రైల్వే జోన్ ఆధ్వర్యంలో తొలిసారిగా ఈ స్వాతంత్ర వేడుకలు జరుగుతున్నాయని గుర్తు చేశారు. జోన్ పరిధిలోని 1070 లోకోమోటివ్‌లలో ఇప్పటికే ప్రమాదాల నివారణకు 719 లోకోమోటివ్‌లకు కవచ్ ఏర్పాటు చేశామని అన్నారు. దక్షిణ కోస్తా రైల్వే జోన్ పరిధిలో మౌలిక సదుపాయాలు కల్పనకు చర్యలు చేపట్టినట్లు చెప్పారు. అందులోభాగంగా డబ్లింగ్, ట్రిప్లింగ్ ప్రాజెక్టులను రూ.1.25 లక్షల కోట్లు ఖర్చు చేయనున్నట్లు పేర్కొన్నారు. అందులో రూ.54,479 కోట్లు ఇప్పటికే వెచ్చించి పనులు చేపట్టామని ఆయన వివరించారు. విశాఖపట్నం యార్డ్ మోడలింగ్ ప్రాజెక్టుకు రూ.299 కోట్లు ఆమోదం లభించిందన్నారు. దీంతో 6 అదనపు లైన్లు, 6 అదనపు ప్లాట్‌ఫారాలు ఏర్పాటు చేయాలని నిర్ణయించినట్లు తెలిపారు. గుంతకల్- బళ్లారి డివిజన్‌లో నాలుగు లైన్లు నిర్మాణం కోసం రూ.1,205 కోట్లు నిధులు మంజూరు చేసినట్లు జీఎం సందీప్ మాథుర్ వెల్లడించారు

ఉత్తరాఖండ్‌లోని చమోలి జిల్లాలో నిర్మాణంలో ఉన్న టన్నెల్‌లో ఘోర ప్రమాదం జరిగింది. ఈ ప్రమాదంలో ఏడుగురు మృతి చెందగా.. 13 మందికి తీవ్ర గాయాలయ్యాయి. ఇంటర్నెట్ డెస్క్: ఉత్తరాఖండ్‌లోని చమోలి జిల్లాలో నిర్మాణంలో ఉన్న టన్నెల్‌లో గురువారం సాయంత్రం ఘోర ప్రమాదం జరిగింది. ఈ ప్రమాదంలో ఏడుగురు మృతి చెందగా.. 13 మందికి తీవ్ర గాయాలయ్యాయి. పిపల్‌కోటిలోని టెహ్రీ హైడ్రో డెవలప్‌మెంట్ కార్పొరేషన్ లిమిటెడ్ (THDC) ప్రాజెక్టు వద్ద నిర్మాణంలో ఉన్న టన్నెల్‌లోకి సాయంత్రం 6.30 నుంచి 6.45 గంటల మధ్య భారీగా వరద నీరు ప్రవేశించింది. ఆ సమయంలో HCC సిబ్బంది నిర్మాణ పనులు చేస్తున్నారు. రెస్క్యూ ఆపరేషన్‌లో ఇప్పటివరకు 20 మందిని బయటకు తీసుకొచ్చారు. వారిలో ఏడుగురు మృతి చెందినట్లు వైద్యులు నిర్ధారించారు. మరో 13 మంది చికిత్స పొందుతున్నారు. వారిలో ఒకరి పరిస్థితి కొంత విషమంగా ఉండటంతో శ్రీనగర్‌లోని బేస్ ఆసుపత్రికి తరలించారు. ప్రమాద తీవ్రత నేపథ్యంలో NDRF, భారత సైన్యం, ITBP బృందాలను కూడా రంగంలోకి దించారు. టన్నెల్‌లో ఇంకా ఇద్దరు చిక్కుకుపోయినట్లు అధికారులు తెలిపారు. వారిని సురక్షితంగా బయటకు తీసేందుకు సహాయక చర్యలు కొనసాగుతున్నాయి. జిల్లా కలెక్టర్ గౌరవ్ కుమార్, NDRF అధికారి అమృత్ లాల్ మీనా సంఘటనా స్థలంలో ఉండి సహాయక చర్యలను పర్యవేక్షిస్తున్నారు. టన్నెల్‌లో భారీగా నీరు చేరడంతో రెస్క్యూ సిబ్బంది తీవ్ర ఇబ్బందులు ఎదుర్కొంటున్నారు. ఈ ఘటనపై ఉత్తరాఖండ్ ముఖ్యమంత్రి పుష్కర్ సింగ్ ధామి తీవ్ర దిగ్భ్రాంతి వ్యక్తం చేశారు. టన్నెల్‌లో చిక్కుకున్న ప్రతి ఒక్కరినీ సురక్షితంగా బయటకు తీసుకురావడమే తమ అత్యున్నత ప్రాధాన్యత అని, అన్ని సంబంధిత సంస్థలు యుద్ధప్రాతిపదికన సహాయక చర్యలు చేపట్టాలని ఆదేశించినట్లు ఆయన తెలిపారు. ఇరాన్ ముప్పు నుంచి తప్పించుకునేందుకు అలా చేశా: డొనాల్డ్ ట్రంప్

