Higher Educati News

తెలంగాణను ప్రపంచ స్థాయి నాలెడ్జ్ హబ్‌గా తీర్చిదిద్దే లక్ష్యంతో విదేశీ పర్యటనకు వెళ్లిన ముఖ్యమంత్రి ఎ. రేవంత్‌రెడ్డి నేతృత్వంలోని ఉన్నత స్థాయి ప్రతినిధి బృందం యునైటెడ్ కింగ్‌డమ్‌ (యూకే)లో పర్యటిస్తోంది. ప్రపంచంలోనే అత్యంత పురాతన, ప్రతిష్ఠాత్మక విద్యాసంస్థల్లో ఒకటైన ఆక్స్‌ఫర్డ్‌ యూనివర్సిటీని ముఖ్యమంత్రి సందర్శించారు. దాదాపు 900 ఏళ్ల ఘనమైన చరిత్ర కలిగిన ఈ విశ్వవిద్యాలయంలోని బ్లావాట్‌నిక్‌ స్కూల్‌ ఆఫ్‌ గవర్నమెంట్‌ను సందర్శించి, ప్రొఫెసర్‌ మాయా ట్యూడర్‌, ప్రొఫెసర్‌ ఫైసల్ దేవ్జీలతో పాలన, విద్య, ప్రజా విధానాలపై విస్తృతంగా చర్చించారు. భారత మాజీ ప్రధాని ఇందిరా గాంధీ చదువుకున్న ఈ విశ్వవిద్యాలయంతో భారత్‌కు ఉన్న అనుబంధాన్ని ఈ సందర్భంగా గుర్తుచేసుకున్నారు.హైదరాబాద్ కు ఆక్స్‌ఫర్డ్ బృందంతెలంగాణ ప్రభుత్వంతో కలిసి పనిచేసేందుకు ప్రొఫెసర్లు మాయా ట్యూడర్, ఫైసల్ దేవ్జీ సానుకూలంగా స్పందించారు. రాష్ట్ర యువత, ఉద్యోగ నిపుణులతో కలిసి పనిచేయడానికి ఆసక్తి వ్యక్తం చేశారు. తెలంగాణ ప్రభుత్వంతో విద్య, పరిశోధన, నైపుణ్యాభివృద్ధి రంగాల్లో భాగస్వామ్యానికి ఉన్న పలు అవకాశాలను ఈ సంద‌ర్భంగా వారు ప్రస్తావించారు. డిసెంబర్ 7, 8, 9 తేదీల్లో హైదరాబాద్‌లో జరగనున్న తెలంగాణ రైజింగ్ గ్లోబల్ సమ్మిట్‌కు ప్రతినిధి బృందాన్ని పంపాలని ఆక్స్‌ఫర్డ్ యూనివర్సిటీ ప్రతినిధులను తెలంగాణ బృందం ఆహ్వానించింది. అనంతరం ముఖ్యమంత్రి రేవంత్‌రెడ్డి చారిత్రక సోమర్‌విల్ కాలేజీని సందర్శించారు. ఈ కాలేజీలో విద్యాభ్యాసం చేసిన దివంగత మాజీ ప్రధాని ఇందిరా గాంధీ చిత్రపటాన్ని సందర్శించారు. 2002లో సోనియా గాంధీ ఈ చిత్రపటాన్ని సోమర్‌విల్ కాలేజీకి బహూకరించిన విష‌యం తెలిసిందే. అమెరికా పర్యటనకు కేంద్రం అనుమతి అందుకే ఇవ్వలేదు- రేవంత్ కీలక వ్యాఖ్యలు..!!అనంతరం ముఖ్యమంత్రి, అక్క‌డే జీఎంఆర్ గ్రూప్ నిర్వహిస్తున్న యుటిలిటా బౌల్‌ను సందర్శించారు. జీఎంఆర్ గ్రూప్ కార్పొరేట్ చైర్మన్ కిరణ్ కుమార్ గ్రంథితో కలిసి అక్కడి సమగ్ర క్రీడా సదుపాయాలను పరిశీలించారు. ఈ ప్రాంగణంలో గోల్ఫ్ కోర్స్‌తో పాటు వివిధ క్రీడలకు సంబంధించిన మౌలిక సదుపాయాలు, హోటల్ ఉన్నాయి. తెలంగాణలో ప్రపంచస్థాయి క్రీడా

