Cities News

పరకాల నెత్తుటి త్యాగానికి 75 ఏళ్లు రజాకార్ల దాడుల్లో నేలకొరిగిన యోధులు మరో జలియన్‌వాలాబాగ్‌ ఘటనగా ప్రసిద్ధి పరకాల(వరంగల్): రజాకారుల పాశవిక దాడికి పరకాలలో 15 మంది సమరయోధులు అమరులైన ఉదంతానికి నేటితో (సెప్టెంబరు 2) 75 ఏళ్లు పూర్తయ్యాయి. భారతదేశం బ్రిటీష్‌ పాలన నుంచి విముక్తి చెంది ఆగస్టు 15 స్వేచ్ఛా స్వాతంత్య్రం పొందితే.. నిజాం నిరంకుశ పాలన నుంచి తెలంగాణకు విముక్తి లభించలేదు. స్వేచ్ఛా స్వాంతంత్య్రం కోసం తెలంగాణ ప్రాంత ప్రజలు ఉద్యమం వైపు ఉరుకులు తీశారు. ప్రజా సంఘాలు, సాయుధ బలగాలను ఏర్పా టు చేసుకుని సాయుధ పోరాటానికి సిద్ధమయ్యారు. నిజాం సర్కారు ఖాసీంరజ్వీ నేతృత్వంలో రజాకార్ల పేరిట ప్రైవేటు సైన్యాన్ని ఏర్పాటు చేసుకుంది. వీరు ఉద్యమకారులను, సానుభూతిపరుల కుటుంబాలను అత్యంత దారుణంగా చిత్రహింసలకు గురిచేసి మహిళలు, వృద్ధులు, పిల్లలు అనే తేడా లేకుండా విచక్షణారహితంగా ప్రవర్తించారు. రజాకారుల చర్యలను ఎదుర్కొనేందు కు సమరయోధులు సాయుధబాట పట్టారు. పరకా ల చుట్టుపక్కల గ్రామాలకు చెందిన కటంగూరి కేశవరెడ్డి, ప్రకా్‌షరెడ్డి, ఎస్‌.మనోహర్‌రావు, కటంగూరి నర్సింహరెడ్డి, వీరగోపాల్‌రావు, చాడ వాసుదేవరెడ్డి, బల్గూరి బుచ్చయ్య, తోపునూరి కోటయ్య, కందుకూ రి జోగారెడ్డి, మేడిపల్లి మల్లయ్య, పాడి నర్సింహారెడ్డి, చంద్రయ్య, చిట్టిరెడ్డి వెంకట్‌రెడ్డి లాంటి పోరాటయోధులు ఒక్కొక్క విభాగానికి నాయకత్వం తీసుకుని ఉద్యమాన్ని ముందుకు నడిపించారు. 1947 సెప్టెంబరు 2న పరకాలలో త్రివర్ణ పతాకాన్ని ఎగురవేయాలని ముహూర్తం ఖరారు చేశారు. ఈ కార్యక్రమానికి పరకాల ప్రాంతంలోని ప్రతీ గ్రామం నుంచి వేలాదిగా ప్రజలు తరలివచ్చారు. పట్టణంలోని చాపలబండ వద్దకు చేరుకుని ఊరేగింపులో పాల్గొన్నారు. పరకాలప్రాంతంలో జరుగుతున్న ఉద్యమాన్ని అణచాలని అప్ప టికే పధకం ప్రకారం నిజాంసేనలు మాటువేసి ఉన్నాయి. పట్టణంలోని తహసీల్‌ కార్యాలయం వరకు ప్రజలు చేరగానే రజాకార్‌ మూకలు కత్తులు, బరిసెలు, తల్వార్లతో ఉద్యమకారులను వెంబడించి ఊచకోత కోయగా, నిజాం ఆధీనంలోని పోలీసులు తుపాకులతో విచక్షణారహితంగా ప్రజలపై కాల్పులు జరిపారు. ఈ సంఘటనలో 15

అంతర్జాతీయంగా నెలకొన్న ఉద్రిక్త పరిస్థితులు, మార్కెట్ తీవ్ర హెచ్చుతగ్గుల మధ్య బంగారం ధరలు మళ్లీ ఆకాశమే హద్దుగా పెరుగుతున్నాయి. గ్లోబల్ మార్కెట్‌లో భౌగోళిక రాజకీయ ఒత్తిళ్లు, బాండ్ ఈల్డ్స్‌లో మార్పులు రావడం వల్ల ఇన్వెస్టర్లు సురక్షితమైన పెట్టుబడి మార్గంగా భావించి పసిడి వైపు మొగ్గు చూపుతున్నారు. దీనికి తోడు డాలర్ మారకం విలువలో కదలికలు కూడా బంగారం పెరుగుదలకు ప్రధాన కారణమయ్యాయి. రానున్న రోజుల్లో వివాహాల సీజన్ కూడా ప్రారంభం కానుండటంతో ధరలు మరింత భేతాళుడిలా పైకి లేచే అవకాశం ఉందని అంచనా వేస్తున్నారు.