MCRHRDలో ముఖ్యమంత్రి రేవంత్ రెడ్డి గారిని మర్యాదపూర్వకంగా కలిసిన భారత ఆర్మీ సదరన్ కమాండ్ జనరల్ ఆఫీసర్ కమాండింగ్-ఇన్-చీఫ్ లెఫ్టినెంట్ జనరల్ సి. రాజేష్ పుష్కర్.. భేటీలో పాల్గొన్న మంత్రి ఉత్తమ్ కుమార్ రెడ్డి భారత ఆర్మీ చేపట్టే వివిధ నియామకాల్లో తెలంగాణ యువతను ప్రోత్సహించే విధంగా కలిసి పనిచేసేందుకు తెలంగాణ ప్రభుత్వం సిద్ధంగా ఉందని సీఎం తెలియజేశారు. ఆర్మీ నియామకాల్లో స్థానిక యువతకు భారీ అవకాశాలు కల్పించే లక్ష్యంతో ఆసక్తి చూపుతున్న, అనువైన జిల్లా కేంద్రాల్లో శిక్షణా కార్యక్రమాలు నిర్వహించాలని కోరారు దీనికి సానుకూలంగా స్పందిస్తూ దేశ వ్యాప్తంగా నిర్వహించే వివిధ ఆర్మీ రిక్రూట్మెంట్ లకు ముందు ఆయా తెలంగాణ జిల్లా కేంద్రాల్లో యువతకు శిక్షణ కేంద్రాలు ఏర్పాటుకు లెఫ్టినెంట్ జనరల్ రాజేష్ పుష్కర్ సుముఖత వ్యక్తం చేశారు విపత్తు నిర్వహణలో ఆర్మీ పాత్రపై చర్చించిన సీఎం రాష్ట్రంలో వరద ప్రభావిత ప్రాంతాల్లో రెస్క్యూ ఆపరేషన్లు, ప్రజలను సురక్షిత ప్రాంతాలకు తరలించడం, పునరావాస చర్యల్లో ఆర్మీ యంత్రాంగం మరింత క్రియాశీలకంగా వ్యవహరించాలని కోరిన ముఖ్యమంత్రి తెలంగాణలో విపత్తు పరిస్థితుల్లో ప్రత్యేకంగా చొరవ తీసుకోవాలని స్థానిక ఆర్మీ అధికారులను ఆదేశిస్తానన్న లెఫ్టినెంట్ జనరల్ రాజేష్ పుష్కర్ ఈ సందర్భంగా రాష్ట్ర ప్రభుత్వం ప్రతిష్టాత్మకంగా చేపడుతున్న మూసీ నది ప్రక్షాళన ప్రాజెక్టును కొనియాడిన లెఫ్టినెంట్ జనరల్ రాజేష్ పుష్కర్. హైదరాబాద్ నగరాన్ని రక్షించడానికి, కాలుష్యాన్ని తగ్గించడానికి, చారిత్రక వైభవాన్ని తిరిగి తెచ్చేందుకు మూసీ నది పునరుజ్జీవనం అవసరం అని అన్నారు భేటీలో పాల్గొన్న మేజర్ జనరల్ శ్రీనివాస్ రావు, ఇతర ఆర్మీ ఉన్నతాధికారులు

కాళేశ్వరం క్షేత్రానికి వచ్చే భక్తులకు మెరుగైన వసతులు కల్పించేందుకు ప్రభుత్వం రూ. 88 కోట్లు మంజూరు చేసింది. పవిత్రమైన పుష్కరాలను విజయవంతం చేసేలా అధికార యంత్రాంగం ఇప్పటికే క్షేత్రస్థాయిలో ప్రత్యేక కార్యాచరణను అమలు చేస్తోంది.2027 జూన్ 26న ప్రారంభం కానున్న గోదావరి పుష్కరాల కోసం తెలంగాణ ప్రభుత్వం భారీగా నిధులు విడుదల చేసింది. ఈ భారీ పుష్కరాల కోసం ప్రభుత్వం ముందస్తుగానే ప్రణాళికలు సిద్ధం చేసుకుంది. కాళేశ్వరం ఆలయ పునర్నిర్మాణ పనుల కోసం గతంలోనే రూ. 198 కోట్లు మంజూరు చేసిన విషయం తెలిసిందే. అలాగే, ముఖ్యమంత్రి రేవంత్ రెడ్డి క్షేత్రం మొత్తాన్ని అభివృద్ధి చేసేందుకు ప్రత్యేకంగా రూ. 200 కోట్ల నిధులు కేటాయిస్తూ నిర్ణయం తీసుకున్నారు. అష్ట తీర్థాల అభివృద్ధికి ప్రత్యేక ప్రణాళిక కొత్తగా విడుదలైన నిధులలో రూ. 60 కోట్లను కేవలం అష్ట తీర్థాల అభివృద్ధికి కేటాయించినట్లు అధికారులు వెల్లడించారు. గోదావరి నది తీరంలోని ఎనిమిది పవిత్ర స్నాన ఘట్టాలను ఆధునీకరించడంపై ప్రభుత్వం ప్రత్యేక దృష్టి సారించింది. దీంతో భక్తులకు పుణ్యస్నానాలు ఆచరించడంలో ఎటువంటి ఇబ్బందులు లేకుండా అధికారులు పటిష్టమైన చర్యలు చేపడుతున్నారు. ఇదిలా ఉండగా, సరస్వతి ఘాట్ నుండి జనరల్ ఘాట్ వరకు సుమారు 800 మీటర్ల పొడవునా అత్యాధునిక ఘాట్ల నిర్మాణానికి ప్రతిపాదనలు సిద్ధమయ్యాయి. అన్నారం, చంద్రపల్లి గ్రామాల మధ్య చంద్రపల్లి వాగుపై కొత్తగా లో-లెవల్ వంతెనను నిర్మించాలని ప్రభుత్వం నిర్ణయించింది. ఈ వంతెన అందుబాటులోకి వస్తే భక్తుల రాకపోకలు మరింత సులభతరం కానున్నాయి. సందడిని తగ్గించేలా రవాణా వ్యవస్థ మెరుగు మరోవైపు, పాతబడిన 44 ఏళ్ల నాటి ఆలయ నిర్మాణాలను కూల్చివేసి కొత్తగా గర్భగుడి, శుభానంద, సరస్వతి ఆలయాలను నిర్మిస్తున్నారు. భారీగా వచ్చే భక్తుల రద్దీని తట్టుకునేలా ప్రధాన రహదారులను వెడల్పు చేయడంతో పాటు ప్రత్యామ్నాయ మార్గాలను సిద్ధం చేస్తున్నారు. ఈ నేపథ్యంలోనే వర్షాకాలం దృష్టిలో ఉంచుకొని పార్కింగ్ కోసం ప్రత్యేక స్థలాలను కేటాయించాలని అధికారులు నిర్ణయించారు

