Narayanpet News

దురిశెట్టి ధర్మరాజు జీ తెలుగు న్యూస్ (zee telugu news)లో సబ్ ఎడిటర్‌గా పనిచేస్తున్నారు. ఆయనకు దాదాపు జర్నలిజంలో ఐదు సంవత్సరాల పాటు అనుభవం ఉంది. ఇక్కడ సోషల్, ఆస్ట్రాలజీ, టెక్నాలజీ, ఆటోమొబైల్స్‌, బిజినెస్, జాతీయం అంశాలకు సంబంధించిన తాజా వార్తలతో పాటు విశ్లేషణ పూరితమైన కథనాలను అందిస్తారు. అలాగే ఆయనకు వెబ్‌సైట్‌కు సంబంధించిన వీడియో కంటెంట్‌పై కూడా అవగాహన ఉంది.. Narayanpet Dj Death: స్నేహితుడు పెళ్లి వేడుకల్లో ఆ యువకుడు అందరిలాగే ఉత్సాహంగా డాన్స్ చేస్తూ ఉన్నాడు.. చెవులు చిల్లుపడే డిజె సౌండ్స్ మధ్య స్నేహితులతో కలిసి సందడి చేస్తున్నాడు.. కానీ కాసేపట్లోనే ఆ ఆనందం ఆవిరి అయిపోయింది. డిజె సౌండ్ ల తీవ్రతకు గుండెపోటు రావడంతో అక్కడికక్కడే కుప్పకూలి ప్రాణాలు కోల్పోయాడు. ఈ విషాద ఘటన నారాయణపేట జిల్లా కోస్గి మున్సిపాలిటీ పరిధిలో తీవ్ర కలకలం రేపింది. పోతిరెడ్డిపల్లి కి చెందిన దస్తయ్య, లక్ష్మీ దంపతుల కుమారుడు రవితేజ (17) అక్కడే ఉన్న ఓ కాలేజీలో ఇంటర్ చేస్తున్నాడు.. అయితే తనకు ఎంతో ఇష్టమైన స్నేహితుడు ఇంట్లో పెళ్లి వేడుక ఉండడంతో రాత్రి సమయంలో ఎంతో ఉత్సాహంగా అక్కడికి వెళ్లాడు.. వివాహ సంబరాల్లో భాగంగా భారీ శబ్దాలతో డీజేలను కూడా అక్కడ ఏర్పాటు చేశారు. అయితే స్నేహితులందరూ కలిసి ఆ డిజె సౌండ్స్ మధ్య అందరూ కలిసి బాగా డాన్స్ చేస్తున్నారు.. అయితే ఇంతలోనే.. డిజె సౌండ్స్ తాకిడికి ఆ యువకుడు అపస్మారక స్థితిలోకి వెళ్లినట్లు గమనించిన స్నేహితులు తీవ్రభయాందోళనకు గురయ్యారు.. వెంటనే అతడిని చికిత్స నిమిత్తం ప్రభుత్వ ఆసుపత్రికి తరలించారు.. అయితే ఆస్పత్రిలో పరీక్షించిన వైద్యులు.. రవితేజ అప్పటికే తీవ్ర గుండెపోటుతో మరణించినట్లు నిర్ధారణ చేశారు.. చేతికి అందించిన కొడుకు అకాల మరణంతో కానరాని లోకంలోకి వెళ్లడంతో తల్లిదండ్రులు గుండెలవిసేలా రోదిస్తున్నారు. చదువుకొని ఉన్నత స్థాయికి ఎదుగుతాడు అనుకున్న కొడుకు ఇలా విగత జీవిగా మారడాన్ని చూసి తట్టుకోలేకపోతున్నారు