ఆంధ్రప్రదేశ్‌లో ప్రైవేటు విశ్వవిద్యాలయాల ఏర్పాటు ప్రక్రియను సరళతరం చేసేందుకు రాష్ట్ర ప్రభుత్వం కీలక అడుగు వేసింది. ఈ మేరకు 'ఏపీ ప్రైవేటు విశ్వవిద్యాలయాల స్థాపన, క్రమబద్ధీకరణ సవరణ బిల్లు 2026'ను విద్యా, ఐటీ శాఖ మంత్రి నారా లోకేశ్‌ బుధవారం శాసనసభలో ప్రవేశపెట్టారు. నిబంధనలను సరళతరం చేసి, ఉన్నత విద్యా రంగంలో పెట్టుబడులను ఆకర్షించడమే ఈ బిల్లు ప్రధాన ఉద్దేశం.కేంద్రంలో ప్రధాని నరేంద్ర మోదీ స్ఫూర్తిగా తీసుకొచ్చిన 'జన్ విశ్వాస్' విధానంలో భాగంగానే ఈ సవరణలు చేస్తున్నట్లు మంత్రి లోకేశ్‌ వివరించారు. ఈజ్ ఆఫ్ డూయింగ్ బిజినెస్‌ను అన్ని రంగాలకు విస్తరింపజేయాలన్న ముఖ్యమంత్రి ఆదేశాల మేరకు, ఉన్నత విద్యా రంగంలో నియంత్రణలను సులభతరం చేస్తున్నామన్నారు. ఇతర రాష్ట్రాలతో పోలిస్తే ఏపీలో వర్సిటీల సంఖ్య తక్కువగా ఉందని, ఈ సవరణల ద్వారా కొత్త సంస్థలను ప్రోత్సహించవచ్చని తెలిపారు.ఈ బిల్లులో పలు కీలక సవరణలు ప్రతిపాదించారు. ప్రధానంగా, ప్రైవేటు వర్సిటీ ఏర్పాటుకు అవసరమైన భూమిని 50 ఎకరాల నుంచి సీఆర్డీఏ, విశాఖ, విజయవాడ, తిరుపతి వంటి నగరాల్లో 10 ఎకరాలకు, ఇతర ప్రాంతాల్లో 15 ఎకరాలకు తగ్గించారు. కనీస పెట్టుబడి నిబంధనను పూర్తిగా తొలగించి, కేసును బట్టి నిపుణుల కమిటీ నిర్ణయం తీసుకునేలా మార్పు చేశారు. ఎండోమెంట్ ఫీజును రూ.5 కోట్లకు పరిమితం చేశారు. బ్రౌన్‌ఫీల్డ్ వర్సిటీగా మారాలంటే యూజీసీ నిబంధనల ప్రకారం కనీసం 3.01 సీజీపీఏ తప్పనిసరి చేశారు.ఈ బిల్లు ద్వారా రాష్ట్రంలో రెండో మహిళా విశ్వవిద్యాలయంగా 'విష్ణు మహిళా విశ్వవిద్యాలయం' ఏర్పాటుకు మార్గం సుగమమైందని మంత్రి తెలిపారు

బధిర విద్యార్థులకు రాష్ట్రంలో తొలిసారిగా డిగ్రీ కళాశాలను ప్రభుత్వం ఏర్పాటు చేసింది. ఇప్పటి వరకు బధిర విద్యార్థులకు ఇంటర్మీడియట్ వరకు మాత్రమే మన దగ్గర కోర్సులు ఉన్నాయి. తొలిసారి డిగ్రీ కోర్సులు కూడా బోధించాలని విద్యాశాఖ కీలక నిర్ణయం తీసుకుంది. బాపట్ల జిల్లా వెదుళ్లపల్లిలో ఉన్న బధిరుల ఆశ్రమ పాఠశాల, జూనియర్ కళాశాలలోనే ఇకపై డిగ్రీ కళాశాలను కూడా ఏర్పాటు చేస్తున్నట్లు జూలై 22న రాష్ట్ర మంత్రివర్గం ఆమోదం తెలిపింది.ఆశ్రమ పాఠశాల, జూనియర్ కళాశాలలోని తాత్కాలిక భవనాల్లోనే ప్రస్తుతం డిగ్రీ కళాశాలను ప్రారంభించారు. తొలి ఏడాది బీకాం కంప్యూటర్ సైన్స్‌లో 30 సీట్లతో ప్రవేశాలకు శ్రీకారం చుడుతున్నారు. ఈ మేరకు అధ్యాపకుల నియామకం, వసతుల కల్పనకు చర్యలు తీసుకుంటున్నారు. కళాశాల ప్రిన్సిపల్ రజియా మాట్లాడుతూ బీకాం కంప్యూటర్స్‌లో చేరిన విద్యార్థులకు ఉచిత వసతి, భోజన సౌకర్యం, పాఠ్య, రాత పుసక్తాలు, కాస్మొటిక్స్ ఖర్చులకు నగదు, వినికిడి పరకాలు అందజేస్తున్నట్లు ఆమె తెలిపారు.అర్హత ఉన్న బధిర విద్యార్థులు ఈ అవకాశాన్ని సద్వినియోగం చేసుకోవాలని ప్రిన్సిపల్ రజియా తెలిపారు. అర్హులు సంబంధిత సర్టిఫికెట్లతో కాలేజీ దగ్గరకు వచ్చి అడ్మిషన్స్ పొందాలని సూచించారు. సందేహాలు ఉంటే 9000013633 నెంబర్‌లో సంప్రదించాలని కోరారు. ప్రభుత్వం కల్పిస్తున్న ఈ అవకాశాన్ని బధిర విద్యార్థులు సద్వినియోగం చేసుకోవాలని కోరారు.