ముఖ్యమంత్రి రేవంత్‌ రెడ్డిని భారత ఆర్మీ సదరన్ కమాండ్ జనరల్ ఆఫీసర్ కమాండింగ్-ఇన్-చీఫ్ లెఫ్టినెంట్ జనరల్ సి.రాజేష్ పుష్కర్ మర్యాదపూర్వకంగా కలిశారు. హైదరాబాద్, ఆగస్టు 12: ముఖ్యమంత్రి రేవంత్‌ రెడ్డిని భారత ఆర్మీ సదరన్ కమాండ్ జనరల్ ఆఫీసర్ కమాండింగ్-ఇన్-చీఫ్ లెఫ్టినెంట్ జనరల్ సి.రాజేష్ పుష్కర్ మర్యాదపూర్వకంగా కలిశారు. భారత ఆర్మీ చేపట్టే వివిధ నియామకాల్లో తెలంగాణ యువతను ప్రోత్సహించే విధంగా కలిసి పనిచేసేందుకు రాష్ట్ర ప్రభుత్వం సిద్ధంగా ఉందని ఈ సందర్భంగా సీఎం తెలియజేశారు. ఆర్మీ నియామకాల్లో స్థానిక యువతకు భారీ అవకాశాలు కల్పించే లక్ష్యంతో ఆసక్తి చూపుతున్న, అనువైన జిల్లా కేంద్రాల్లో శిక్షణా కార్యక్రమాలు నిర్వహించాలని కోరారు. దీనిపై లెఫ్టినెంట్ జనరల్ రాజేష్ పుష్కర్ సానుకూలంగా స్పందించారు. దేశ వ్యాప్తంగా నిర్వహించే వివిధ ఆర్మీ రిక్రూట్మెంట్‌లకు ముందు ఆయా తెలంగాణ జిల్లా కేంద్రాల్లో యువతకు శిక్షణ కేంద్రాల ఏర్పాటుకు సుముఖత వ్యక్తం చేశారు. అలాగే, విపత్తు నిర్వహణలో ఆర్మీ పాత్రపైనా సీఎం చర్చించారు. రాష్ట్రంలో వరద ప్రభావిత ప్రాంతాల్లో రెస్క్యూ ఆపరేషన్లు, ప్రజలను సురక్షిత ప్రాంతాలకు తరలించడం, పునరావాస చర్యల్లో ఆర్మీ యంత్రాంగం మరింత క్రియాశీలకంగా వ్యవహరించాలని కోరారు. తెలంగాణలో విపత్తు పరిస్థితుల్లో ప్రత్యేకంగా చొరవ తీసుకోవాలని స్థానిక ఆర్మీ అధికారులను ఆదేశిస్తామని లెఫ్టినెంట్ జనరల్ రాజేష్ పుష్కర్ తెలిపారు. ఈ సందర్భంగా రాష్ట్ర ప్రభుత్వం ప్రతిష్ఠాత్మకంగా చేపడుతున్న మూసీ నది ప్రక్షాళన ప్రాజెక్టును లెఫ్టినెంట్ జనరల్ రాజేష్ పుష్కర్ కొనియాడారు. హైదరాబాద్ నగరాన్ని రక్షించడానికి, కాలుష్యాన్ని తగ్గించడానికి, చారిత్రక వైభవాన్ని తిరిగి తెచ్చేందుకు మూసీ నది పునరుజ్జీవనం అవసరమని పేర్కొన్నారు. ఈ భేటీలో మంత్రి ఉత్తమ్ కుమార్ రెడ్డి, మేజర్ జనరల్ శ్రీనివాస్ రావు, ఇతర ఆర్మీ ఉన్నతాధికారులు పాల్గొన్నారు. మేడ్చల్‌ కోల్డ్ రష్ లాజిస్టిక్స్ గోదాంలో అగ్నిప్రమాదం.. ఎగిసిపడుతున్న మంటలు వికారాబాద్-కృష్ణా రైల్వే లైన్‌కు అనుమతులివ్వండి.. కేంద్ర మంత్రిని కోరిన కాంగ్రెస్ ఎంపీలు

ఏపీ, తమిళనాడులోని రెండు ప్రఖ్యాత పుణ్యక్షేత్రాలు.. తిరుపతి- అరుణాచలం (తిరువణ్ణామలై) జాతీయ రహదారి అభివృద్ధి ప్రాజెక్టు మరింత వేగవంతం కానుంది. ఈ రహదారిని మరింత ఆధునీకరించి, ఫోర్ లేన్ గా విస్తరించడం వల్ల భక్తుల ప్రయాణ సమయం భారీగా తగ్గడంతో పాటు సురక్షిత ప్రయాణాన్ని కల్పించాలనే ప్రయత్నాలకు వైఎస్ఆర్ కాంగ్రెస్ పార్టీ లోక్ సభ సభ్యులు తెర తీశారు.రోడ్డు భద్రతా ప్రమాణాలను మెరుగుపరిచే ఈ ప్రతిపాదనపై వైఎస్ఆర్సీపీకి చెందిన తిరుపతి, కడప ఎంపీలు డాక్టర్ మద్దిల గురుమూర్తి, వైఎస్ అవినాష్ రెడ్డి ఈ మధ్యాహ్నం దేశ రాజధానిలో కేంద్ర రవాణా, జాతీయ రహదారుల శాఖ మంత్రి నితిన్ గడ్కరీని కలిశారు. ఓ వినతిపత్రాన్ని అందజేశారు. ఆ సమయంలో వారి వెంట డీఎంకేకు చెందిన తిరువణ్ణామలై ఎంపీ సీఎన్ అన్నాదురై కూడా ఉన్నారు. తిరుపతి- తిరువణ్ణామలై రోడ్డు ప్రాముఖ్యత గురించి గడ్కరీకి వివరించారు.తిరుపతి, కాణిపాకం, వేలూరు, తిరువణ్ణామలై వంటి ప్రముఖ ఆధ్యాత్మిక ప్రాంతాలను సందర్శించడానికి నిత్యం వేలాదిమంది భక్తులు రాకపోకలు సాగిస్తుంటారని ఎంపీలు ఈ సందర్భంగా గుర్తుచేశారు. ఆయా రాష్ట్రాల భక్తులకు తిరుపతి- తిరువణ్ణామలై మార్గం ఎంతో కీలకమని పేర్కొన్నారు. రెండు రాష్ట్రాల భక్తులు, ఇతర వాహనదారులు ఈ రహదారిని వినియోగిస్తోన్నారని, ఈ క్రమంలో వాహనాల సంఖ్య అంచనాలకు మించి పెరిగిపోతోందని చెప్పారు.ఏపీ, తెలంగాణ మీదుగా తమిళనాడుకు నూతన అమృత్ భారత్ ఎక్స్‌ప్రెస్‌- హాల్ట్ స్టేషన్లుపెరుగుతున్న వాహనాల రాకపోకలకు అనుగుణంగా రహదారిని అభివృద్ధి చేయాల్సిన అవసరం ఉందని గురుమూర్తి, వైఎస్ అవినాష్ రెడ్డి, అన్నాదురై.. నితిన్ గడ్కరీకి వివరించారు. ఇప్పుడున్న సమస్యలను ఆయన దృష్టికి తీసుకెళ్లారు. రహదారి విస్తరణ, అవసరమైన ప్రాంతాల్లో అభివృద్ధి పనులు చేపట్టడం, ప్రయాణ సమయాన్ని తగ్గించడం, వాహనదారులకు మెరుగైన భద్రత కల్పించేలా రహదారి ప్రమాణాలను పెంచడం వంటి అంశాలను ఎంపీలు ప్రస్తావించారు.FCRA Bill పై కేంద్రం కీలక నిర్ణయం: ఇక అన్నింటికీ తెర దించినట్టే.. !!ఈ మార్గం అభివృద్ధి చెందితే ఏపీ

ఉత్తరాఖండ్‌లో చార్‌ధామ్ యాత్రకు భక్తులు పోటెత్తుతున్నారు. వర్షాకాలం కారణంగా సవాళ్లు ఎదురవుతున్నప్పటికీ, యాత్రికుల సంఖ్య రికార్డు స్థాయిలో నమోదవుతోంది. ఈ యాత్రా సీజన్ ప్రారంభమైన 114 రోజుల్లోనే మొత్తం 47,02,703 మంది భక్తులు పవిత్ర పుణ్యక్షేత్రాలను దర్శించుకున్నారు. గతేడాది ఇదే సమయంతో పోలిస్తే ఇది 4,68,556 అధికం కావడం విశేషం. ఈ ఏడాది యాత్ర సరికొత్త రికార్డును నెలకొల్పే దిశగా సాగుతోంది.భక్తుల భద్రతే తమ ప్రభుత్వ ప్రథమ ప్రాధాన్యమని ఉత్తరాఖండ్ ముఖ్యమంత్రి పుష్కర్ సింగ్ ధామి స్పష్టం చేశారు. ప్రతికూల వాతావరణ పరిస్థితుల్లోనూ యాత్ర సజావుగా సాగేలా అన్ని సంబంధిత శాఖలు అప్రమత్తంగా ఉండాలని ఆయన ఆదేశించారు. ఏదైనా అత్యవసర పరిస్థితి తలెత్తితే తక్షణమే సహాయక చర్యలు చేపట్టేందుకు విపత్తు నిర్వహణ బృందాలు 24 గంటలూ సిద్ధంగా ఉండాలని సూచించారు. రాష్ట్ర విపత్తు నియంత్రణ గది నుంచి ఆయన స్వయంగా పరిస్థితులను పర్యవేక్షిస్తున్నారు. వాతావరణం అనుకూలించనప్పుడు ప్రభుత్వం యాత్రికుల కదలికలను నియంత్రిస్తూ, యాత్రను తాత్కాలికంగా నిలిపివేస్తోంది. సోమవారం వాతావరణం అనుకూలించకపోయినా 15,376 మంది భక్తులు చార్‌ధామ్‌ను సందర్శించారు.ఈ యాత్రలో భాగంగా బద్రీనాథ్ క్షేత్రానికి అత్యధికంగా 16,12,112 మంది భక్తులు తరలివచ్చారు. ఆ తర్వాత కేదార్‌నాథ్‌ను 14,50,116 మంది, గంగోత్రిని 7,37,629 మంది, యమునోత్రిని 6,62,347 మంది దర్శించుకున్నారు. వీరే కాకుండా, హేమకుండ్ సాహిబ్‌ను 2,40,499 మంది భక్తులు సందర్శించారు. గతేడాదితో పోలిస్తే ఒక్క బద్రీనాథ్‌లోనే 3.5 లక్షల మందికి పైగా అదనపు యాత్రికులు వచ్చినట్టు అధికారులు తెలిపారు.గంగోత్రి, యమునోత్రి ఆలయాల ద్వారాలను ఏప్రిల్ 19న తెరవడంతో ఈ

పుష్కర ఎత్తిపోతల పథకం పైప్‌లైన్ పనులపై మంత్రి నిమ్మల రామానాయుడు వీడియో కాన్ఫరెన్స్ నిర్వహించారు. పనులు వేగవంతంగా జరగకపోవడంపై అధికారులు, ఏజెన్సీ ప్రతినిధులపై నిమ్మల తీవ్ర ఆగ్రహం వ్యక్తం చేశారు. విజ‌య‌వాడ‌, ఆగస్టు 12: పుష్కర ఎత్తిపోతల పథకం పైప్‌లైన్ పనులపై మంత్రి నిమ్మల రామానాయుడు ఈరోజు(బుధవారం) వీడియో కాన్ఫరెన్స్ నిర్వహించారు. ఇటీవలే పుష్కర ఎత్తిపోతల పైప్‌లైన్ పనులకు సంబంధించి వర్క్ షెడ్యూల్‌ను సీఎం చంద్రబాబుకు అధికారులు, ఏజెన్సీల ప్రతినిధులు అందజేశారు. ఈ క్రమంలో షెడ్యూల్ ప్రకారం పనుల జరుగుతున్నాయో లేదో పరిశీలించి, మంత్రి నిమ్మలకు ఇరిగేషన్ అడ్వైజర్ వెంకటేశ్వరరావు రిపోర్ట్ అందించారు. అయితే, పనులు వేగంగా జరగకపోవడంపై అధికారులు, ఏజెన్సీ ప్రతినిధులపై నిమ్మల తీవ్ర ఆగ్రహం వ్యక్తం చేశారు. షెడ్యూల్ ప్రకారం ఏజెన్సీ పనులను పూర్తి చేయకుండా నిర్లక్ష్యం వహిస్తే.. కాంట్రాక్టర్లపై క్రిమినల్ కేసులు నమోదు చేసి జైలుకు పంపించడానికి కూడా వెనుకాడవద్దని కలెక్టర్, ఎస్పీలను మంత్రి ఆదేశించారు. పనుల్లో అలసత్వంపై ఈఈకి మెమో ఇవ్వాలని ఈఎన్సీకి ఆదేశాలు జారీ చేశారు. ఎల్‌నినో వంటి క్లిష్ట పరిస్థితుల్లో ప్రతి నీటి చుక్కా, ఎంతో జాగ్రత్తగా కాపాడుకోవాలని చంద్రబాబు ఆదేశించారని చెప్పారు. పుష్కర లిఫ్ట్ స్కీం పైప్‌లైన్ పనులకు సంబంధించి, ప్రతి రోజూ వర్క్ ప్రోగ్రెస్ ఇవ్వాలని అధికారులను ఆదేశించారు. ఈనెలాఖరున సీఎం చంద్రబాబు.. పోలవరం ఎడమ కాలువ ద్వారా అనకాపల్లి వరకు వెళ్లేలా గోదావరి జలాలను విడుదల చేస్తారని ఈ సందర్భంగా మంత్రి నిమ్మల రామానాయుడు పేర్కొన్నారు. ఈ వీడియో కాన్ఫరెన్స్‌లో పోలవరం జిల్లా కలెక్టర్, ఎస్పీ, ఇరిగేషన్ అడ్వైజర్ వెంకటేశ్వరరావు, ఈఎన్సీ నరసింహ మూర్తి, ఈఈలు, కాంట్రాక్టు ఏజెన్సీల ప్రతినిధులు పాల్గొన్నారు. దోమల నివారణకు పురుగుమందు పిచికారీ.. కాసేపటికే ఇద్దరి మృతి విశాఖలో నీటి కొరతపై ముందస్తు చర్యలు: జీవీఎంసీ కమిషనర్ కేతన్ గార్గ్