పెరిగిన రేట్లు.. తులం ఎంత ఉందంటే?ఆగస్టు 17 సోమవారం నాటి రేట్లను పరిశీలిస్తే.. దేశీయంగా బంగారం ధరలు మళ్లీ పెరిగాయి. 24 క్యారట్ల మేలిమి బంగారం గ్రాముపై రూ.53 పెరిగి రూ.15,566 వద్దకు చేరింది. సాధారణంగా ఎక్కువగా కొనుగోలు చేసే 22 క్యారట్ల ఆభరణాల బంగారం గ్రాముకు రూ.50 పెరిగి రూ.14,270 వద్ద నమోదుకాగా, 18 క్యారట్ల బంగారం గ్రాముకు రూ.41 పెరిగి రూ.11,676 గా ఉంది. దీని ప్రకారం 100 గ్రాముల 24 క్యారట్ల బంగారంపై ఏకంగా రూ.5,300 పెరిగి రూ.15,56,600 టచ్ చేసింది. ఇక వెండి ధర కూడా భారీగా పెరిగింది. గ్రాముపై రూ.255 పెరగుదల నమోదవ్వగా.. ప్రస్తుతం కిలో రూ.2,55,000 గా ఉంది. వెండి వెలిగిపోతుంది. రూల్స్ మార్చినా సేల్స్ తగ్గేదేలే తెలుగు రాష్ట్రాల నగరాల్లో నేటి ధరలు!మన తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్నంలలో బంగారం ధరలు ఒకే రీతిగా నమోదయ్యాయి.24 క్యారట్ల పసిడి (10 గ్రాములు): రూ.530 పెరిగి రూ.1,55,660 వద్ద ట్రేడ్ అవుతోంది.22 క్యారట్ల పసిడి (10 గ్రాములు): రూ.500 పెరిగి రూ.1,42,700 నమోదు కాగా..18 క్యారట్ల పసిడి (10 గ్రాములు): రూ.410 పెరిగి రూ.1,16,760 వద్దకు చేరింది.18 ఏళ్ల కుర్రాడికి దొరికిన రూ.98 కోట్ల లంకె బిందెలు!దేశంలోని ఇతర ప్రధాన నగరాల్లో ఇలా..ఇక దేశవ్యాప్తంగా ప్రధాన మెట్రో

ఎస్సీ/ఎస్టీ (అఘాయిత్యాల నివారణ) చట్టాన్ని మరింత బలోపేతం చేయాలని కేంద్ర ప్రభుత్వం నిర్ణయించింది. ఆ దిశగా సర్కారు విస్తృతమైన ఏర్పాట్లు చేస్తోంది. చట్టాన్ని మరింత పటిష్టంగా అమలు చేసేందుకు ప్రత్యేక పోలీస్ స్టేషన్లు, కోర్టులు ఏర్పాటు చేయనున్నారు. ఇందుకోసం, రాష్ట్రాలకు ఆర్థిక సహాయం అందించడంతో పాటు, ఎస్సీ/ఎస్టీ వర్గానికి చెందిన బాధితులకు ఇచ్చే పరిహారాన్ని 40 శాతానికి పైగా పెంచాలని ప్రతిపాదించింది. వినియోగదారుల ధరల సూచిక (సీపీఐ) పెరుగుదలకు అనుగుణంగా ఈ చట్టం కింద బాధితులకు ఇచ్చే పరిహారాన్ని పెంచాలని సామాజిక న్యాయ, సాధికారత మంత్రిత్వ శాఖ ప్రతిపాదించింది. ప్రస్తుతం నేరం స్వభావం, తీవ్రతను బట్టి పరిహారం రూ. 85,000 నుంచి రూ. 