India Vs England T20 2026 News

IND vs ENG: ఐర్లాండ్‌ పర్యటనలో ఊహించని పరాభవం తర్వాత, భారత యువ జట్టు ఇప్పుడు మరో మహా సంగ్రామానికి సిద్ధమైంది. చెస్టర్-లీ-స్ట్రీట్ వేదికగా బుధవారం ఇంగ్లాండ్‌తో జరగబోయే మొదటి టీ20 మ్యాచ్‌లో గెలిచి తీరాలని పట్టుదలగా ఉంది. అయితే, ఈ పోరులో భారత్‌కు అసలైన ముప్పు ఇంగ్లీష్ స్పీడ్‌స్టర్ జోఫ్రా ఆర్చర్ రూపంలో పొంచి ఉంది. ఐర్లాండ్ చేదు జ్ఞాపకాలను చెరిపేసేందుకు కసిగా భారత్.. వరుసగా 16 టీ20 సిరీస్‌లు గెలిచి అప్రతిహతంగా దూసుకుపోతున్న టీమిండియా విజయ పరంపరకు ఐర్లాండ్ షాకిచ్చింది. 0-2తో ఆ సిరీస్‌ను కోల్పోవడం భారత అభిమానులను తీవ్ర నిరాశకు గురిచేసింది. ఆ చేదు జ్ఞాపకాలను మరిచిపోయి, ఇంగ్లాండ్ లాంటి బలమైన జట్టుపై వారి సొంత గడ్డపైనే సత్తా చాటాలని భారత్ కసిగా ఉంది. ఈ క్రమంలో ఇరు జట్ల మధ్య జరగబోయే కొన్ని కీలకమైన ఆటగాళ్ల పోరాటాలు (ప్లేయర్ బాటిల్స్) మ్యాచ్ ఫలితాన్ని శాసించనున్నాయి. భారత యువ ఓపెనర్ అభిషేక్ శర్మ క్రీజులో ఉంటే పరుగుల సునామీ ఖాయం. కానీ, అతడిని అడ్డుకోవడానికి ఇంగ్లాండ్ తన ప్రధాన అస్త్రం జోఫ్రా ఆర్చర్‌ను రంగంలోకి దించుతోంది. ఐపీఎల్ 2026 సీజన్‌లో ఆర్చర్ చేతిలో అభిషేక్ రెండు సార్లు డకౌట్‌గా వెనుతిరిగాడు. అయితే, అంతర్జాతీయ టీ20ల్లో మాత్రం అభిషేక్ కేవలం 33 బంతుల్లోనే 61 పరుగులు సాధించి ఆర్చర్‌పై పూర్తి ఆధిపత్యం చెలాయించాడు. పవర్‌ప్లేలో వీరిద్దరి మధ్య జరిగే ఈ పోరు మ్యాచ్‌కే హైలైట్‌గా నిలవనుంది. రాజస్థాన్ రాయల్స్ జట్టులో సహచరుడైన ఆర్చర్ బలాలు, బలహీనతలు సంజూ శాంసన్‌కు బాగా తెలుసు. కానీ, ఆర్చర్ సంధించే వేగవంతమైన బౌన్సర్లు శాంసన్‌ను ఎప్పుడూ ఇబ్బంది పెడుతూనే ఉన్నాయి. గత ఏడాది 2025లో ఆర్చర్ బౌలింగ్‌లో శాంసన్ మూడు సార్లు అవుట్ కాగా, ఈ ఏడాది 2026లో మాత్రం శాంసన్ ఏకంగా 271 స్ట్రైక్ రేట్‌తో చెలరేగి పగ తీర్చుకున్నాడు. మరి ఈ మ్యాచ్‌లో