పాన్ ఇండియా మార్కెట్ వచ్చాక అల్లు అర్జున్‌లో మార్పు మొదలైందా..? ఆ రేంజ్ కాపాడుకోవడానికి మామూలు కథల వైపు చూడటమే మానేశారా..? రొటీన్ కమర్షియల్ సినిమాలకు గుడ్ బై చెప్పి లార్జర్ దెన్ లైఫ్ కాన్సెప్ట్స్‌లకే ఓటేస్తున్నారా..? బన్నీ సెట్ చేసుకున్న ఫ్యూచర్ లైనప్ చూస్తుంటే ఇదే అనిపిస్తుంది. అసలు అల్లు వారబ్బాయి చేయబోయే ఆ సినిమాలేంటి.. వాటి జానర్స్ ఏంటి..? పుష్పతో దేశవ్యాప్తంగా సంచలనం సృష్టించిన అల్లు అర్జున్.. ఇప్పుడు తన ఆ ఇమేజ్ కాపాడుకునే పనిలో పడ్డారు. అందుకే గతంలోలా కమర్షియల్ ఫార్ములా కథలకు దూరంగా ఉంటూ.. వీలైనంత వరకు సరికొత్త ప్రయోగాలు చేస్తున్నారు. తన స్టార్ డమ్‌కు తగ్గట్లుగా భిన్నమైన జోనర్స్ ఎంచుకుంటూ.. బాలీవుడ్ హీరోలకు సైతం వణుకు పుట్టించేలా ఫ్యూచర్ ప్రాజెక్ట్స్ ప్లాన్ చేసుకుంటున్నారు. ఇప్పటికే అట్లీతో బన్నీ చేస్తున్న AA22 ప్రాజెక్ట్‌పై దేశవ్యాప్తంగా భారీ అంచనాలున్నాయి. ఇది పూర్తిగా టైమ్ ట్రావెల్ కాన్సెప్ట్‌తో నడిచే సైన్స్ ఫిక్షన్ కథ అని తెలుస్తుంది. లార్జెర్ దెన్ లైఫ్ క్యారెక్టరైజేషన్‌తో వస్తున్న ఈ సినిమాని ఏకంగా 600 కోట్లతో సన్ పిక్చర్స్ నిర్మిస్తుంది. ఈ సినిమా షూటింగ్ వేగంగా జరుగుతుంది. ఎక్కువగా ముంబైలోనే షూట్ చేస్తున్నారు అట్లీ. మాస్ ఆడియన్స్‌కు పూనకాలు తెప్పించే లోకేష్ కనకరాజ్‌తోనూ ఓ సినిమా చేస్తున్నారు బన్నీ. ఇది అడవి నేపథ్యంలో సాగే ఒక ఉత్కంఠభరితమైన అడ్వెంచరస్ థ్రిల్లర్. అందుకే మోషన్ పోస్టర్‌లో అడవితో పాటు సింహాన్ని హైలైట్ చేసారు మేకర్స్. 300 కోట్ల బడ్జెట్‌తో ఈ సినిమాను మైత్రి మూవీ మేకర్స్ నిర్మించబోతున్నారు. హైదరాబాద్‌లోనే AA23 ప్రీ ప్రొడక్షన్ పనులు మొదలయ్యాయి. ‘మిన్నల్ మురళి’ ఫేమ్ బాసిల్ జోసెఫ్‌తోనూ సినిమా చేయబోతున్నారు బన్నీ. బడ్జెట్ పరిమితులేం పెట్టుకోకుండా సూపర్ హీరో కాన్సెప్ట్‌తో గీతా ఆర్ట్స్ ఈ సినిమాను నిర్మించబోతుంది. ఇప్పటికే పక్కాగా స్క్రిప్ట్ లాక్ అయింది కూడా. ఇలా వరుసగా టైమ్ ట్రావెల్, అడ్వెంచరస్

చేతిలో గొడ్డలి.. ఒంటిపై పుష్పరాజ్‌ గెటప్‌.. నోట ‘తగ్గేదేలే’ డైలాగ్‌! ఝార్ఖండ్‌ రాజధాని రాంచీలో పేపర్‌ లీక్‌కు వ్యతిరేకంగా జరుగుతున్న విద్యార్థుల ఆందోళనలో మహారాష్ట్రకు చెందిన ఓ వ్యక్తి ప్రత్యేక ఆకర్షణగా నిలిచాడు. విద్యార్థుల డిమాండ్లకు మద్దతుగా పుష్ప గెటప్‌లో వచ్చి అందరి దృష్టినీ ఆకట్టుకున్నాడు.పేపర్‌ లీక్‌లను అడ్డుకోవాలని, డబ్బున్నవాళ్లకే ఉద్యోగాలు దక్కడం అన్యాయమని ఆవేదన వ్యక్తం చేశాడు. విద్యార్థులకు న్యాయం జరగాలనే ఉద్దేశంతోనే నిరసనలో పాల్గొన్నట్లు చెప్పాడు. ఆందోళన శాంతియుతంగా సాగుతుండటంతో తాను మద్దతుగా నిలిచానని తెలిపాడు. విద్యార్థుల డిమాండ్లలో న్యాయం ఉందని, ప్రభుత్వం వాటిని నెరవేర్చాలని కోరాడు.చివర్లో పుష్ప స్టైల్‌లో ‘డిమాండ్లు నెరవేరే వరకు విద్యార్థులు తగ్గేదేలే’ అంటూ చెప్పిన డైలాగ్‌ అక్కడున్న వారిని ఆకట్టుకుంది.ఇక తన గెటప్‌ వెనుక మరో ఆసక్తికరమైన విషయం ఉందని అతడు చెప్పాడు. తాను అల్లు అర్జున్‌కు పెద్ద అభిమానినని తెలిపాడు. పుష్ప-2 విడుదలైనప్పటి నుంచి పుష్పరాజ్‌ గెటప్‌లోనే ఉంటున్నట్లు చెప్పాడు. పుష్ప-3 వచ్చే వరకు ఇదే గెటప్‌లో కనిపిస్తానని వెల్లడించాడు.ముంబయి సహా పలు నగరాల్లో పుష్ప గెటప్‌లో షోలు కూడా చేస్తుంటానని చెప్పాడు. అయితే ఈసారి తన గెటప్‌ వినోదం కోసం కాదు.. విద్యార్థుల పోరాటానికి మద్దతు తెలిపేందుకేనని స్పష్టం చేశాడు

