Operation Hardball News

భారతదేశంలోనే కాకుండా అంతర్జాతీయంగా అనేక నేరాలకు పాల్పడుతున్న గ్యాంగ్‌స్టర్ లారెన్స్ బిష్ణోయ్ నేర సామ్రాజ్యంపై అమెరికా గూఢచార సంస్థ 'ఎఫ్‌బీఐ' మెగా ఆపరేషన్‌ను చేపట్టింది. 'ఆపరేషన్ హార్డ్ బాల్' పేరుతో అమెరికా, కెనడా, ఐరోపాలోని పలు దేశాల్లో ఉన్న బిష్ణోయ్ గ్యాంగ్ స్థావరాలపై ఎఫ్‌బీఐ అధికారులు ఏకకాలంలో విరుచుకుపడ్డారు. దాదాపు మూడు ఖండాల్లోని 50కి పైగా వ్యూహాత్మక ప్రాంతాల్లో ఈ భారీ దాడులు, సోదాలు నిర్వహించడం అంతర్జాతీయ నేర ప్రపంచంలో పెను కలకలం రేపుతోంది.లారెన్స్ బిష్ణోయ్ గ్రూపునకు చెందిన అంతర్జాతీయ నెట్‌వర్క్, విదేశాల నుంచి సాగిస్తున్న నిధుల సేకరణ, సరిహద్దుల గుండా జరుగుతున్న డ్రగ్స్, అత్యాధునిక ఆయుధాల అక్రమ రవాణా విభాగాలను పూర్తిగా నిర్వీర్యం చేయడమే లక్ష్యంగా ఎఫ్‌బీఐ ఈ దాడులకు ప్లాన్ చేసింది. ముఖ్యంగా ఉత్తర అమెరికా (అమెరికా, కెనడా) ప్రాంతాన్ని కేంద్రంగా చేసుకుని ఈ ముఠా తన కార్యకలాపాలను విస్తరిస్తోందని, స్థానిక వ్యాపారవేత్తలను బెదిరిస్తోందని వచ్చిన పక్కా ఆధారాలతో అమెరికా భద్రతా బలగాలు రంగంలోకి దిగాయి. కెనడా, యూరప్ దేశాల స్థానిక దర్యాప్తు సంస్థల సమన్వయంతో ఎఫ్‌బీఐ ఈ ఆపరేషన్‌ను అత్యంత రహస్యంగా నడిపించింది.భారత జాతీయ దర్యాప్తు సంస్థ, ఇతర ఇంటెలిజెన్స్ విభాగాలు గతంలో అమెరికా, కెనడాలకు అందించిన మోస్ట్ వాంటెడ్ గ్యాంగ్‌స్టర్ల జాబితా, వారి లొకేషన్ల సమాచారం ఆధారంగానే ఈ అంతర్జాతీయ వేట సాగినట్లు తెలుస్తోంది. జైలు నుంచే లారెన్స్ బిష్ణోయ్ నడుపుతున్న ఈ గ్యాంగ్, విదేశాల్లో శరణార్థులుగా చొరబడిన కీలక సూత్రధారుల సాయంతో గ్లోబల్ సిండికేట్‌గా అవతరించిందని ఎఫ్‌బీఐ నివేదికలు స్పష్టం