Kriti Sanon Movies News

కృతి సనన్ (Kriti Sanon) సినిమా హీరోయిన్ గా ఎంత సంపాదిస్తోందో అంతకన్నా ఎక్కువగా యాడ్స్ ద్వారా సంపాదిస్తోంది. సెలెబ్రిటీ బ్రాండ్ అంబాసిడర్ గా ఆమెకి ఎక్కువ బ్రాండ్స్ ఉన్నాయి. ఐతే, ఇటీవల రాఖీ సందర్భంగా విడుదలైన GIVA బ్రాండ్ యాడ్ లో బ్రాలాంటి టాప్ ధరించి నటించి వివాదంలోకి ఎక్కింది. ఈ వివాదాన్ని ఆమె హ్యాండిల్ చేసిన విధానం కూడా బాలేదు. విమర్శలు వచ్చినప్పుడు హుందాగా తప్పు సవరించుకున్నా, క్రియేటివ్ టీం చెప్పినట్లు చేశాను తన తప్పు లేదని చెప్పినా సరిపోయేది. కానీ దాన్ని సమర్ధించుకొంది. ఆడవాళ్లు ఏ డ్రెస్ వేసుకోవాల్లో చెప్పొద్దు అంటూ పెద్ద లెటర్ రాసింది. కానీ, ఆమె డ్రెస్ గురించి విమర్శలు వచ్చింది ఆమె వ్యక్తిగత డ్రెస్ గురించి కాదు ఒక బ్రాండ్ యాడ్ గురించి. అదీ కూడా రాఖీ యాడ్ విషయంలో. ఈ వివాదం వల్ల నష్టం జరుగుతోంది అని గ్రహించి ఆ బ్రాండ్ ఆ యాడ్ ని వెనక్కి తీసుకొంది. కానీ కృతి సనన్ తో ఇకపై యాడ్స్ చేసే వాళ్ళు, ఆమెని అంబాసిడర్ గా తీసుకొనే బ్రాండ్స్ జాగ్రత్తగా ఉంటాయని విశ్లేషకులు అంటున్నారు. బ్రాండ్స్ నెగటివిటిని కోరుకోవు. వాటికి బిజినెస్ ముఖ్యం. అందుకే, ఆమెకి ఇకపై కొన్ని యాడ్స్ పోవచ్చు. లేదా కొత్తగా వచ్చేవి తగ్గొచ్చు అని అంటున్నారు. ప్రస్తుతం ఈ భామ బాలీవుడ్ లో టాప్ హీరోయిన్లలో ఒకరిగా కొనసాగుతోంది