తిరుమలలో భక్తుల రద్దీ కొనసాగుతోంది. వరుస సెలవులతో భక్తులు పెద్ద సంఖ్యలో తరలి వచ్చారు. అన్ని కంపార్టుమెంట్ల లో భక్తులు వేచి ఉన్నారు. టోకెన్ లేని భక్తులకు శ్రీవారి సర్వదర్శనానికి 20 గంటల సమయం పడుతోంది. కాగా, టీటీడీ శ్రీవారి భక్తులకు అరుదైన అవకాశం కల్పించింది. ఒకే రోజు రెండు సార్లు శ్రీవారిని దర్శించుకునేందుకు వీలుగా నిర్ణయం తీసుకుంది. వెయ్యి మంది భక్తులకు మాత్రమే ఈ వెసులుబాటు దక్కనుంది. ఇందుకు సంబంధించిన మార్గదర్శకాలు ఖరారయ్యాయి. ఈ అవకాశం ఎలా దక్కించుకోవాలో అధికారులు స్పష్టం చేస్తున్నారు.తిరుమలలో శ్రీవారిని ఒక్క సారి దర్శించుకుంటే చాలు. ఆ దర్శనం కోసం లక్షలాది మంది భక్తులు నిత్యం తిరుమలకు తరలి వస్తూ ఉంటారు. ఆ భక్తులకు ఒకే రోజు ఒకే టికెట్ పై రెండు సార్లు దర్శనం లభిస్తే అంతకంటే సంతోషం మరి ఏదీ ఉండదు. కాగా, ఇప్పుడు టీటీడీ అలాంటి అవకాశమే కల్పిస్తోంది. ఒకే టికెట్‌తో ఒకేరోజు రెండు సార్లు శ్రీవారిని దర్శించు కునే అవకాశం భక్తులకు కల్పిస్తోంది. తిరుమల శ్రీవారి ఆలయంలో ఈ ఏడాది నవంబర్ 16న పుష్పయాగ మహోత్సవం నిర్వహించనున్నారు. ఈ సందర్భంగా నిర్వహించే ఆర్జిత సేవకు సంబంధించిన టికెట్లను టీటీడీ ఈ నెల 21న విడుదల చేయనుంది. టికెట్ ధర రూ.700గా నిర్ణయించారు. ఒక్క టికెట్‌పై గరిష్ఠంగా ఇద్దరు భక్తులు ఈ సేవ కోసం బుక్ చేసుకునే అవకాశం ఉంటుంది. అయితే, మొత్తం ఈ పుష్పయాగం సేవకు సుమారు వెయ్యి టికెట్లు మాత్రమే అందుబాటులో ఉంచు తారు. టికెట్లను కేవలం ఆన్‌లైన్‌లో మాత్రమే బుక్ చేసుకోవాల్సి ఉంటుంది.వందే భారత్ డబుల్ డెక్కర్ రైలు వచ్చేస్తోంది - తొలిగా ఈ మార్గంలోనే..!!ఒకే రోజు రెండు సార్లు శ్రీవారి దర్శనంకాగా, శ్రీవారి బ్రహ్మోత్సవాల్లో అర్చకులు, ఉద్యోగులు, భక్తుల వల్ల జరిగే అనుకోని దోషాల నివారణకు పుష్పయాగం నిర్వహించడం ఆనవాయితీగా వస్తుంది. ఆ రోజుకు టికెట్ పొందిన భక్తులు

ఐకాన్ స్టార్ అల్లు అర్జున్ విశాఖపట్నంలో సందడి చేశారు. నగరంలోని ఇనార్బిట్ మాల్‌లో కొత్తగా ఏర్పాటు చేసిన ఏఏఏ సినిమాస్ మల్టీప్లెక్స్‌ను ఆయన ఘనంగా ప్రారంభించారు. ఈ కార్యక్రమానికి అల్లు అర్జున్‌ను చూసేందుకు అభిమానులు భారీ సంఖ్యలో తరలివచ్చారు. అయితే, ఈ పర్యటనలో అల్లు అర్జున్ ప్రయాణించిన 'AP 40 LE 1' నంబరు గల ల్యాండ్ క్రూయిజర్ కారు ఇప్పుడు సోషల్ మీడియాలో హాట్ టాపిక్‌గా మారింది. ఇటీవలే మెగా పవర్‌స్టార్ రాంచరణ్ తన ఏపీ పర్యటనలోనూ ఇదే కారును ఉపయోగించడంతో ఇది ఎవరిదనే దానిపై సర్వత్రా ఆసక్తి నెలకొంది.సోషల్ మీడియాలో అభిమానులు ఆరా తీయగా, ఈ కారు మెగాస్టార్ చిరంజీవికి అత్యంత సన్నిహితుడు, భీమిలి ఎమ్మెల్యే గంటా శ్రీనివాసరావుది అని తేలింది. మెగా కుటుంబ సభ్యులు విశాఖకు వచ్చినప్పుడు గంటానే వారికి అన్ని ఏర్పాట్లు చూసుకుంటారని, అందులో భాగంగానే ఆయన తన కారును రాంచరణ్, అల్లు అర్జున్‌ల కోసం పంపారని స్పష్టమైంది. జూన్‌లో మంగళగిరిలో జరిగిన ఏపీఎల్ మ్యాచ్ ప్రారంభోత్సవానికి రాంచరణ్ ఇదే కారులో రావడం గమనార్హం.ఏఏఏ సినిమాస్ ప్రారంభోత్సవ కార్యక్రమంలో అల్లు అర్జున్‌తో పాటు నిర్మాతలు అల్లు అరవింద్, సునీల్ నారంగ్, ఎమ్మెల్యేలు గంటా శ్రీనివాసరావు, పి.విష్ణుకుమార్ రాజు పాల్గొన్నారు. మొత్తం ఎనిమిది స్క్రీన్లతో నిర్మించిన ఈ మల్టీప్లెక్స్‌లో ప్రస్తుతం ఏడు స్క్రీన్లను ప్రారంభించగా, త్వరలోనే మరొకటి అందుబాటులోకి రానుంది. మధ్యాహ్నం 1 గంటకు మాల్‌కు చేరుకున్న బన్నీ, దాదాపు రెండు గంటల పాటు అక్కడే ఉన్నారు.అల్లు అర్జున్ రాకతో విమానాశ్రయం నుంచి