8.25 లక్షల మధ్య అందించబడుతోంది. నూతన ప్రతిపాదనల ప్రకారం కనీస పరిహారాన్ని రూ.1 లక్షకు, గరిష్ట పరిహారాన్ని రూ.12 లక్షల వరకు పెంచనున్నారు. ఈ ప్రతిపాదన ఆమోదం పొందితే 2016 తర్వాత పరిహారం పరిమిత పెరగడం ఇదే తొలిసారి కానుంది. ప్రస్తుతం ఈ ఫైల్ వ్యయ ఆర్థిక కమిటీ ఆమోదం కోసం పంపబడింది. ప్రత్యేక పోలీస్ స్టేషన్ల ఏర్పాటు, కేంద్రం నిధులు షెడ్యూల్డ్ కుల (ఎస్సీ), షెడ్యూల్డ్ తెగ (ఎస్టీ) వర్గాలపై జరిగే అఘాయిత్యాలను నివారించడానికి ప్రభుత్వం ప్రత్యేక పోలీస్ స్టేషన్లను ఏర్పాటు చేయాలని యోచిస్తోంది. ప్రత్యేక పోలీస్ స్టేషన్లను ఏర్పాటు చేసేందుకు రాష్ట్రాలకు ఒకేసారి రూ. 5 లక్షల ఆర్థిక సహాయం అందించాలని కూడా ప్రతిపాదిస్తోంది. ఈ పోలీస్ స్టేషన్ల నిర్వహణకు అయ్యే ఖర్చులను సంబంధిత రాష్ట్ర ప్రభుత్వాలే భరించాల్సి ఉంటుంది. అఘాయిత్యాల కేసులను ఎదుర్కోవడానికి సంస్థాగత మౌలిక సదుపాయాలు పరిమితంగా ఉన్నాయన్న ఆందోళనల నేపథ్యంలో ఈ చర్య తీసుకున్నారు. ఈ చట్టం ప్రత్యేక పోలీస్ స్టేషన్ల ఏర్పాటుకు వీలు కల్పించినప్పటికీ, కేవలం ఏడు రాష్ట్రాలు, కేంద్రపాలిత ప్రాంతాలు మాత్రమే అలా చేశాయి. బడ్జెట్ సమావేశాల సందర్భంగా సమర్పించిన ఓ నివేదికలో, సామాజిక న్యాయం, సాధికారతపై పార్లమెంటరీ స్థాయీ

జాతీయ విపత్తు నివారణ నిధి కింద మొత్తం 18 నగరాలను కేంద్ర ప్రభుత్వం ఎంపిక చేసినట్లు కేంద్ర హోం శాఖ తెలిపింది. 18 నగరాలకు ఆర్థికసాయం చేసేందుకు ఏకంగా రూ.5,520.07 కోట్లను ప్రభుత్వం ఆమోదించిందని వెల్లడించింది. ఢిల్లీ: జాతీయ విపత్తు నివారణ నిధి కింద మొత్తం 18 నగరాలను కేంద్ర ప్రభుత్వం ఎంపిక చేసినట్లు కేంద్ర హోం శాఖ తెలిపింది. 18 నగరాలకు ఆర్థికసాయం చేసేందుకు ఏకంగా రూ.5,520.07 కోట్లను ప్రభుత్వం ఆమోదించిందని వెల్లడించింది. ఈ నిధులతో ఆయా నగరాల్లో విపత్తు నివారణ కార్యక్రమాలు చేపట్టినట్లు పేర్కొంది. అయితే, రెండు దశల్లో ఈ నగరాలను ఎంపిక చేసినట్లు హోంశాఖ చెప్పింది. ఈ మేరకు పార్లమెంట్‌లో విజయవాడ ఎంపీ కేశినేని శివనాథ్‌ అడిగిన ప్రశ్నకు కేంద్ర హోంశాఖ సహాయ మంత్రి నిత్యానంద రాయ్‌ లిఖితపూర్వక సమాధానంలో వివరాలను వెల్లడించారు. తొలిదశలో ఎంపిక చేసిన నగరాల్లో హైదరాబాద్‌తో పాటు అహ్మదాబాద్‌, బెంగళూరు, చెన్నై, కోల్‌కతా, ముంబై, పుణె ఉన్నాయని కేంద్ర హోంశాఖ వెల్లడించింది. ఈ ఏడు నగరాల్లో మొత్తం రూ.3,075.65 కోట్ల వ్యయంతో పట్టణ వరద ప్రమాద నిర్వహణ కార్యక్రమాలు చేపట్టినట్లు పేర్కొంది. అలాగే రెండో దశలో ఎంపిక చేసిన నగరాల్లో విశాఖపట్నంతోపాటు భోపాల్‌, భువనేశ్వర్‌, గౌహతి, జైపూర్‌, కాన్పూర్‌, పాట్నా, రాయ్‌పూర్‌, త్రివేండ్రం, ఇండోర్‌, లఖ్‌నవూ ఉన్నట్లు తెలిపింది. ఈ నగరాల్లో మొత్తం రూ.2,444.42 కోట్ల వ్యయంతో పట్టణ వరద ప్రమాద నిర్వహణ కార్యక్రమం రెండో దశకు ఆమోదం