ఐర్లాండ్, ఇంగ్లాండ్ పర్యటనల్లో టీమ్ ఇండియా దారుణమైన ప్రదర్శనతో విమర్శలు ఎదుర్కొంటోంది. ప్రస్తుతం శ్రేయాస్ అయ్యర్ కెప్టెన్సీలోని భారత జట్టు ఒక్క మ్యాచ్ కూడా గెలవలేక తీవ్ర విమర్శల పాలవుతోంది. టీమ్ ఇండియా ప్లేయింగ్ 11 సెలెక్షన్, ఆటగాళ్ల ఫామ్‌పై రకరకాల ప్రశ్నలు వస్తున్నాయి. 2026 టీ20 వరల్డ్ కప్ గెలిచిన జట్టుతోనే ఆడితే బాగుంటుందనే అభిప్రాయాలు వ్యక్తమవుతున్నాయి. ఈ నేపథ్యంలో, భారత మాజీ ఓపెనర్, ప్రముఖ క్రికెట్ విశ్లేషకుడు ఆకాశ్ చోప్రా తన యూట్యూబ్ ఛానెల్‌లో ఒక సంచలన నిర్ణయం తీసుకున్నారు. ప్రస్తుత జట్టులో లేని ఆటగాళ్లతో ఒక ప్రత్యామ్నాయ బలమైన భారత టీ20 జట్టును ప్రకటించారు. ఈ టీమ్‌లో రాయల్ ఛాలెంజర్స్ బెంగళూరు (RCB) ఛాంపియన్ కెప్టెన్ రజత్ పాటిదార్‌కు కీలక బాధ్యతలు అప్పగించారు. ఆకాశ్ చోప్రా ప్రకటించిన ఈ కొత్త జట్టుకు సూర్యకుమార్ యాదవ్‌ను కెప్టెన్‌గా ఎంపిక చేశారు. 2026లో భారత్‌కు టీ20 ప్రపంచకప్ అందించి సక్సెస్ ఫుల్ కెప్టెన్‌గా నిలిచిన సూర్యను సెలెక్టర్లు ఆ తర్వాత నాయకత్వ బాధ్యతల నుంచి తొలగించి, ఏకంగా జట్టు నుంచే డ్రాప్ చేశారు. అయితే భారత్ మళ్లీ పుంజుకోవాలంటే సూర్యకుమార్ యాదవ్ లాంటి ఆటగాడి అవసరం ఎంతైనా ఉందని ఆకాశ్ చోప్రా స్పష్టం చేశారు. అందుకే తన టీమ్ లో సూర్యను బాస్ చేసేశారు. ఐపీఎల్‌లో వరుసగా రెండోసారి ఆర్‌సీబీకి ట్రోఫీ అందించి ఛాంపియన్‌గా నిలిపిన రజత్ పాటిదార్‌కు ఆకాశ్ చోప్రా జట్టులో అద్భుత అవకాశం దక్కింది. పాటిదార్‌ను టీమ్ ఇండియాలోకి తీసుకోవాలని అభిమానుల నుంచి డిమాండ్ వస్తున్న తరుణంలో, చోప్రా ఏకంగా అతడిని వైస్ కెప్టెన్‌గా ఎంపిక చేశారు. పాటిదార్‌తో పాటు ఈ టీమ్‌లో ఆర్‌సీబీకి చెందిన ముగ్గురు ఆటగాళ్లకు చోటు దక్కడం విశేషం. ఆల్‌రౌండర్ కోటాలో క్రునాల్ పాండ్యా, సీనియర్ పేసర్ భువనేశ్వర్ కుమార్‌లను కూడా చోప్రా లైన్‌లోకి తెచ్చారు. ఈ జట్టులో వికెట్ కీపర్ బ్యాటర్ సంజూ శాంసన్

Shreyas Iyer Captaincy: ఇంగ్లాండ్‌ పర్యటనలో భారత టీ20 జట్టుకు కోలుకోలేని షాక్ తగిలింది. ట్రెండ్ బ్రిడ్జ్ మైదానంలో జరిగిన మూడో టీ20 మ్యాచ్‌లో ఇంగ్లాండ్ చేతిలో టీమిండియా 125 పరుగుల భారీ తేడాతో ఘోర పరాజయాన్ని మూటగట్టుకుంది. టాస్ గెలిచి బ్యాటింగ్ చేయాల్సిన పిచ్‌పై కెప్టెన్ శ్రేయాస్ అయ్యర్ తీసుకున్న తప్పుడు నిర్ణయం భారత జట్టు కొంపముంచగా, అభిమానులను తీవ్ర నిరాశకు గురిచేసింది. టాస్ నిర్ణయమే కొంపముంచింది.. కెప్టెన్ వ్యూహం ఫ్లాప్! టాస్ గెలిచిన వెంటనే బ్యాటింగ్ ఎంచుకుని భారీ స్కోరు సాధించడానికి అనుకూలమైన ట్రెండ్ బ్రిడ్జ్ పిచ్‌పై, కెప్టెన్ శ్రేయాస్ అయ్యర్ మొదట బౌలింగ్ ఎంచుకోవడం అందరినీ ఆశ్చర్యపరిచింది. పిచ్ స్వభావాన్ని అంచనా వేయడంలో టీమిండియా మేనేజ్‌మెంట్ చేసిన ఈ అతిపెద్ద తప్పిదం మ్యాచ్ ఫలితాన్ని శాసించింది. మొదట బ్యాటింగ్ చేసిన ఇంగ్లాండ్ జట్టు నిర్ణీత 20 ఓవర్లలో 7 వికెట్ల నష్టానికి 201 పరుగుల భారీ స్కోరు సాధించింది. ఇంగ్లాండ్ ఓపెనర్ ఫిల్ సాల్ట్ అద్భుత ఇన్నింగ్స్ ఆడగా, ఆఖర్లో సామ్ కరన్, విల్ జాక్స్ వేగంగా పరుగులు రాబట్టారు. భారత బౌలర్లు సరైన లెంగ్త్‌లో బౌలింగ్ చేయలేక చేతులెత్తేయడంతో ఇంగ్లాండ్ భారీ స్కోరును నమోదు చేయగలిగింది. ఇది కూడా చదవండి: టాస్‌లో హీరో.. మ్యాచ్‌లో జీరో.. టీమిండియా పాలిట విలన్‌లా మారిన శ్రేయాస్ అయ్యర్..! పేకమేడలా కూలిన భారత బ్యాటింగ్.. రికార్డు స్థాయిలో ఘోర అవమానం.. 202 పరుగుల భారీ లక్ష్యంతో బరిలోకి దిగిన భారత జట్టుకు ఆరంభంలోనే కోలుకోలేని దెబ్బ తగిలింది. ఇంగ్లాండ్ పేసర్ జోఫ్రా ఆర్చర్, జోష్ టంగ్ నిప్పులు చెరిగే బంతులతో భారత బ్యాటింగ్‌ను ముక్కలు చేశారు. కేవలం పవర్‌ప్లేలోనే 5 వికెట్లు కోల్పోయి టీమిండియా తీవ్ర కష్టాల్లో పడింది. పవర్‌ప్లేలో భారత్ ఇన్ని వికెట్లు కోల్పోవడం చరిత్రలో ఇదే మొదటిసారి. అభిషేక్ శర్మ, వైభవ్ ఆశలు రేపినా ఆ ఆనందం ఎంతో సేపు

Tilak Varma Stumping Controversy: భారత్, ఇంగ్లాండ్ జట్ల మధ్య జరిగిన మూడో టీ20 మ్యాచ్‌లో వైస్ కెప్టెన్ తిలక్ వర్మ అవుటైన తీరు ఇప్పుడు క్రికెట్ ప్రపంచంలో తీవ్ర చర్చనీయాంశమైంది. అంపైర్ నిర్ణయంపై సోషల్ మీడియాలో అభిమానులు ఆగ్రహం వ్యక్తం చేస్తుండటంతో ఈ వివాదం కాస్తా పెద్దదిగా మారింది. నాటింగ్‌హామ్‌లోని ట్రెంట్ బ్రిడ్జ్ మైదానంలో ఇంగ్లాండ్ నిర్దేశించిన 202 పరుగుల భారీ లక్ష్యాన్ని ఛేదించే క్రమంలో టీమిండియా వైస్ కెప్టెన్ తిలక్ వర్మ అవుటైన విధానం సరికొత్త వివాదానికి దారితీసింది. ఇంగ్లాండ్ వికెట్ కీపర్ జోస్ బట్లర్ చేసిన స్టంపింగ్ నిబంధనలకు విరుద్ధంగా ఉందంటూ అభిమానులు సోషల్ మీడియాలో అంపైర్లపై విమర్శల వర్షం కురిపిస్తున్నారు. భారత జట్టు కేవలం పవర్‌ప్లే లోనే 5 వికెట్లు కోల్పోయి తీవ్ర ఒత్తిడిలో ఉన్న సమయంలో తిలక్ వర్మ క్రీజులోకి వచ్చారు. ఇంగ్లాండ్ స్పిన్నర్ విల్ జాక్స్ వేసిన ఒక వేగవంతమైన బంతిని భారీ షాట్ ఆడటానికి తిలక్ క్రీజు వదిలి ముందుకు వచ్చారు. అయితే బంతి వేగాన్ని అంచనా వేయడంలో విఫలం కావడంతో అది బ్యాట్‌కు దొరకకుండా నేరుగా వికెట్ కీపర్ జోస్ బట్లర్ చేతుల్లోకి వెళ్ళింది. తిలక్ క్రీజు వెలుపల ఉండటాన్ని గమనించిన బట్లర్ వెంటనే వికెట్లను పడగొట్టాడు. ఇది కూడా చదవండి: టాస్‌లో హీరో.. మ్యాచ్‌లో జీరో.. టీమిండియా పాలిట విలన్‌లా మారిన శ్రేయాస్ అయ్యర్..! అయితే, ఇక్కడే అసలు ట్విస్ట్ నెలకుంది. బట్లర్ వికెట్లను పడగొట్టిన మరుక్షణమే బంతి అతని గ్లోవ్స్ నుంచి జారి కిందపడిపోయింది. దీంతో తిలక్ వర్మ నాటౌట్ అంటూ నెటిజన్లు రచ్చ చేయడం ప్రారంభించారు. కానీ రీప్లేలను పరిశీలించిన థర్డ్ అంపైర్ మాత్రం తిలక్‌ను అవుట్‌గా ప్రకటించారు. కేవలం 11 బంతుల్లో 3 పరుగులు మాత్రమే చేసి వైస్ కెప్టెన్ నిరాశగా వెనుతిరిగారు. ఈ వివాదంపై స్పష్టత రావాలంటే క్రికెట్ చట్టాలను రూపొందించే ఎంసీసీ (MCC Law)

టీ20 ప్రపంచకప్ గెలిచిన జోష్‌లో ఉన్న భారత్‌కు యూకే పర్యటన తీవ్ర నిరాశను మిగిల్చింది. వరుస ఓటములతో సతమతమవుతున్న వేళ, జట్టులోకి ప్రపంచకప్ హీరో సంజూ శాంసన్‌ను తిరిగి తీసుకోవాలనే డిమాండ్ ఊపందుకుంది. అయితే, సంజూ తుది జట్టులోకి వస్తే కోచ్ గౌతమ్ గంభీర్ వేటు వేయబోయే ఆ కీలక ఆటగాడు ఎవరో ఈ ప్రత్యేక కథనంలో చూద్దాం. భారత జట్టు 2026 టీ20 ప్రపంచకప్ గెలిచిన తర్వాత ఆడిన నాలుగు మ్యాచ్‌లలో ఒక్కటంటే ఒక్కటి కూడా గెలవకపోవడం అభిమానులను తీవ్రంగా నిరాశపరిచింది. ఐర్లాండ్, ఇంగ్లాండ్ చేతుల్లో టీమిండియా వరుసగా పరాజయాలు చవిచూసింది. ఈ క్రమంలోనే ఇంగ్లాండ్‌తో జరిగిన రెండో టీ20లో యువ సంచలనం వైభవ్ సూర్యవంశీకి చోటు కల్పించడం కోసం, ఏకంగా ప్రపంచకప్‌లో ‘ప్లేయర్ ఆఫ్ ది టోర్నమెంట్’గా నిలిచిన సంజూ శాంసన్‌పై వేటు వేశారు. కేవలం మూడు ఇన్నింగ్స్‌లలో విఫలమయ్యాడనే కారణంతో భారత్‌కు మూడో ప్రపంచకప్ అందించిన స్టార్ ఆటగాడిని పక్కన పెట్టడంపై ఇప్పుడు సర్వత్రా విమర్శలు వ్యక్తమవుతున్నాయి. ప్రస్తుత భారత తుది జట్టును పరిశీలిస్తే అగ్ర వరుసలోని ఏడుగురు బ్యాటర్లలో అభిషేక్ శర్మ, వైభవ్ సూర్యవంశీ, ఇషాన్ కిషన్, తిలక్ వర్మ, అక్షర్ పటేల్, శివమ్ దూబే ఇలా ఏకంగా ఆరుగురు ఎడమచేతి వాటం ఆటగాళ్లే ఉన్నారు. ఒకే శైలి కలిగిన ఆటగాళ్లు