Beechupalli: ఏం గుండె సామీ నీది.. ఏకంగా మొసలి ముందు కూర్చొని పూజారి పూజలు! బీచుపల్లి: జోగులాంబ గద్వాల జిల్లాలోని బీచుపల్లి కృష్ణా నది పుష్కర ఘాట్ వద్ద ఆసక్తికర ఘటన చోటుచేసుకుంది. నదిలో ఉండాల్సిన మొసలి ఏకంగా పుష్కర ఘాట్ సమీపానికి రావడం భయాందోళనకు గురిచేసింది. పుష్కర ఘాట్ కు వచ్చిన వారు మొసలిని చూసి ఒక్కసారిగా ఉలిక్కిపడ్డారు. అయితే ఆ తర్వాత జరిగిన పరిణామాలు అందరిని ఆశ్చర్యానికి గురిచేశాయి. ఆదివారం, వరుస సెలవులు కావడంతో బీచుపల్లి కృష్ణా నది పుష్కర ఘాట్ కు సందర్శకులు, భక్తులు తరలివచ్చారు. నది ఓడ్డున ఉన్న ఆంజనేయస్వామి ఆలయాన్ని దర్శించుకుని… పక్కనే కృష్ణమ్మ పరవళ్లను తిలకిస్తున్నారు. అయితే ఇంతలోనే ఓ అనుకోని అతిథిలా.. ఓ మొసలి నదిలో నుంచి పుష్కర్ ఘాట్ కు వచ్చింది. అది చూసిన కొంతమంది ఒక్కసారిగా భయాందోళనకు గురయ్యారు. అక్కడి నుంచి నేరుగా ఓ భవనంలోకి వచ్చింది. విషయం తెలుసుకున్న పుష్కర ఘాట్ పురోహితుడు అనిల్ శర్మ అందరినీ ఆశ్చర్యానికి గురిచేశాడు. మొసలి ముందు కూర్చొని మంత్రాలు జపిస్తూ పూజలు చేయడం ప్రారంభించాడు. కుంకుమ, పసుపు, పుష్పాలతో అభిషేకం చేశాడు. మొసలి వరుణ దేవుడి వాహనమని అనిల్ శర్మ తెలిపారు. సమృద్ధిగా వర్షాలు కురవాలని పాడి, పంటలతో ప్రజలు సుభిక్షంగా ఉండాలని కోరుకుంటూ పూజలు చేసినట్లు ఆయన తెలిపారు

ప్రపంచవ్యాప్తంగా నెలకొన్న ఆర్థిక మందగమనం, భౌగోళిక రాజకీయ అనిశ్చిత పరిస్థితుల మధ్య బంగారం ధరలు హాట్ టాపిక్‌గా మారాయి. సురక్షితమైన పెట్టుబడిగా భావించే పసిడికి అంతర్జాతీయంగా డిమాండ్ ఊహించని రీతిలో పెరుగుతోంది. కొనుగోలుదారుల నుంచి భారీగా డిమాండ్ లభిస్తోంది. గత వారంలోనే పసిడి ధరలు ఏకంగా ఏడు శాతం మేర పెరగడం ప్రాధాన్యతను సంతరించుకుంది. అదే ట్రెండ్ వచ్చే వారం కూడా కొనసాగడం ఖాయంగా కనిపిస్తోంది.బంగారం ధరలు ఈ స్థాయిలో పెరగడం గత ఎనిమిది నెలల కాలంలో ఇదే మొదటిసారి. మొన్నటివరకు భయపెట్టిన ముడి చమురు ధరలు నెమ్మదించడం, అంతర్జాతీయ రుణ మార్కెట్లల్లో అమెరికా ఫెడరల్ రిజర్వ్ వడ్డీ రేట్ల తగ్గింపుపై ఉన్న బలమైన అంచనాలు ఈ రికార్డు పరుగుకు ప్రధాన కారణాలుగా నిలిచాయి. దీనికి తోడు విభిన్న దేశాల్లో సెంట్రల్ బ్యాంకుల్లో ఫండ్స్ పెరగడం కూడా బులియన్ మార్కెట్ కు ఊపును ఇచ్చాయి.దేశ రాజధానిలో 24 క్యారెట్ల 10 గ్రాముల బంగారం ధర రూ. 1,52,550, 22 క్యారెట్లు రూ. 1,39,850 పలికింది. వెండి కిలో రూ. 2,45,000 వద్ద ట్రేడ్ అయింది. ఆర్థిక రాజధాని ముంబైలో 24 క్యారెట్ల బంగారం 10 గ్రాములకు రూ. 1,52,350, 22 క్యారెట్లు రూ. 1,39,650 వద్ద స్థిరపడింది. ఇక్కడ వెండి కిలో 2,45,000 రూపాయలుగా నమోదైంది. చెన్నైలో 10 గ్రాముల 24 క్యారెట్ల బంగారం రూ. 1,51,640, 22 క్యారెట్లు 1,39,000 కాగా వెండి కిలో రూ. 2,50,000 వద్ద ట్రేడ్ అయింది. బెంగళూరు, హైదరాబాద్ లల్లో 24 క్యారెట్ల బంగారం 10 గ్రాములకు 1,52,350, 22 క్యారెట్లు రూ. 1,39,650 వద్ద లభించగా.. వెండి కిలో రూ. 2,49,000లకు చేరింది.ఏపీ మీదుగా తమిళనాడు వైపు ప్రత్యేక రైళ్లు- హాల్ట్ స్టేషన్లు: బుకింగ్ ఓపెన్వివిధ నగరాల్లో నేడు నమోదైన బంగారం రేట్లు ఒక గ్రాముకు ఇలా ఉన్నాయి.చెన్నై..24 క్యారెట్లు- రూ. 15,164, 22 క్యారెట్లు

