Press Club News

Madanapalle: మదనపల్లెలో బ్రహ్మకుమారీస్ శ్రీకృష్ణ జన్మాష్టమి వేడుకలు! Madanapalle: మదనపల్లె ప్రెస్‌క్లబ్‌లో బ్రహ్మకుమారి పద్మావతి మాట్లాడుతూ: బ్రహ్మకుమారీస్ ఈశ్వరీయ విశ్వవిద్యాలయం, మదనపల్లె ఆధ్వర్యంలో రేపు (సెప్టెంబర్ 3) శ్రీకృష్ణ జన్మాష్టమి వేడుకలను ఘనంగా నిర్వహించనున్నట్లు తెలిపారు. శ్రీకృష్ణ జన్మాష్టమిని పురస్కరించుకుని శ్రీకృష్ణుడి ప్రసాదాలతో పాటు సాంస్కృతిక కార్యక్రమాలు, వివిధ పోటీలు నిర్వహించనున్నట్లు పేర్కొన్నారు. పోటీల్లో పాల్గొని ప్రతిభ కనబరిచిన వారికి బహుమతులు ప్రధానం చేయనున్నట్లు తెలిపారు. చిన్నారులు, విద్యార్థులు, భక్తులు పెద్ద సంఖ్యలో పాల్గొని రేపు జరగబోయే కృష్ణాష్టమి వేడుకలను విజయవంతం చేయాలని బ్రహ్మకుమారి పద్మావతి కోరారు. ఈ కార్యక్రమంలో ఉమామహేశ్వరి పాల్గొననున్నట్లు తెలిపారు

ప్రధాని నరేంద్ర మోదీని దేవుడిగా చిత్రీకరిస్తూ ఢిల్లీలోని ప్రెస్ క్లబ్ ఆఫ్ ఇండియాలో నిర్వహించిన 'మోదీ చాలీసా' కార్యక్రమం పెను దుమారం రేపింది. ఈ కార్యక్రమానికి సంబంధించిన వీడియోలు సోషల్ మీడియాలో వైరల్ కావడంతో తీవ్ర విమర్శలు వెల్లువెత్తాయి. బీహార్ రాష్ట్ర ట్రాన్స్‌జెండర్ సంక్షేమ బోర్డు సభ్యులు ఈ కార్యక్రమాన్ని నిర్వహించారు. ప్రధాని మోదీ శ్రీరాముడి రూపంలో చిత్రీకరించిన భారీ కటౌట్‌ను దేవుడి రూపంలో నిలబెట్టి, 'జై జై మోదీ, హర్ హర్ మోదీ' అంటూ నినాదాలు చేస్తూ హారతులు ఇచ్చారు.ఈ ఘటనపై తీవ్ర వ్యతిరేకత రావడంతో 'ప్రెస్ క్లబ్ ఆఫ్ ఇండియా' (పీసీఐ) వెంటనే స్పందించి వివరణ ఇచ్చింది. ఈ కార్యక్రమంతో తమకు ఎలాంటి సంబంధం లేదని స్పష్టం చేసింది. ఓ ప్రెస్ కాన్ఫరెన్స్ కోసం నిర్వాహకులు హాల్‌ను అద్దెకు తీసుకున్నారని, కానీ వారు నిబంధనలను ఉల్లంఘించి మతపరమైన కార్యక్రమాన్ని నిర్వహించారని పీసీఐ 'ఎక్స్‌' వేదికగా తెలిపింది. విషయం తెలియగానే తమ అధికారులు జోక్యం చేసుకుని కార్యక్రమాన్ని మధ్యలోనే నిలిపివేశారని పేర్కొంది.అయితే, ఈ కార్యక్రమాన్ని బీహార్ ట్రాన్స్‌జెండర్ సంక్షేమ బోర్డు వైస్-ప్రెసిడెంట్ రాజన్ సింగ్ గట్టిగా సమర్థించుకున్నారు. మోదీ ప్రభుత్వం వల్లే తమ కమ్యూనిటీకి తొలిసారిగా హక్కులు, ఉపాధి అవకాశాలు లభించాయని ఆయన అన్నారు. అందుకే తాము ఆయన్ను దైవంగా భావిస్తున్నామని తెలిపారు. కేవలం చాలీసా పఠించడమే కాదని, బీహార్‌లో ఐదు ఎకరాల స్థలంలో రూ.112 కోట్ల వ్యయంతో "శ్రీ నరేంద్ర మోదీ భగవానుడికి" ఆలయాన్ని నిర్మించాలని కూడా తాము ప్రణాళికలు రచిస్తున్నామని ఆయన సంచలన