వరుసగా ఉండటం వల్ల ప్రత్యర్థి బౌలర్లకు లైన్ అండ్ లెంగ్త్ మార్చాల్సిన అవసరం లేకుండా పోతోంది. ఇది బౌలర్ల పనిని మరింత సులువు చేస్తోంది. ఈ తరుణంలో కుడిచేతి వాటం కలిగిన సంజూ శాంసన్‌ను జట్టులోకి తీసుకుంటే ఈ సమస్యకు శాశ్వత పరిష్కారం దొరుకుతుంది. మిడిల్ ఆర్డర్‌లో సమతుల్యత వస్తుంది. రెండో టీ20కి ముందు తిలక్ వర్మపై వేటు పడుతుందని భావించినప్పటికీ, అతను 11 బంతుల్లో 24 పరుగులు చేసి జట్టుకు మంచి ముగింపునిచ్చాడు. దీంతో ఇప్పుడు అందరి కళ్లు ఇషాన్ కిషన్‌పైనే పడ్డాయి. ఈ

Shreyas Iyer Captaincy: ఐర్లాండ్ చేతిలో ఘోర పరాజయం పాలైన భారత టీ20 జట్టుకు ఇప్పుడు అసలైన పరీక్ష ఎదురుకానుంది. ఇంగ్లాండ్ సిరీస్‌లోనైనా జట్టును గెలిపించి తన సారథ్య సామర్థ్యాన్ని నిరూపించుకోవాల్సిన అగ్నిపరీక్షలో కెప్టెన్ శ్రేయస్ అయ్యర్ ఉన్నాడు. వరుస ఓటములతో అయ్యర్ కెప్టెన్సీపై తీవ్ర విమర్శలు వస్తుండగా, శుభ్‌మన్ గిల్‌కు పగ్గాలు అప్పగించాలనే డిమాండ్ గట్టిగా వినిపిస్తోంది. ఐర్లాండ్ సిరీస్ ఘోర పరాభవం.. అయ్యర్ ట్రాక్ రికార్డ్ దారుణం.. ఐపీఎల్‌లో పంజాబ్ జట్టును నడిపించిన విధానం చూసి కొన్ని మీడియా సంస్థల అతి ప్రచారం వల్ల, సూర్యకుమార్ యాదవ్ ఫామ్ కోల్పోవడం వల్ల శ్రేయస్ అయ్యర్‌కు టీమిండియా టీ20 సారథ్య బాధ్యతలు దక్కాయి. కానీ, అతను కెప్టెన్ అయినప్పటి నుండి భారత జట్టు ఒక్క మ్యాచ్ కూడా గెలవకపోవడం గమనార్హం. అయ్యర్ నాయకత్వంలో ఆడిన నాలుగు మ్యాచ్‌లలో మూడు ఓటములు చవిచూడగా, ఒక మ్యాచ్ వర్షార్పణమైంది. ఐర్లాండ్ లాంటి చిన్న జట్టు చేతిలో క్లీన్ స్వీప్ అవ్వడాన్ని సగటు భారత క్రికెట్ అభిమాని అస్సలు తట్టుకోలేకపోతున్నాడు. ఐపీఎల్ చివరి ఆరు మ్యాచ్‌లలో కూడా అతను పంజాబ్‌కు ఒకే ఒక్క విజయాన్ని అందించాడు. అక్కడ మొదలైన అతని కెప్టెన్సీ ఫ్లాప్ షో ఇప్పుడు టీమిండియాలోనూ కొనసాగుతోంది. ఇది కూడా చదవండి: ఇదెక్కడి దారుణం గంభీర్.. మంచోడిని పక్కనపెట్టి, అలాంటోడికి ఛాన్స్ ఇచ్చి, పరువు తీసుకున్నారుగా మళ్ళీ గుర్తొస్తున్న సూర్యకుమార్ యాదవ్ విజయాలు.. శ్రేయస్ అయ్యర్ అట్టర్ ఫ్లాప్ అవుతున్న తరుణంలో సోషల్ మీడియాలో మాజీ కెప్టెన్ సూర్యకుమార్ యాదవ్ (SKY) పేరు మారుమోగిపోతోంది. రోహిత్ శర్మ నిష్క్రమణ తర్వాత పగ్గాలు చేపట్టిన సూర్య నాయకత్వంలో భారత్ ఒక్క సిరీస్ కూడా ఓడిపోలేదు. ఆస్ట్రేలియా, సౌతాఫ్రికా లాంటి బలమైన జట్లను వారి సొంత గడ్డపైనే మట్టికరిపించి, 2026 టీ20 ప్రపంచకప్‌ను కూడా ముద్దాడేలా చేశాడు. సూర్య కెప్టెన్సీలో ఆడిన 52 మ్యాచ్‌లలో భారత్ కేవలం 8

