Countries News

సౌదీ అరేబియాలో ఇప్పటికీ రాచరికం అమల్లో ఉంది. ఇక్కడ రాజే సర్వోన్నత అధికారి. అతడు ఏం చెబితే అదే జరుగుతుంది. దేశ వ్యవహారాలు, కీలక విధాన నిర్ణయాలు, జాతీయ పరిపాలన అంతా రాజు పర్యవేక్షణలోనే జరుగుతుంది. అందుకే ఇక్కడ అధ్యక్షుడి అవసరం లేదు. ప్రస్తుతం సల్మాన్ బిన్ అబ్దుల్ అజీజ్ అల్ సౌద్ రాజుగా ఉన్నారు. ఒమన్‌ను సుల్తాన్ హైతామ్ బిన్ తారిక్ పాలిస్తున్నారు. దేశంపై ఆయనకు విస్తృత కార్యనిర్వాహక అధికారాలు ఉన్నాయి. ప్రభుత్వ విధానాలు, విదేశీ సంబంధాలు, జాతీయ పరిపాలనను సుల్తానే నిర్దేశిస్తారు. దీంతో ఇక్కడ ప్రత్యేకంగా అధ్యక్షుడి పదవి అవసరం లేదు. బ్రూనైలో సుల్తాన్ హసనల్ బోల్కియా నేతృత్వంలో సంపూర్ణ రాచరికం ఉంది. ఆయన దేశానికి పాలకుడిగా ఉండటమే కాకుండా, ప్రధానమంత్రి విధులను కూడా నిర్వర్తిస్తారు. దీనివల్ల కార్యనిర్వాహక అధికారం మొత్తం ఒకే పదవిలో కేంద్రీకృతమై ఉంటుంది. ఖతార్ రాజకీయ వ్యవస్థ వారసత్వ రాచరికంపై ఆధారపడి ఉంది. దేశానికి అత్యున్నత అధికారి ఎమిర్. రాజకీయ, పరిపాలన, వ్యూహాత్మక నిర్ణయాలన్నీ ఆయనే పర్యవేక్షిస్తారు. ప్రస్తుతం షేక్ తమీమ్ బిన్ హమద్ అల్ థానీ అధ్యక్షుడి అవసరం లేకుండానే దేశాన్ని నడిపిస్తున్నారు. గతంలో ఎస్వటిని దేశాన్ని స్వాజిలాండ్‌గా పిలిచేవారు. ఆఫ్రికాలోని కొన్ని సంపూర్ణ రాచరిక దేశాలలో ఒకటి. ఇక్కడ రాజు మస్వాతి III పాలన, ప్రజా పరిపాలనపై విస్తృత అధికారాలు కలిగి ఉన్నారు. ఎన్నికైన జాతీయ నాయకుడికి బదులుగా, రాచరికమే దేశ రాజకీయ నిర్మాణానికి కేంద్రంగా ఉంది. వాటికన్ సిటీకి దేశాధినేత, సార్వభౌమాధికారి పోప్ మాత్రమే. రోమన్ క్యాథలిక్ చర్చి సుప్రీం నాయకుడిగా ఉన్న పోప్‌కు దేశ శాసన, కార్యనిర్వాహక, న్యాయ వ్యవస్థలపై సంపూర్ణ అధికారాలు ఉంటాయి. పోప్ పదవి వంశపారంపర్యమైనది కాదు. పోప్ మరణించినప్పుడు లేదా రాజీనామా చేసినప్పుడు ప్రపంచవ్యాప్తంగా ఉన్న కార్డినల్స్ రహస్య ఓటింగ్‌ ప్రక్రియ ద్వారా కొత్త పోప్‌ను ఎన్నుకుంటారు

గల్ఫ్ దేశాలలోని ప్రవాస భారతీయులు 80వ భారత స్వాతంత్ర దినోత్సవాన్ని ఘనంగా జరుపుకున్నారు. కేంద్ర ప్రభుత్వ తాజా మార్గదర్శకాలను అనుసరించి భారతీయ ఎంబసీల వేడుకల్లో పూర్తి ఆరు చరణాల వందేమాతర గేయాన్ని ఆలపించారు. ఆంధ్రజ్యోతి గల్ఫ్ ప్రతినిధి: గల్ఫ్ దేశాలలోని ప్రవాస భారతీయులు 80వ భారత స్వాతంత్ర దినోత్సవాన్ని ఘనంగా