దేశ రాజధాని ఢిల్లీలోని ప్రెస్ క్లబ్ ఆఫ్ ఇండియా (పీసీఐ)లో గురువారం జరిగిన ఓ కార్యక్రమం సోషల్ మీడియాలో తీవ్ర చర్చకు దారితీసింది. ప్రధానమంత్రి నరేంద్ర మోదీని శ్రీరాముడి రూపంలో చిత్రీకరించిన కటౌట్ ముందు కొందరు వ్యక్తులు హారతి ఇవ్వడం తీవ్ర దుమారం రేపుతోంది. ‘ మోదీ చాలీసా ’ పఠించడంతో ఈ వ్యవహారం వైరల్‌గా మారింది. “జై జై మోదీ.. హర హర మోదీ” అంటూ నినాదాలు చేస్తున్న వీడియోలు సోషల్ మీడియాలో తెగ చక్కర్లు కొడుతున్నాయి. ప్రధాని మోదీ.. కిరీటం, ఆభరణాలు ధరించిన శ్రీరాముడి తరహా రూపంలో చూపించిన కటౌట్ వైరల్ అవుతోంది.ఆ మోదీ కటౌట్ చేతిలో విల్లు, బాణం ఉండగా.. చుట్టూ ఉన్న కొందరు వ్యక్తులు హారతి ఇస్తూ నినాదాలు చేశారు. ఆ వీడియోలో ఉన్న పోస్టర్‌పై “శ్రీ నరేంద్ర మోదీ చాలీసా” అని పేర్కొన్నట్లు వీడియోల్లో కనిపిస్తోంది. ఈ కార్యక్రమానికి సంబంధించిన దృశ్యాలు సోషల్ మీడియాలో వైరల్ కావడంతో నెటిజన్ల మధ్య భిన్నాభిప్రాయాలు వ్యక్తమవుతున్నాయి.ఈ ఘటనపై ప్రెస్ క్లబ్ ఆఫ్ ఇండియా స్పందించింది. ఈ కార్యక్రమాన్ని తాము నిర్వహించలేదని స్పష్టం చేసింది. గురువారం ఉదయం తమ ప్రాంగణంలో జరిగిన కార్యక్రమానికి సంబంధించిన ఫొటోలు, వీడియోలు సోషల్ మీడియాలో చక్కర్లు కొడుతున్నాయని పేర్కొంటూ పీసీఐ వివరణ ఇచ్చింది. ఓ సంస్థ ప్రెస్ కాన్ఫరెన్స్ నిర్వహించేందుకు క్లబ్‌లోని హాల్‌ను అద్దెకు తీసుకుందని తెలిపింది. అయితే హాల్‌ను అద్దెకు తీసుకునే సమయంలో అంగీకరించిన నిబంధనలను సంబంధిత సంస్థ ఉల్లంఘించిందని పేర్కొంది. విషయం తమ దృష్టికి వచ్చిన వెంటనే క్లబ్ అధికారులు జోక్యం చేసుకుని కార్యక్రమాన్ని నిలిపివేసినట్లు వెల్లడించింది.‘మోదీ చాలీసా’ కార్యక్రమానికి సంబంధించిన వీడియోలు వైరల్ కావడంతో సోషల్ మీడియాలో పెద్ద ఎత్తున చర్చ జరుగుతోంది. కొందరు ఈ కార్యక్రమాన్ని విమర్శిస్తుండగా.. మరికొందరు మోదీ ఫ్యాన్స్ అభిమానాన్ని చూపించారని పేర్కొంటున్నారు. రాజకీయాల్లో వ్యక్తి ఆరాధన ఎంతవరకు సమంజసం అనే అంశంపై కూడా నెటిజన్లు విమర్శలు

Amalapuram: అమలాపురం ప్రెస్ క్లబ్‌లో జెండా ఆవిష్కరించిన ఎమ్మెల్యే అమలాపురం:అమలాపురం ప్రెస్ క్లబ్‌లో 80వ స్వాతంత్ర దినోత్సవ వేడుకలు జాతీయ జెండాను ఆవిష్కరించిన ఎమ్మెల్యే ఆనందరావు. భారత దేశ 80వ స్వాతంత్ర దినోత్సవాన్ని పురస్కరించుకుని అమలాపురం పట్టణంలోని ప్రెస్ క్లబ్‌లో ప్రింట్,ఎలక్ట్రానిక్ మీడియా విలేకరుల ఆధ్వర్యంలో వేడుకలు ఘనంగా జరిగాయి. ఈ కార్యక్రమానికి ముఖ్య అతిథిగా హాజరైన అమలాపురం శాసనసభ్యులు అయితాబత్తుల ఆనందరావు జాతీయ జెండాను ఎగురవేశారు.ఈ సందర్భంగా ఎమ్మెల్యే ప్రింట్,ఎలక్ట్రానిక్ మీడియా విలేకరులను ఉద్దేశించి మాట్లాడుతూ దేశ స్వాతంత్ర సంగ్రామంలో పత్రికారంగం, ద్రశ్య-శ్రావ్య మాధ్యమాలు మరియు విలేకరులు పోషించిన పాత్ర అత్యంత కీలకమైనదని కొనియాడారు. స్వాతంత్రం సిద్ధించిన నాటి నుంచి నేటి వరకు సమాజంలో చైతన్యం నింపడంలో,దేశాభివృద్ధిలో ప్రింట్ మరియు ఎలక్ట్రానిక్ మీడియా విలేకరుల కృషి అభినందనీయమని ఆయన తెలిపారు.ప్రజా సమస్యలను నిరంతరం ప్రభుత్వం దృష్టికి తీసుకువెళ్తూ,దేశ పురోగతిలో విలేకరులు తమవంతు బాధ్యతను సమర్థవంతంగా నిర్వహిస్తున్నారని చెప్పారు. ప్రింట్ మరియు ఎలక్ట్రానిక్ మీడియా విలేకరులు స్వయంగా ముందడుగు వేసి ఈ వేడుకను ఎంతో ఉత్సాహంగా ఏర్పాటు చేయడంపై ఎమ్మెల్యే ఆనందరావు హర్షం వ్యక్తం చేశారు.అనంతరం విలేకరులకు, అమలాపురం నియోజకవర్గ ప్రజలకు ఆయన 80వ స్వాతంత్ర దినోత్సవ శుభాకాంక్షలు తెలియజేశారు. ఈ కార్యక్రమంలో ప్రెస్ క్లబ్ ప్రతినిధులు,వివిధ ప్రింట్ మరియు ఎలక్ట్రానిక్ మీడియా విలేకరులు తదితరులు అధికసంఖ్యలో పాల్గొన్నారు