తెలిపినట్లు పేర్కొంది. మొదటి, రెండో దశల కింద మొత్తం రూ.5,520.07 కోట్లు ఆమోదించినట్లు పేర్కొంది. ఈ వ్యయంలో హైదరాబాద్‌ నగరానికి రూ.319.53 కోట్లు కేటాయించగా.. ఇందులో ఎన్‌డీఎంఎఫ్‌ ద్వారా రూ.250 కోట్లు ఆర్థికసాయం ఉంటుందని కేంద్ర హోంశాఖ స్పష్టం చేసింది. ఇప్పటికే రూ.75 కోట్లు ఎన్‌డీఎంఎఫ్‌ ద్వారా నిధులు విడుదల చేసినట్లూ తెలిపింది. అలాగే, రెండో దశలో ఆమోదం పొందిన విశాఖపట్నానికి రూ.222.22 కోట్లు కేటాయించగా

ప్రస్తుతం ప్రపంచవ్యాప్తంగా జెన్‌జీ దే హవా కొనసాగుతోంది. ట్రెండ్ దగ్గరి నుంచి రాజకీయాలు, ప్రభుత్వాలను గద్దె దించేవరకు.. జెన్‌జీ కీలక పాత్ర పోషిస్తున్నారు. ప్రపంచ దేశాల్లో జెన్‌జీ ఏం చేసినా అది వార్తగానే మారుతోంది. ఈ నేపథ్యంలోనే యువత ఎక్కడ నివసించాలనుకుంటోంది.. ఉద్యోగం, కెరీర్‌తో పాటు ఎంజాయ్‌మెంట్, కొత్త అనుభవాలు, మంచి ఫుడ్, నైట్‌లైఫ్, కల్చర్.. ఇవన్నీ ఒకే నగరంలో దొరికితే ఎలా ఉంటుంది. ప్రస్తుతం Gen Zలో ఇదే అంశాలకు ప్రాధాన్యం పెరుగుతోంది. ఈ నేపథ్యంలో ప్రపంచవ్యాప్తంగా యువతకు అత్యంత ఇష్టమైన నగరాలపై నిర్వహించిన తాజా సర్వే ఆసక్తికరమైన ఫలితాలను వెల్లడించింది.ప్రతి ఏడాది ప్రపంచంలోని ప్రముఖ నగరాలపై ర్యాంకింగ్స్ విడుదల చేసే Time Out.. ఈసారి 30 ఏళ్లలోపు వేలాది మంది నుంచి అభిప్రాయాలను సేకరించింది. వారు నివసిస్తున్న నగరాల్లో జీవితం ఎలా ఉంది.. అక్కడ ఖర్చులు, ఎంటర్‌టైన్‌మెంట్, సంస్కృతి, సామాజిక జీవనం ఎలా ఉన్నాయి.. ఆ నగరాలు యువతకు ఎంతవరకు నచ్చుతున్నాయి.. అనే అంశాలపై వారి అభిప్రాయాలను పరిగణనలోకి తీసుకుంది. ఈ సర్వేలో గతేడాది నంబర్ వన్‌గా నిలిచిన బ్యాంకాక్‌ను వెనక్కి నెట్టి టోక్యో అగ్రస్థానాన్ని కైవసం చేసుకుంది.టోక్యో, జపాన్జపాన్ రాజధాని టోక్యో ఈసారి Gen Z ఫేవరెట్ సిటీగా నిలిచింది. పురాతన సంప్రదాయాలకు ఆధునిక లైఫ్‌స్టైల్‌ను జోడించిన ఈ టోక్యో నగరం యువతకు అనేక రకాల అనుభవాలను అందిస్తోంది. కలర్‌ఫుల్‌ షాపింగ్ ప్రాంతాలు, రద్దీగా ఉండే వీధులు, ఆలయాలు, పార్కులతో పాటు ఫ్యాషన్, మ్యూజిక్, యానిమే, గేమింగ్ వంటి యువతను ఆకట్టుకునే క్రియేటివ్ కల్చర్ ఇక్కడ స్పెషల్ అట్రాక్షన్‌గా నిలుస్తోంది. కొత్తదనం కోసం వెతికే వారికి టోక్యోలో ప్రతి అడుగులోనూ ఏదో ఒకటి కనిపిస్తూనే ఉంటుంది.పోర్టో, పోర్చుగల్జెన్‌జీ ఫేవరెట్‌ సిటీల్లో రెండో స్థానంలో పోర్చుగల్‌లోని పోర్టో నిలిచింది. వేగంగా పరుగులు పెట్టే మెట్రో నగర జీవితానికి భిన్నంగా ఇక్కడ ప్రశాంతమైన వాతావరణం కనిపిస్తుంది. చారిత్రక కట్టడాలు, నదీ తీరాలు, పార్కులు