జరుపుకున్నారు. కేంద్ర ప్రభుత్వ తాజా మార్గదర్శకాలను అనుసరించి భారతీయ ఎంబసీల వేడుకల్లో పూర్తి ఆరు చరణాల వందేమాతర గేయాన్ని ఆలపించారు. సౌదీ అరేబియా, యూఏఈ తదితర దేశాల్లో జాతీయ జెండా ఎగురవేసిన సందర్భంగా భారత్ మాతాకీ జై అంటూ నినాదాలు కూడా చేశారు. గతంలో ఎప్పుడూ లేని ఈసారి దుబాయిలో భారతీయులు పెద్ద సంఖ్యలో పాల్గొన్నారు. ‘హర్ ఘర్ తిరంగా’, ‘భారత్ కో జానీయే’ కార్యక్రమాలకు కూడా విదేశాల్లో ఆశాజనకమైన స్పందన లభించింది. కాలమానం ప్రకారం సూర్యపథ్ తిరంగా కార్యక్రమంలో భాగంగా ఒక దేశం తర్వాత మరో దేశంలోని ఎంబసీలు క్రమంగా త్రివర్ణ పతాకాన్ని ఎగురవేసే వినూత్న కార్యక్రమం జరిగింది. సమయ పీఠిక ప్రకారం సెంట్రల్ ఆసియాలోని ఉజ్బెకిస్థాన్ మొదలు గల్ఫ్ లోని ఒమాన్‌, సౌదీ అరేబియాల్లో.. ఆపై ఇథియోపియాలో వేడుకలు జరిగాయి. దుబాయిలో నూతన కాన్సుల్ జనరల్ డాక్టర్ ఇ. విష్ణువర్ధన్ రెడ్డి మువ్వన్నెల జెండాను ఎగురవేసి రాష్ట్రపతి ప్రసంగ పాఠాన్ని చదివి వినిపించారు. పాస్‌పోర్టుల జారీలో గత కొంత కాలంగా పెండింగ్‌లో ఉన్న అన్ని దరఖాస్తులను పరిష్కరించినట్లుగా ఆయన ఈ సందర్భంగా వెల్లడించారు. ప్రవాసీయుల సంక్షేమం, భారతీయ వాణిజ్య సంబంధాల బలోపేతానికి తాము ప్రాధాన్యం ఇస్తున్నామని విష్ణువర్ధన్ రెడ్డి చెప్పారు. ఈ సందర్భంగా నూతనంగా పదవీ భాద్యతలను స్వీకరించిన విష్ణువర్ధన్ రెడ్డిని కలువడానికి భారతీయ ప్రముఖులు ఆసక్తి ప్రదర్శించారు. అనేక మంది తెలుగు ప్రవాసీ ప్రముఖులు కూడా ఆయనను వేదికపై కలుసుకున్నారు. తెలుగు రసమయి పక్షాన యస్వీరెడ్డి, తెలుగు అసోసియేషన్ పక్షాన మసీయోద్దీన్, దినేష్, జాఫర్, భీం, తౌఫీఖ్, సౌజన్య

ప్రపంచంలో అత్యధిక హిందూ జనాభా ఉన్న దేశం మన భారతదేశం. ప్రపంచ జనాభా లెక్కల ప్రకారం… ఇండియాలో సుమారు 110 కోట్ల మంది హిందువులు నివసిస్తున్నారు. ఈ జాబితాలో భారత్ మొదటి స్థానంలో ఉంది. హిందూ జనాభాలో మన పొరుగుదేశం నేపాల్ రెండో స్థానంలో ఉంది. కొన్ని గణాంకాల ప్రకారం నేపాల్‌లో సుమారు 2.86 కోట్ల మంది హిందువులు నివసిస్తున్నారు. హిందువులు ఎక్కువగా ఉన్నది ఈ రెండు దేశాల్లోనే అని చాలామందికి తెలుసు. మరి వీటి తర్వాతి స్థానాల్లో ఏయే దేశాలు ఉన్నాయో చూద్దాం. హిందువులు అధికంగా గల దేశాల జాబితాలో బంగ్లాదేశ్ మూడో స్థానంలో ఉంది. డేటా ప్రకారం, ఇక్కడ సుమారు 1.38 కోట్ల మంది హిందువులు