హనుమకొండ చౌరస్తా, ఆగస్టు 12: గ్రేటర్‌ వరంగల్‌ ప్రెస్‌క్లబ్‌కు చెందిన ప్రతీ సభ్యుడి సంక్షేమమే తమ కమిటీ ధ్యేయమని గ్రేటర్‌ వరంగల్‌ ప్రెస్‌క్లబ్‌ అధ్యక్షుడు వేముల నాగరాజు అన్నారు. ప్రమాదవశాత్తూ మృతి చెందిన క్లబ్‌ సభ్యుడు, డెస్క్‌ జర్నలిస్టు రబ్బానిపాషా కుటుంబానికి యునైటెడ్‌ ఇండియా ఇన్సూరెన్స్కంపెనీ ద్వారా కుటుంబ సభ్యులకు రూ.10.57 లక్షలు చెక్కును బుధవారం అందజేశారు. అనంతరం జరిగిన కార్యక్రమంలో నాగరాజు మాట్లాడుతూ రాష్ట్రంలోనేఎక్కడాలేని విధంగా జర్నలిస్టులకు ఇన్సూరెన్స్‍ అందించిన ఘనత గ్రేటర్‌ వరంగల్‌ ప్రెస్‌క్లబ్‌కు, టీయూడబ్ల్యూజే-ఐజేయూ యూనియన్‌కే దక్కిందన్నారు. సభ్యులు, వారి కుటుంబ సభ్యులకు అండగా నిలిచేందుకు చేయించిన బీమా, ఒక కుటుంబానికి ఆసరాగా నిలవటం గొప్ప విషయమన్నారు. గత ఏడాది సభ్యులకు చేసిన బీమాను ఈ ఏడాది కూడా రెన్యూవల్‌ చేయించేందుకు తమ కమిటీ నిర్ణయించిందని, ప్రస్తుతం ఆ ప్రక్రియ కొనసాగుతోందని చెప్పారు. రబ్బానిపాషా కుటుంబానికి క్లబ్‌ అండగా నిలుస్తుందని వారికి, ఇన్సూరెన్స్‍ పాలసీ కొనసాగిస్తామని ఈ సందర్భంగా ప్రకటించారు. కార్యక్రమంలో ప్రెస్‌క్లబ్‌ కార్యదర్శి బొల్లారం సదయ్య, కోశాధికారి బొళ్ల అమర్‌, ఉపాధ్యక్షులు గోకారపు శ్యాంకుమార్‌, బొడిగె శ్రీను, అల్లం రాజేష్‌వర్మ, యంసాని శ్రీనివాస్, జాయింట్‌ సెక్రెటరీలు, సంపేట సుధాకర్‌, పెద్దపల్లి వరప్రసాద్‌, పోడిచెట్టి విష్ణువర్ధన్‌, ఈసీ సభ్యులు, వీరగోని హరీష్‌, జనగాని ఆంజనేయులు, ఎండి నయీంపాషా, కమటం వేణుగోపాల్‌, భరత్‌ కుమార్‌, మంచాల రాజు, బలువారి విజయరాజ్‌, టీయూడ్ల్యూజే-ఐజేయూ హన్మకొండ జిల్లా అధ్యక్షులు గడ్డం కేశవమూర్తి, గుల్షన్‌ పాల్గొన్నారు. ఈ సందర్భంగా ఇన్సురెన్స్‍ ప్రతినిధులు బీమా విశిష్టతను, ఇన్సూరెన్స్‍ చేసిన పాలసీ ప్రయోజనాలను వివరించారు