ఉమ్మడి ఆంధ్రప్రదేశ్‌లో తొలిసారి 1987లో అప్పటి ముఖ్యమంత్రి నందమూరి తారకరామారావు బధిరుల కోసం ఆశ్రమ పాఠశాలను ఏర్పాటు చేశారు. 14 ఎకరాల విస్తీర్ణంలో బధిరుల భవిష్యత్‌ను దృష్టిలో ఉంచుకుని వెదుళ్లపల్లిలో ఈ పాఠశాలను ఏర్పాటు చేశారు. 1987లో ఎన్టీఆర్ బధిరుల ఆశ్రమ పాఠశాలను ప్రారంభించగా.. 1990లో చంద్రబాబు నాయుడు హయాంలో ఆశ్రమ పాఠశాలకు జూనియర్ కళాశాల హోదా కల్పించారు. మళ్లీ 2026లో చంద్రబాబు నాయుడు ముఖ్యమంత్రిగా ఉన్న సమయంలోనే డిగ్రీ కళాశాలగా చేయడం విశేషం. బధిర విద్యార్థులు ఈ అవకాశాన్ని సద్వినియోగం చేసుకుని భవిష్యత్తులో మరింత ఎత్తుకు ఎదగాలనేదే ప్రభుత్వం ఆకాంక్ష

రాష్ట్ర ఉత్తమ ఉపాధ్యాయ అవార్డులకు తమను కూడా పరిగణనలోకి తీసుకోవాలని, 2026 నుంచి 'ఉత్తమ లైబ్రేరియన్ అవార్డు' పేరుతో ప్రత్యేక కేటగిరీని ఏర్పాటు చేయాలని ఆంధ్రప్రదేశ్‌లోని ప్రభుత్వ డిగ్రీ కళాశాలల లైబ్రేరియన్లు ప్రభుత్వాన్ని కోరారు. ఉన్నత విద్యావ్యవస్థలో తమ పాత్ర అత్యంత కీలకమని, తమ సేవలను గుర్తించి ప్రోత్సహించాలని కోరుతూ ప్రభుత్వ డిగ్రీ కళాశాలల లైబ్రేరియన్ల తరఫున డాక్టర్ ఎం. శ్రీనివాస ప్రసాద్ ప్రభుత్వానికి ఒక వినతిపత్రం సమర్పించారు.యూజీసీ నిబంధనల ప్రకారం విద్యార్హతలు, పదోన్నతులు, పరిశోధనల విషయంలో తమకు అధ్యాపకులతో సమానంగా అకడమిక్ హోదా ఉందని లైబ్రేరియన్లు తమ వినతిపత్రంలో పేర్కొన్నారు. మారుతున్న కాలానికి అనుగుణంగా గ్రంథాలయాలు కేవలం పుస్తకాలకే పరిమితం కాకుండా, డిజిటల్ విజ్ఞాన కేంద్రాలుగా రూపాంతరం చెందాయని తెలిపారు. జాతీయ నూతన విద్యా విధానం (NEP 2020) అమలులో, కళాశాలలకు న్యాక్ (NAAC) అక్రిడిటేషన్ కల్పించడంలో లైబ్రేరియన్లు కీలక పాత్ర పోషిస్తున్నారని వారు వివరించారు.పొరుగు రాష్ట్రమైన తెలంగాణలో 2017లోనే 'ఉత్తమ లైబ్రేరియన్ అవార్డు'ను ఏర్పాటు చేశారని, అదే తరహాలో ఆంధ్రప్రదేశ్‌లో కూడా ఈ అవార్డును ప్రవేశపెట్టడం సాధ్యమేనని వారు గుర్తుచేశారు. లైబ్రేరియన్ల సేవలను గుర్తించేందుకు అవసరమైన మూల్యాంకన పరామితులను రూపొందించాలని కూడా కోరారు. ఇప్పటికే ఈ అంశాన్ని పరిశీలించేందుకు రాష్ట్ర ప్రభుత్వం ఒక కమిటీని నియమించిన విషయాన్ని కూడా వారు ప్రస్తావించారు.లైబ్రేరియన్లకు ప్రత్యేక అవార్డును ఏర్పాటు చేయడం వల్ల వారిలో నూతనోత్సాహం నింపడమే కాకుండా, ఉన్నత విద్యలో నాణ్యతను మరింత పెంచేందుకు దోహదపడుతుందని వారు అభిప్రాయపడ్డారు. అందువల్ల, తమ విజ్ఞప్తిని సానుకూలంగా పరిశీలించి, 2026