నివసిస్తున్నారు. భారత్, నేపాల్ తర్వాత అత్యధిక హిందూ జనాభా ఉన్న దేశాల్లో బంగ్లాదేశ్ ఒకటి. ఇండోనేషియాలో దాదాపు 42 లక్షల మంది హిందువులు ఉన్నారు. ఇది ప్రపంచంలో నాలుగో అతిపెద్ద హిందూ జనాభా ఉన్న దేశం. ఇండోనేషియా ముస్లిం మెజారిటీ దేశం అయినప్పటికీ, ఇక్కడ హిందూ మతం కూడా బలంగా ఉంది. ముఖ్యంగా బాలి ద్వీపం హిందూ సంస్కృతికి ప్రపంచవ్యాప్తంగా ప్రసిద్ధి చెందింది. ఈ జాబితాలో పాకిస్థాన్ ఐదో స్థానంలో ఉంది. గణాంకాల ప్రకారం, పాకిస్థాన్‌లో సుమారు 40 లక్షల మంది హిందువులు నివసిస్తున్నారు. పాకిస్థాన్ ముస్లిం మెజారిటీ దేశం అయినప్పటికీ, అక్కడ హిందూ సమాజం మతపరమైన మైనారిటీగా ఉంది. దేశంలోని హిందూ జనాభాలో ఎక్కువ మంది సింధ్ ప్రావిన్స్‌లో నివసిస్తున్నారు. శ్రీలంకలో సుమారు 31 లక్షల మంది హిందువులు నివసిస్తున్నారు. ప్రపంచంలో అత్యధిక హిందూ జనాభా ఉన్న దేశాల జాబితాలో శ్రీలంక ఆరో స్థానంలో ఉంది. అత్యధిక హిందూ జనాభా ఉన్న దేశాల్లో అమెరికా, మలేషియా తర్వాతి స్థానాల్లో ఉన్నాయి. డేటా ప్రకారం, అమెరికాలో సుమారు 25 లక్షల మంది హిందువులు నివసిస్తుండగా, ఈ జాబితాలో ఏడో స్థానంలో ఉంది. సుమారు 19

ప్రకృతి కన్నెర్ర చేస్తే.. మనిషి నిర్మించిన ప్రపంచం క్షణాల్లో తుడిచిపెట్టుకుపోతుంది. అప్పటివరకు జనజీవనంతో కళకళలాడిన నగరాలు భూమి ఒక్కసారి కంపించగానే శిథిలాల గుట్టలుగా మారిపోతాయి. కట్టుకున్న ఇళ్లు కూలిపోతాయి.. కుటుంబాలు చెల్లాచెదురవుతాయి.. ప్రాణాలతో బయటపడిన వారి కళ్ల ముందు తమ ఆత్మీయులను కోల్పోయిన విషాదం జీవితాంతం వెంటాడుతుంది.. భూకంపాలకు అత్యంత ప్రమాదకర ప్రాంతాల్లో ఒకటైన లాటిన్‌ అమెరికా.. ఇలాంటి ఎన్నో ప్రకృతి విలయాలకు సాక్షిగా నిలిచింది. భూమి పొరల్లో చోటుచేసుకున్న కదలికలు కొన్ని సెకన్లలోనే నగరాల రూపురేఖలను మార్చేశాయి. లక్షలాది మంది ప్రాణాలను బలిగొన్నాయి. తాజాగా కొలంబియాలో సంభవించిన భారీ భూకంపం మరోసారి ఈ ప్రాంతంలోని పాత విషాదాలను ప్రపంచానికి గుర్తుచేసింది. ఈ ప్రకంపనల ధాటికి వంద మందికి పైగా ప్రాణాలు కోల్పోగా.. వందలాది మంది గాయపడ్డారు. అనేక భవనాలు కూలిపోయాయి. శిథిలాల కింద చిక్కుకున్న వారిని రక్షించేందుకు సహాయక చర్యలు కొనసాగుతున్నాయి. హైతీ.. ప్రపంచాన్ని కదిలించిన విషాదం లాటిన్‌ అమెరికా చరిత్రలో అత్యంత భయానక భూకంపాల్లో 2010లో హైతీలో సంభవించిన ప్రకంపనలు ఒకటి. రిక్టర్‌ స్కేలుపై తీవ్రత 7.0 మాత్రమే అయినప్పటికీ.. దాని ప్రభావం మాత్రం ఊహించని స్థాయిలో కనిపించింది. రాజధాని పోర్ట్‌–ఔ–ప్రిన్స్‌ నగరం తీవ్రంగా దెబ్బతింది. వేలాది భవనాలు కూలిపోయాయి. ప్రభుత్వ కార్యాలయాలు, ఆసుపత్రులు, నివాస ప్రాంతాలు శిథిలాలుగా మారాయి. భూకంప నిరోధక ప్రమాణాలు లేని నిర్మాణాలు భారీ ప్రాణ నష్టానికి కారణమయ్యాయి. ఈ విపత్తులో సుమారు 3.16 లక్షల మంది ప్రాణాలు కోల్పోయారు. లక్షలాది మంది నిరాశ్రయులయ్యారు. ఒక దేశం మొత్తం కోలుకోవడానికి ఏళ్లు పట్టింది. నిద్రలోనే మృత్యువు ఒడిలోకి వేలమంది.. 1868లో ఈక్వెడార్‌, కొలంబియా ప్రాంతాలను కుదిపేసిన భూకంపాలు మరో మహా విషాదాన్ని మిగిల్చాయి. **7.7 తీవ్రతతో వచ్చిన ప్రకంపనలు** అనేక పట్టణాలను నేలమట్టం చేశాయి. ప్రజలు గాఢనిద్రలో ఉన్న సమయంలో సంభవించిన ఈ భూకంపం.. క్షణాల్లో వేలాది ఇళ్లను శిథిలాలుగా మార్చింది. ఈక్వెడార్‌లో సుమారు 40 వేల

మనదేశంలో పెట్రోల్, డీజిల్ ధరలు పెరుగుతూనే ఉంటాయి. పెట్రోల్, డీజిల్ ధరలు దేశవ్యాప్తంగా ఒకేలా ఉండవు. కేంద్ర పన్నులతో పాటు రాష్ట్రాల పన్నులు, స్థానిక ఛార్జీల వల్ల ధరల్లో తేడా ఉంటుంది. ఇండియన్ ఆయిల్ ప్రకారం రోజువారీ ధరలు సాధారణంగా ఉదయం 6 గంటలకు సవరిస్తారు. మనదేశంలో లీటర్ 102 రూపాయల నుంచి 115 రూపాయల వరకు ఉంటుంది. అయితే ఇరాన్ యుద్ధం వల్ల ఈ ధరలు పెరుగుతూ వస్తున్నాయి. కానీ ఒక దేశంలో మాత్రం లీటర్ పెట్రోల్ ధర మూడు రూపాయలు కూడా లేదు. ఆ దేశం ఏదో తెలుసా? ఇరాన్‌లో పెట్రోల్ చాలా చౌకగా లభిస్తుంది. ఇక్కడ లీటర్ పెట్రోల్ ధర కేవలం ఒక రూపాయి నుంచి మూడు రూపాయల వరకు మాత్రమే ఉంటుంది. ఇరాన్‌లో భారీగా చమురు నిల్వలు ఉండటం, ప్రభుత్వం పెట్రోల్‌పై పెద్ద మొత్తంలో రాయితీ ఇవ్వడం వల్ల ధర ఇలా తక్కువగా ఉంటుంది. అయితే ఈ రాయితీల వల్ల ఇంధన వినియోగం, అక్రమ రవాణా కూడా పెరుగుతున్నాయి. వెనిజులాలో లీటర్ పెట్రోల్ ధర రూ.2.70గా ఉంది. వెనెజులాలో పెట్రోల్ ధరలు చాలా తక్కువగా ఉండటానికి ప్రధాన కారణం ఆ దేశంలో భారీగా చమురు నిల్వలు ఉన్నాయి. వెనెజులా ప్రపంచంలోనే అతిపెద్ద నిర్ధారిత చమురు నిల్వలు ఉన్న దేశాల్లో ఒకటి. అక్కడ ప్రభుత్వం పెట్రోల్‌పై భారీ సబ్సిడీలు ఇస్తుంది. అంటే పెట్రోల్ తయారీ, పంపిణీకి అయ్యే ఖర్చులో కొంత భాగాన్ని ప్రభుత్వం భరిస్తుంది. అందుకే ప్రజలకు తక్కువ ధరకు ఇంధనం అందుతుంది