మాగనూరు, సెప్టెంబర్‌ 2: మంత్రి వాకిటి శ్రీహరి సొంత నియోజకవర్గంలో అభివృద్ధి శూన్యమని మాజీ ఎమ్మెల్యే చిట్టెం రామ్మోహన్‌రెడ్డి విమర్శించారు. మూడేళ్లుగా మంత్రిగా కొనసాగుతున్నా ముంపు గ్రామాల సమస్యలకు శాశ్వత పరిష్కారం చూపలేదని అన్నారు. ఎన్నికల సమయంలో ప్రజలకు ఇచ్చిన హామీలను అమలు చేయకుండా కాంగ్రెస్‌ ప్రభుత్వం కాలయాపన చేస్తోందని ఆరోపించారు. ఆరు గ్యారంటీలను పూర్తిస్థాయిలో అమలు చేసే వరకు ప్రభుత్వాన్ని ప్రశ్నిస్తూనే ఉంటామని స్పష్టం చేశారు. మాగనూరు మండలం నేరడగం గ్రామంలో బుధవారం నిర్వహించిన కార్యక్రమంలో చిట్టెం రామ్మోహన్‌రెడ్డి సమక్షంలో గ్రామ సర్పంచ్‌ దాసరి వెంకటమ్మతో పాటు కాంగ్రెస్‌కు చెందిన వార్డు సభ్యులు, నాయకులు, కార్యకర్తలు 50 మందికి పైగా బీఆర్‌ఎస్‌లో చేరారు. వారికి మాజీ ఎమ్మెల్యే గులాబీ కండువాలు కప్పి పార్టీలోకి ఆహ్వానించారు. ఈ సందర్భంగా పెద్ద సంఖ్యలో కార్యకర్తలు పాల్గొని బీఆర్‌ఎస్‌కు మద్దతుగా నినాదాలు చేశారు. “నేను జీవో తెచ్చా.. మూడేళ్లలో మీరు ఏం చేశారు?” నేరడగం, బూత్పూర్‌ గ్రామాలను ముంపు గ్రామాలుగా గుర్తిస్తూ గతంలో తాను ఎమ్మెల్యేగా ఉన్న సమయంలో జీవో తీసుకొచ్చానని చిట్టెం రామ్మోహన్‌రెడ్డి తెలిపారు. ‘‘నేను జీవో తెచ్చా.. మూడేళ్లలో మీరు ఏం చేశారు?’’ అంటూ మంత్రిని ప్రశ్నించారు. ముంపు గ్రామాల ప్రజలకు ఇచ్చిన హామీలను అమలు చేసి వారి సమస్యలకు శాశ్వత పరిష్కారం చూపాలని డిమాండ్‌ చేశారు. అధికారంలోకి వచ్చి సంవత్సరాలు గడుస్తున్నా సమస్యలు పరిష్కారం కాకపోవడంపై ప్రభుత్వం ప్రజలకు సమాధానం చెప్పాలని అన్నారు. ఎన్నికల సమయంలో కాంగ్రెస్ ఇచ్చిన ఆరు గ్యారంటీలను పూర్తిస్థాయిలో అమలు చేయాలని చిట్టెం రామ్మోహన్‌రెడ్డి డిమాండ్ చేశారు. ప్రజలకు ఇచ్చిన హామీలు నెరవేరే వరకు బీఆర్‌ఎస్‌ పోరాటం కొనసాగుతుందని స్పష్టం చేశారు. [caption id="attachment_2500433" align="aligncenter" width="1280"] Chittem Rammohan Reddy1[/caption] మంత్రి సొంత నియోజకవర్గంలో నేరడగం గ్రామ సర్పంచ్ దాసరి వెంకటమ్మ, అధికార కాంగ్రెస్‌ పార్టీకి చెందిన, వార్డు నెంబర్లు, ఉట్కూరు అశోక్,కార్యకర్తలు బీఆర్‌ఎస్‌లో చేరడం రాజకీయంగా