Harry Brook Comments: భారత్, ఇంగ్లాండ్ జట్ల మధ్య జరుగుతున్న టీ20 సమరం క్రికెట్ అభిమానుల్లో తీవ్ర ఉత్కంఠను రేపుతోంది. తొలి మ్యాచ్‌లో వర్షం పడటంతో ఫలితం తేలకపోయినప్పటికీ, టీం ఇండియా హిట్టర్ శివమ్ దూబే ఆడిన మెరుపు ఇన్నింగ్స్ ఇంగ్లాండ్ శిబిరంలో వణుకు పుట్టించింది. ఈ నేపథ్యంలో రెండో టీ20కి ముందు ఇంగ్లాండ్ కెప్టెన్ హ్యారీ బ్రూక్ చేసిన వ్యాఖ్యలు ఇప్పుడు హాట్ టాపిక్‌గా మారాయి. దూబే విధ్వంసం.. తొలి మ్యాచ్‌లో ఇంగ్లాండ్ బతికిపోయింది..! సెస్టర్లీ స్ట్రీట్ వేదికగా జరిగిన తొలి టీ20 మ్యాచ్‌లో టాస్ గెలిచిన భారత్ ప్రారంభంలోనే ఆరు పరుగులకే రెండు వికెట్లు కోల్పోయి కష్టాల్లో పడింది. ఆ సమయంలో అభిషేక్ శర్మ, కెప్టెన్ శ్రేయస్ అయ్యర్ ఇన్నింగ్స్‌ను చక్కదిద్దారు. అయితే, ఆ తర్వాత క్రీజులోకి వచ్చిన ఆల్‌రౌండర్ శివమ్ దూబే ఇంగ్లాండ్ బౌలర్లపై నిర్దాక్షిణ్యంగా విరుచుకుపడ్డాడు. కేవలం 21 బంతుల్లోనే 2 ఫోర్లు, 3 అద్భుతమైన సిక్సర్లతో 42 పరుగులు చేసి నాటౌట్‌గా నిలిచాడు. దూబే మెరుపు దాడి వల్లే భారత్ నిర్ణీత ఓవర్లలో 189 పరుగుల భారీ స్కోరు సాధించగలిగింది. పిచ్ పరిస్థితులను బట్టి చూస్తే అంతటి భారీ లక్ష్యాన్ని ఛేదించడం ఇంగ్లాండ్‌కు అసాధ్యమని, కేవలం వర్షం వల్ల మ్యాచ్ రద్దు కావడంతోనే ఇంగ్లాండ్ ఓటమి నుంచి తప్పించుకుందని క్రికెట్ విశ్లేషకులు స్పష్టం చేస్తున్నారు. ఇది కూడా చదవండి: వాడిపనైపోయింది, ఇక ఆడలేడు.. ఇప్పటికైనా అతడిని రంగంలోకి దింపడయ్యా సామీ..! శివమ్ దూబేకు స్పిన్ బౌలింగ్‌ను చీల్చి చెండాడటంలో అద్భుతమైన రికార్డు ఉంది. ఐపీఎల్‌తో పాటు అంతర్జాతీయ క్రికెట్‌లోనూ అతను స్పిన్నర్లపై విరుచుకుపడతాడు. ఈ విషయం తెలిసి కూడా తొలి మ్యాచ్‌లో చివరి ఓవర్లలో ఇంగ్లాండ్ కెప్టెన్ హ్యారీ బ్రూక్ స్పిన్నర్లను రంగంలోకి దించి పెద్ద తప్పే చేశాడు. దూబే ఆ స్పిన్ బౌలింగ్‌ను ఉతికారేస్తూ సిక్సర్ల వర్షం కురిపించాడు. ఈ వ్యూహాత్మక లోపాన్ని ఇంగ్లాండ్ కెప్టెన్