Tirumala Tirupati Devasthanam : కలియుగ ప్రత్యక్ష దైవం తిరుమల శ్రీ వేంకటేశ్వర స్వామివారిని దర్శించుకునేందు ప్రతీరోజు పెద్ద సంఖ్యలో భక్తులు తిరుమల కొండకు వెళ్తుంటారు. తెలుగు రాష్ట్రాల నుంచే కాకుండా దేశంలోని పలు ప్రాంతాల నుంచి, విదేశాల నుంచి భక్తులు తరలివచ్చి స్వామివారి దర్శనం చేసుకుంటారు. అయితే, ప్రతీరోజూ ఒకేసారి స్వామివారి దర్శనభాగ్యం కలుగుతుంది. అయితే, భక్తులకు తిరుమల తిరుపతి దేవస్థానం (టీటీడీ) అరుదైన అవకాశం కల్పించనుంది. ఒకే టికెట్‌తో ఒకేరోజు రెండు సార్లు శ్రీవారిని దర్శించుకునే అవకాశం భక్తులకు కల్పిస్తోంది. తిరుమల శ్రీవారి ఆలయంలో ఈ ఏడాది నవంబర్ 16న పుష్పయాగ మహోత్సవం నిర్వహించనున్నారు. ఈ సందర్భంగా నిర్వహించే ఆర్జిత సేవకు సంబంధించిన టికెట్లను టీటీడీ ఈ నెల 21న విడుదల చేయనుంది. టికెట్ ధర రూ.700గా నిర్ణయించారు. ఒక్క టికెట్‌పై గరిష్ఠంగా ఇద్దరు భక్తులు సేవను బుక్ చేసుకునే అవకాశం ఉంటుంది. అయితే, మొత్తం ఈ పుష్పయాగం సేవకు సుమారు వెయ్యి టికెట్లు మాత్రమే అందుబాటులో ఉంచనున్నారు. టికెట్లను కేవలం ఆన్‌లైన్‌లో మాత్రమే బుక్ చేసుకోవాల్సి ఉంటుంది. శ్రీవారి బ్రహ్మోత్సవాల్లో అర్చకులు, ఉద్యోగులు, భక్తుల వల్ల జరిగే అనుకోని దోషాల నివారణకు పుష్పయాగం నిర్వహించడం ఆనవాయితీగా వస్తుంది. ఆ రోజుకు టికెట్ పొందిన భక్తులు స్వామివారిని రెండు సార్లు దర్శనం చేసుకొనే అవకాశం ఉంటుంది. ఉదయం 6గంటలకు సుపథం మార్గం ద్వారా ఆలయంలోకి ప్రవేశించాలి. ఆలయ ప్రాంగణంలోని కల్యాణ మండపంలో నిర్వహించే అభిషేక సేవలో పాల్గొన్న అనంతరం శ్రీవారిని దర్శించుకోవచ్చు. అనంతరం మధ్యాహ్నం 12.30 గంటలకు మరోసారి సుపథం మార్గం ద్వారా ఆలయంలోకి ప్రవేశించాలి. మధ్యాహ్నం 2గంటల నుంచి సాయంత్రం 5గంటల వరకు శ్రీదేవి, భూదేవి సమేత శ్రీ మలయప్ప స్వామివారికి నిర్వహించే పుష్పయాగ మహోత్సవంలో పాల్గొనే అవకాశం ఉంటుంది. పుష్పయాగం అనంతరం భక్తులను స్వామివారి దర్శనానికి అనుమతిస్తారు. అంటే.. రూ.700 టికెట్ తో భక్తులు ఒకేరోజు ఉదయం, మధ్యాహ్నం

టీమ్ ఇండియా స్టార్ వికెట్‌కీపర్ బ్యాటర్ రిషభ్ పంత్ తన స్వస్థలమైన ఉత్తరాఖండ్‌లో ఇల్లు నిర్మించుకోవడానికి భూమి కావాలని కోరారు. ఈ విషయమై ఆయన రాష్ట్ర ముఖ్యమంత్రి పుష్కర్ సింగ్ ధామీకి అర్థరాత్రి వేళ ప్రత్యక్షంగా విజ్ఞప్తి చేశారు. ఢిల్లీ నుంచి తన బేస్‌ను స్వంత రాష్ట్రానికి మార్చుకోవాలని అనుకుంటున్నట్లు ఆయన ఎక్స్ వేదికగా ఒక పోస్ట్ చేశారు. మూడేళ్లుగా ప్రయత్నిస్తున్నా సరైన స్థలం దొరకలేదని ఆయన తన ఆవేదనను వ్యక్తం చేశారు. దీనిపై సీఎం పుష్కర్ సింగ్ ధామీ వెంటనే స్పందిస్తూ నిబంధనలకు లోబడి పూర్తి సహాయం అందిస్తామని హామీ ఇచ్చారు. పంత్ ప్రస్తుతం శ్రీలంకలో టీమ్ ఇండియాతో పాటు వార్మప్ మ్యాచ్‌లో పాల్గొంటూ బిజీగా గడుపుతున్నారు. శనివారం తెల్లవారుజామున 12:46 గంటలకు ఆయన సామాజిక మాధ్యమం ఖాతా నుంచి వరుసగా కొన్ని పోస్టులు ప్రత్యక్షమయ్యాయి. తాను ఉత్తరాఖండ్ స్థానికుడినని, చాలా కాలంగా బయట ప్రాంతాల్లోనే నివసిస్తున్నానని ఆయన ఆ పోస్టులలో పేర్కొన్నారు. తన మాతృభూమిపై ఎంతో ప్రేమ ఉందని, స్థానిక పహాడీ ప్రజలతో కలిసి రాష్ట్ర అభివృద్ధికి తోడ్పడాలని భావిస్తున్నట్లు ఆయన స్పష్టం చేశారు. భూమి సేకరణ తనకు ఒక నైట్‌మేర్‌గా మారిందని, సీఎం వెంటనే జోక్యం చేసుకోవాలని ఆయన కోరారు. దీంతో ఆయన చేసిన వరుస పోస్టులు క్రీడా వర్గాల్లో తీవ్ర చర్చనీయాంశంగా మారాయి. అంతర్జాతీయ స్థాయిలో రాష్ట్రానికి ప్రాతినిధ్యం వహించినందుకు ఉచితంగా ఇవ్వకపోయినా, ప్రభుత్వ ధరలకే భూమి కొనుగోలు చేస్తానని పంత్ స్పష్టం చేశారు. ఇదిలా ఉండగా, పంత్ రూర్కీలో జన్మించినప్పటికీ దేశీయ క్రికెట్‌లో ఢిల్లీ జట్టు తరఫున సుదీర్ఘ కాలంగా ప్రాతినిధ్యం వహిస్తున్నారు. ఆయనకు తన స్వరాష్ట్రంతో బలమైన అనుబంధం ఉందని, అందుకే అక్కడ మొదటి ఇల్లు నిర్మించుకోవాలని భావిస్తున్నట్లు వివరించారు. ఈ క్రమంలోనే ఆయన నేరుగా ముఖ్యమంత్రినే సహాయం చేయమని బహిరంగంగా అభ్యర్థించారు. ఫలితంగా ఈ అంశంపై ఉత్తరాఖండ్ ముఖ్యమంత్రి పుష్కర్ సింగ్ ధామీ శనివారం