Narayanpet : నారాయణపేట ప్రభుత్వ ఆసుపత్రిలో వరుస మరణాలపై తక్షణ విచారణకు ప్రభుత్వం ఆదేశించింది. ఇటీవల కాలంలో నమోదవుతున్న మరణాలపై సమగ్ర విచారణ జరిపి, వాస్తవాలను వెలికితీసేందుకు హైదరాబాద్‌ నిలోఫర్ ఆసుపత్రి నుంచి ప్రత్యేక వైద్యుల బృందం నారాయణపేటకు వచ్చింది. విచారణ బృందంలో డాక్టర్ బాబురావు(పీడియాట్రిక్ సర్జన్), డాక్టర్ కవిత (పీడియాట్రిక్ ప్రొఫెసర్)లు ఉన్నారు. వీరిద్దరూ నిలోఫర్ ఆసుపత్రిలో చిన్నపిల్లల వైద్య నిపుణులు. నారాయణపేట ప్రభుత్వ ఆసుపత్రి సూపరింటెండెంట్ డాక్టర్ కె. సంపత్ కుమార్ సింగ్ (చెవి, ముక్కు, గొంతు వైద్య నిపుణులు) సమక్షంలో హైదరాబాద్‌లోని నిలోఫర్ ఆసుపత్రికి చెందిన ప్రత్యేక వైద్యుల బృందం విచారణ చేపట్టింది. ఆసుపత్రిలో అందిస్తున్న వైద్య సేవలు, చికిత్సకు సంబంధించిన వివరాలు ఆరా తీసింది. మృతి ఘటనలకు దారితీసిన పరిస్థితులను ప్రత్యేక వైద్యుల బృందం సమగ్రంగా పరిశీలించింది. విచారణ నివేదికను ప్రభుత్వానికి సమర్పించనుంది. ప్రత్యేక వైద్యుల బృందం సమర్పించే నివేదిక ఆధారంగా ప్రభుత్వం తదుపరి చర్యలు తీసుకోనుంది

Praja Vani | మాగనూరు, ఆగస్టు 14: ప్రజల సమస్యలను నేరుగా తెలుసుకుని, వాటికి సత్వర పరిష్కారం చూపే లక్ష్యంతో సోమవారం నుంచి మండల స్థాయిలో ప్రజావాణి కార్యక్రమాన్ని నిర్వహించనున్నట్లు ఎంపీడీవో శ్రీనివాసులు తెలిపారు. నారాయణపేట జిల్లా కలెక్టర్‌ ఆదేశాల మేరకు మాగనూరు ఎంపీడీవో కార్యాలయంలో ఈ కార్యక్రమాన్ని నిర్వహించనున్నట్టు శుక్రవారం ఒక ప్రకటనలో పేర్కొన్నారు. వివిధ శాఖల కార్యాలయాల చుట్టూ తిరిగి ఇబ్బందులు పడుతున్న ప్రజలకు ప్రజావాణి ద్వారా తమ సమస్యలను సంబంధిత అధికారుల దృష్టికి నేరుగా తీసుకెళ్లే అవకాశం కలగనుంది. భూ సమస్యలు, పింఛన్లు, రేషన్‌ కార్డులు, విద్య, వైద్యం, విద్యుత్‌, రహదారులు, డ్రైనేజీ, తాగునీరు, సంక్షేమ పథకాలు తదితర అంశాలపై ప్రజలు ఫిర్యాదులు సమర్పించవచ్చు. స్వీకరించిన దరఖాస్తులను సంబంధిత శాఖల అధికారులకు అందించి, వాటి పరిష్కారంపై ప్రత్యేకంగా దృష్టి సారించనున్నారు. మండల స్థాయిలో నిర్వహించే ప్రజావాణి కార్యక్రమానికి సుమారు 23 వివిధ శాఖలకు చెందిన అధికారులు అందుబాటులో ఉండేలా చర్యలు తీసుకుంటున్నారు. దీంతో సమస్యల పరిష్కారం కోసం జిల్లా కేంద్రానికి