పాముల సయ్యాట. శృంగారమా? పోరాటమా
ప్రకృతి పరవశించిపోతోంది. వేసవి కాలపు భానుడి భగభగలు ముగిసి, మురిపించే తొలి రుతుపవనాల పలకరింపుతో భూదేవి పులకరిస్తోంది. రైతన్నలు నాగలి పట్టి ఏరువాక పున్నమి పండుగకు సిద్ధమవుతున్న వేళ.. అటు ప్రకృతిలోనూ, ఇటు జీవకోటిలోనూ వింత కాంతులు కనిపిస్తాయి. అలాంటి ఒక అద్భుతమైన, రోమాంచితమైన దృశ్యం నిర్మల్ జిల్లా భైంసా మండలంలో ఆవిష్కృతమైంది.మనిషి కంటే ముందే మూగజీవాలు ప్రకృతి మార్పులను పసిగడతాయి. భైంసా మండలం హాస్గుల్ గ్రామ సమీపంలోని ఒక పంట చేనులో సాయంత్రం వేళ రెండు భారీ సర్పాలు ఒకదానికొకటి పెనవేసుకుంటూ ఆకాశం వైపు ఎగుస్తూ చేసిన నృత్యం (సయ్యాట) ఇప్పుడు స్థానికంగా వైరల్ గా మారింది. అటుగా ట్రాక్టర్పై వెళ్తున్న ఓ రైతు ఈ అరుదైన దృశ్యాన్ని చూసి ఆశ్చర్యపోయి, వెంటనే తన మొబైల్ ఫోన్లో చిత్రీకరించాడు. దాదాపు 30 నిమిషాల పాటు సాగిన ఈ సర్పాల విన్యాసం చూపర్లను కట్టిపడేసింది.రైతుల నమ్మకం: ఏరువాక వేళ.. శుభసూచకం!సాధారణంగా గ్రామీణ ప్రాంతాల్లో, ముఖ్యంగా రైతాంగంలో పాముల సయ్యాటపై బలమైన నమ్మకాలు ఉన్నాయి. వేసవి కాలం ముగిసి, రుతుపవనాలు రాష్ట్రాన్ని తాకిన తరుణంలో, ఏరువాక పున్నమి (రైతులు వ్యవసాయ పనులు ప్రారంభించే పండుగ) రాబోతున్న సమయంలో పాములు ఇలా పెనవేసుకోవడాన్ని రైతులు అత్యంత శుభసూచికంగా భావిస్తారు.పాములు ఇలా సయ్యాటలాడితే ఆ ఏడాది వర్షాలు సమృద్ధిగా కురుస్తాయని, పంటలు పండడమే కాకుండా భూతల్లి పచ్చదనంతో వికసిస్తుందని పెద్దలు చెబుతుంటారు. ప్రకృతి సమతుల్యతకు, సమృద్ధిగా కురిసే వానలకు ఇదొక దైవిక సంకేతమని నమ్ముతారు.అసలు పాములు ఎందుకు పెనవేసుకుంటాయి? (సైన్స్ ఏం చెబుతోంది?)సాధారణంగా చాలామంది ఈ దృశ్యాన్ని చూసి ఆడ, మగ పాముల శృంగార నృత్యం (Mating Dance) అని పొరబడుతుంటారు. కానీ, వన్యప్రాణి నిపుణులు, సైన్స్ చెబుతున్న నిజం వేరేలా ఉంది. తాతల కాలం నాటి నేరేడు సామెత రహస్యం! కరువుకు ముందస్తు హెచ్చరిక..నిజానికి ఇవి రెండు మగ పాములు. వర్షాకాలం ప్రారంభంలో ఆడ పామును ఆకర్షించేందుకు