వెళ్లాల్సిన అవసరం లేకుండా మండల కేంద్రంలోనే ఫిర్యాదు చేసే అవకాశం ప్రజలకు లభించనుంది. ఈ అవకాశాన్ని ప్రజలు సద్వినియోగం చేసుకోవాలని అధికారులు సూచించారు. ప్రజావాణి కేవలం ఫిర్యాదుల స్వీకరణకే పరిమితం కాకుండా, ప్రతి దరఖాస్తుపై అధికారులు ప్రత్యేక శ్రద్ధ చూపి నిర్ణీత సమయంలో పరిష్కారం చూపాలని ప్రజలు కోరుతున్నారు. గతంలో సమర్పించిన ఫిర్యాదులు పెండింగ్‌లో ఉంటే వాటిపైనా దృష్టి సారించాలని విజ్ఞప్తి చేస్తున్నారు. మండల స్థాయిలో ప్రారంభం కానున్న ప్రజావాణి కార్యక్రమం ప్రజలకు, అధికార యంత్రాంగానికి మధ్య వారధిగా నిలవాలని ఆకాంక్షిస్తున్నారు

ఊట్కూర్, ఆగస్టు 12: యువత, విద్యార్థుల్లో దేశభక్తి భావనను పెంపొందించడంతో పాటు జాతీయ జెండాపై గౌరవాన్ని మరింత బలపరిచే లక్ష్యంతో మై భారత్ ఆధ్వర్యంలో ‘హర్ ఘర్ తిరంగా’ కార్యక్రమాన్ని బుధవారం ఊట్కూరు మండల కేంద్రంలోని బాలికల ఉన్నత పాఠశాల, మండల పరిషత్ కార్యాలయంలో నిర్వహించారు. ఈ సందర్భంగా విద్యార్థులు, యువతకు జాతీయ జెండాలను పంపిణీ చేశారు. ప్రతి ఒక్కరూ జాతీయ జెండాను గౌరవిస్తూ దేశభక్తి భావనతో ‘హర్ ఘర్ తిరంగా’ కార్యక్రమంలో భాగస్వాములు కావాలని మాజీ జెడ్పిటిసి సభ్యుడు సూర్యప్రకాష్ రెడ్డి, ఎంపీడీవో పావని, ఎంఈఓ మాధవి సూచించారు. మై భారత్ జిల్లా ప్రోగ్రాం కోఆర్డినేటర్ అనిల్ కుమార్ గౌడ్ మాట్లాడుతూ.. దేశభక్తి భావనను పెంపొందించడంతో పాటు జాతీయ జెండాపై గౌరవాన్ని బలపరచడం కోసం ఈ కార్యక్రమాన్ని నిర్వహిస్తున్నట్లు తెలిపారు. యువత, విద్యార్థులు దేశభక్తి కార్యక్రమాల్లో చురుకుగా పాల్గొని ఇతరులకు స్ఫూర్తిగా నిలవాలని కోరారు. పాఠశాలలో హర్ ఘర్ తిరంగా కార్యక్రమం నిర్వహించడం అభినందనీయమని, ఇలాంటి కార్యక్రమాలు విద్యార్థుల్లో దేశభక్తి, జాతీయ భావాలను పెంపొందించేందుకు ఎంతగానో దోహదపడతాయని నాయకులు, అధికారులు పేర్కొన్నారు. కార్యక్రమంలో సర్పంచ్ రేణుక భరత్, ఉప సర్పంచ్ రమేష్, పంచాయతీ కార్యదర్శి శ్రీనివాసరావు, జిల్లా వాలీబాల్ అసోసియేషన్ ఉపాధ్యక్షుడు జగదీష్ గౌడ్, ఉపాధ్యాయులు ప్రేమకుమారి, నారాయణ, అంజమ్మ, రామచంద్రారెడ్డి, పారిజాత, రాములు, షాహీన్, భారతి తదితరులు పాల్గొన్నారు